Aamir Khan: 59ರ ವಯಸ್ಸಿನಲ್ಲಿ 3ನೇ ಮದುವೆ ಆಗ್ತಾರಾ ಆಮೀರ್?; ನಟ ಹೇಳಿದ್ದೇನು?

Team Udayavani, Aug 26, 2024, 4:25 PM IST

ಮುಂಬಯಿ: ಬಾಲಿವುಡ್‌ ನಟ ಆಮೀರ್‌ ಖಾನ್ (‌Aamir Khan) ಕಳೆದ ಕೆಲ ದಿನಗಳಿಂದ ಸುದ್ದಿಯಲ್ಲಿದ್ದಾರೆ.

ಕೊರೊನಾ ಸಂದರ್ಭದಲ್ಲಿ ಇದು ನನ್ನ ನಟನೆಯ ಕೊನೆಯ ಘಟ್ಟ ಎಂದು ಅರಿವಾಯಿತು. ಆದರೆ ಚಿತ್ರರಂಗ, ಸಮಾಜ ಮತ್ತು ನನ್ನ ದೇಶ ನನಗೆ ಸಾಕಷ್ಟು ನೀಡಿದೆ. ಹಾಗಾಗಿ ನಟನಾಗಿ ಅಲ್ಲದಿದ್ದರೂ ವರ್ಷಕ್ಕೆ ಕನಿಷ್ಠ ಒಂದಾದರೂ ಉತ್ತಮ ಸಿನಿಮಾ ನಿರ್ಮಿಸಲಿದ್ದೇನೆ. ಜತೆಗೆ, ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡುವ ಉದ್ದೇಶವಿದೆ ಎಂದು ಇತ್ತೀಚೆಗೆ ಹೇಳಿದ್ದರು.

ಆಮೀರ್‌ ಅವರ ಈ ಮಾತು ನಟನಾ ಕ್ಷೇತ್ರಕ್ಕೆ ಅವರು ವಿದಾಯ ಹೇಳಲಿದ್ದಾರೆ ಎನ್ನುವ ಸುಳಿವನ್ನೂ ನೀಡಿತ್ತು. ಆದರೆ ಇದಾದ ಕೆಲ ದಿನಗಳ ಬಳಿಕ ಅವರು ಕಾಲಿವುಡ್‌ ನಿರ್ದೇಶಕ ಲೋಕೇಶ್ ಕನಕರಾಜ್ (Lokesh Kanagaraj) ಜತೆ ಸಿನಿಮಾ ಮಾಡಲಿದ್ದಾರೆ ಎನ್ನುವ ಮಾತು ಕೇಳಿ ಬಂದಿತ್ತು.

ಇದನ್ನೂ ಓದಿ: Kollywood: ರಜಿನಿ ʼವೆಟ್ಟೈಯನ್‌ʼಗೆ ದಾರಿ ಬಿಟ್ಟ ಸೂರ್ಯ; ʼಕಂಗುವʼ ರಿಲೀಸ್‌ ಮುಂದೂಡಿಕೆ?

ಇತ್ತೀಚೆಗೆ ನಟಿ ರಿಯಾ ಚಕ್ರಬರ್ತಿ(Rhea Chakraborty) ಅವರ ʼಪಾಡ್‌ಕ್ಯಾಸ್ಟ್ ಚಾಪ್ಟರ್-2ʼ ನಲ್ಲಿ ಆಮೀರ್‌ ಭಾಗಿಯಾಗಿದ್ದರು.  ಈ ಪಾಡ್‌ ಕಾಸ್ಟ್‌ನಲ್ಲಿ ಅವರು ತನ್ನ ಸಿನಿಮಾಗಳ ಸೋಲು ಹಾಗೂ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಿದ್ದಾರೆ.

ರಿಯಾ ಅಮೀರ್‌ ಖಾನ್‌ ಅವರಿಗೆ ಮದುವೆಯ ಬಗೆಗಿನ ಆಲೋಚನೆ ಬಗ್ಗೆ ಕೇಳಿದಾಗ, “ನನ್ನದು ಎರಡೂ ಮದುವೆ ಕೂಡ ಸಕ್ಸಸ್‌ ಮದುವೆಯಲ್ಲ. ಆದ್ದರಿಂದ ನನ್ನಿಂದ ಮದುವೆಯ ಸಲಹೆಯನ್ನು ಕೇಳಬೇಡಿ” ಎಂದಿದ್ದಾರೆ.

ಇದನ್ನೂ ಓದಿ: Actor Darshan: ಜೈಲಿನಲ್ಲಿ ರಾಜಾರೋಷ; ದರ್ಶನ್‌ ಸೇರಿ ಹಲವರ ವಿರುದ್ಧ 3 ಪ್ರತ್ಯೇಕ FIR

ಮೂರನೇ ಬಾರಿಗೆ ಮದುವೆಯಾಗಲು ಸಿದ್ಧರಿದ್ದೀರಾ? ಎನ್ನುವ ಪ್ರಶ್ನೆಗೆ ಉತ್ತರಿಸಿರುವ ಅವರು,  “ನನಗೆ ಈಗ 59 ವರ್ಷ, ನಾನು ಮತ್ತೆ ಎಲ್ಲಿ ಮದುವೆಯಾಗುವುದು. ಇದು ಕಷ್ಟವೆಂದು ಕಾಣುತ್ತದೆ. ಈಗ ನನ್ನ ಜೀವನದಲ್ಲಿ ನಾನು ಅನೇಕ ಸಂಬಂಧಗಳನ್ನು ಹೊಂದಿದ್ದೇನೆ. ನನ್ನ ಕುಟುಂಬ, ನನ್ನ ಮಕ್ಕಳು ಇತ್ಯಾದಿಗಳೊಂದಿಗೆ ನಾನು ಹೆಚ್ಚು ಸಮಯವನ್ನು ಕಳೆಯಬೇಕಿದೆ” ಎಂದು ನಟ ಹೇಳಿದ್ದಾರೆ.

ಆಮೀರ್‌ ಮೊದಲು ರೀನಾ ದತ್ತಾ ಅವರೊಂದಿಗೆ ವಿವಾಹವಾಗಿದ್ದರು. ಇವರಿಗೆ ಇರಾ ಖಾನ್ ಮತ್ತು ಜುನೈದ್ ಖಾನ್ ಎನ್ನುವ ಮಕ್ಕಳಿದ್ದಾರೆ. ಇನ್ನು ಎರಡನೇ ಬಾರಿ ಕಿರಣ್‌ ರಾವ್ ಅವರೊಂದಿಗೆ ಮದುವೆ ಆಗಿದ್ದರು ಇವರಿಗೆ ಆಜಾದ್ ರಾವ್ ಖಾನ್ ಎಂಬ ಮಗನಿದ್ದಾನೆ.

ಸದ್ಯ ಆಮೀರ್‌ ಖಾನ್‌ ʼಸಿತಾರೆ ಜಮೀನ್ ಪರ್ʼ(Sitaare Zamin Par) ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾವನ್ನು ಆರ್‌ಎಸ್ ಪ್ರಸನ್ನ ನಿರ್ದೇಶನ ಮಾಡಲಿದ್ದಾರೆ. ಇದು ಸ್ಪ್ಯಾನಿಷ್ ಸ್ಪೋರ್ಟ್ಸ್‌ ಕಾಮಿಡಿ ʼಕ್ಯಾಂಪಿಯೋನ್ಸ್‌ʼನ (Campeones) ರಿಮೇಕ್ ಆಗಿದೆ. ಜೆನಿಲಿಯಾ ಡಿಸೋಜಾ ಹೀರೋಯಿನ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ.