ಮಹಾಭಾರತದ ಭೀಮ ಪಾತ್ರಧಾರಿ ಪ್ರವೀಣ್ ಕುಮಾರ್ ಸೋಬ್ತಿ ನಿಧನ

Team Udayavani, Feb 8, 2022, 11:29 AM IST

ಹೊಸದಿಲ್ಲಿ: ಪ್ರಸಿದ್ದ ಮಹಾಭಾರತ ಧಾರವಾಹಿಯ ಭೀಮ ಪಾತ್ರಧಾರಿ ಪ್ರವೀಣ್ ಕುಮಾರ್ ಸೋಬ್ತಿ ಅವರು ಇಂದು ನಿಧನರಾದರು. 74 ವರ್ಷದ ಪ್ರವೀಣ್ ಕುಮಾರ್ ಸೋಬ್ತಿ ಅವರು ತಮ್ಮ ಬೃಹತ್ ಮೈಕಟ್ಟುಗೆ ಹೆಸರುವಾಸಿಯಾಗಿದ್ದರು ಅನೇಕ ಬಾಲಿವುಡ್ ಚಲನಚಿತ್ರಗಳಲ್ಲಿ ಹೆಂಚ್‌ಮ್ಯಾನ್, ಗೂಂಡಾ ಮತ್ತು ಅಂಗರಕ್ಷಕನ ಪಾತ್ರವನ್ನು ನಿರ್ವಹಿಸಿದ್ದಾರೆ.

ಪಂಜಾಬ್ ಮೂಲದ ಪ್ರವೀಣ್ ಕುಮಾರ್ ಅವರು ನಟನಾ ವೃತ್ತಿಗೆ ಕಾಲಿಡುವ ಮೊದಲು ಹ್ಯಾಮರ್ ಥ್ರೋ ಮತ್ತು ಡಿಸ್ಕಸ್ ಥ್ರೋ ಕ್ರೀಡಾಪಟುವಾಗಿದ್ದರು. ಅವರು ನಾಲ್ಕು ಬಾರಿ ಏಷ್ಯನ್ ಗೇಮ್ಸ್ ಪದಕ ವಿಜೇತರಾಗಿದ್ದಾರೆ (2 ಚಿನ್ನ, 1 ಬೆಳ್ಳಿ ಮತ್ತು 1 ಕಂಚು) ಮತ್ತು ಎರಡು ಒಲಿಂಪಿಕ್ ಕ್ರೀಡಾಕೂಟಗಳಲ್ಲಿ (1968 ಮೆಕ್ಸಿಕೋ ಗೇಮ್ಸ್ ಮತ್ತು 1972 ಮ್ಯೂನಿಚ್ ಗೇಮ್ಸ್) ಭಾರತವನ್ನು ಪ್ರತಿನಿಧಿಸಿದ್ದಾರೆ.

ಅರ್ಜುನ ಪ್ರಶಸ್ತಿ ಪುರಸ್ಕೃತ ಪ್ರವೀಣ್ ಕುಮಾರ್ ಅವರು ಕ್ರೀಡಾ ಕೋಟಾದಲ್ಲಿ ಪ್ರವೀಣ್‌ ಗೆ ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್) ಡೆಪ್ಯುಟಿ ಕಮಾಂಡೆಂಟ್ ಹುದ್ದೆ ಪಡೆದಿದ್ದರು.

ಇದನ್ನೂ ಓದಿ:ಬದಲಾಯ್ತು ಶ್ರೀಲೀಲಾ- ಧನ್ವೀರ್‌ ನಟನೆಯ ‘ಬೈ ಟು ಲವ್‌’ ರಿಲೀಸ್ ಡೇಟ್

ಕ್ರೀಡೆಯ ಯಶಸ್ವಿ ವೃತ್ತಿಜೀವನದ ನಂತರ, ಪ್ರವೀಣ್ 70 ರ ದಶಕದ ಅಂತ್ಯದಲ್ಲಿ ಕ್ಯಾಮಾರ ಮುಂದೆ ಬಂದರು. ಪ್ರವೀಣ್ ಅವರು ಪಂದ್ಯಾವಳಿಗಾಗಿ ಕಾಶ್ಮೀರದಲ್ಲಿದ್ದಾಗ ತಮ್ಮ ಮೊದಲ ಬಾಲಿವುಡ್ ಚಿತ್ರಕ್ಕೆ ಸಹಿ ಹಾಕಿದ್ದರು. ರವಿಕಾಂತ್ ನಾಗೈಚ್ ನಿರ್ದೇಶನದಲ್ಲಿ ಅವರ ಸಂಭಾಷಣೆ ಇಲ್ಲದ ಮೊದಲ ಪಾತ್ರ ಮಾಡಿದ್ದರು.

80ರ ದಶಕದಲ್ಲಿ ಬಿಆರ್ ಚೋಪ್ರಾ ನಿರ್ದೇಶನದ ಮಹಾಭಾರತ ಧಾರವಾಹಿಯಲ್ಲಿ ಭೀಮ ಪಾತ್ರದಲ್ಲಿ ಮಿಂಚಿದ್ದರು.