Tusshar Kapoor: ʼಗೋಲ್‌ ಮಾಲ್‌ʼ ನಟ ತುಷಾರ್‌ ಕಪೂರ್‌ ಫೇಸ್‌ಬುಕ್‌ ಖಾತೆ ಹ್ಯಾಕ್

Team Udayavani, Sep 30, 2024, 4:30 PM IST

ಮುಂಬಯಿ: ಬಾಲಿವುಡ್‌ ನಟ ತುಷಾರ್‌ ಕಪೂರ್‌ (Tusshar Kapoor)  ಅವರ ಖಾಸಗಿ ಫೇಸ್ ಬುಕ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆ ಎಂದು ವರದಿಯಾಗಿದೆ.

ʼಗೋಲ್‌ ಮಾಲ್‌ʼ ನಟ ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಮ್‌ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

“ಎಲ್ಲರಿಗೂ ನಮಸ್ಕಾರ, ನನ್ನ ಪಬ್ಲಿಕ್ ಮತ್ತು ಖಾಸಗಿ ಫೇಸ್‌ಬುಕ್ ಖಾತೆಗಳೆರಡೂ ಹ್ಯಾಕ್‌ ಆಗಿದೆ. ಇದೇ ಕಾರಣದಿಂದ ನಾನು ಕಳೆದ ಕೆಲ ಸಮಯದಿಂದ ಫೇಸ್‌ ಬುಕ್‌ ನಲ್ಲಿ ಆ್ಯಕ್ಟಿವ್ ಆಗಿಲ್ಲ. ಮತ್ತೆ ನನ್ನ ಖಾತೆ ನನ್ನ ನಿಯಂತ್ರಣಕ್ಕೆ ಬರಲು ನನ್ನ ತಂಡ ಕೈಲಾದಷ್ಟು ಪ್ರಯತ್ನಿಸುತ್ತಿದೆ. ಈ ಸಮಯದಲ್ಲಿ ನಿಮ್ಮ ತಾಳ್ಮೆ ಮತ್ತು ತಿಳುವಳಿಕೆಯನ್ನು ನಾವು ಪ್ರಶಂಸಿಸುತ್ತೇವೆ” ಎಂದು ಬರೆದುಕೊಂಡಿದ್ದಾರೆ.

 

View this post on Instagram

 

A post shared by Tusshar Kapoor (@tusshark89)

ʼಗೋಲ್‌ ಮಾಲ್‌ʼ ಸೇರಿದಂತೆ ಹತ್ತಾರು ಬಾಲಿವುಡ್‌ ಸಿನಿಮಾಗಳಲ್ಲಿ ನಟಿಸಿರುವ ತುಷಾರ್‌ ಹಾಸ್ಯ ಪಾತ್ರಗಳಲ್ಲೇ ಹೆಚ್ಚಾಗಿ ಕಾಣಿಸಿಕೊಂಡಿದ್ದಾರೆ. ʼದಸ್ ಜೂನ್ ಕಿ ರಾತ್ʼ ಎನ್ನುವ ವೆಬ್‌ ಸಿರೀಸ್‌ ನಲ್ಲಿ ತುಷಾರ್‌ ಕಾಣಿಸಿಕೊಂಡಿದ್ದರು.

ಮುಜೆ ಕುಚ್ ಕೆಹನಾ ಹೈ ಸಿನಿಮಾದ ಮೂಲಕ ಬಿಟೌನ್‌ಗೆ ಎಂಟ್ರಿ ಕೊಟ್ಟ ತುಷಾರ್‌ ʼಗೋಲ್‌ ಮಾಲ್‌ʼ ಸರಣಿಯಲ್ಲಿ ಮಿಂಚಿದ್ದಾರೆ.

ಇತ್ತೀಚೆಗಷ್ಟೇ ಖ್ಯಾತ ಯೂಟ್ಯೂಬರ್‌ ರಣವೀರ್ ಅಲ್ಲಾಬಾಡಿಯಾ ಯೂಟ್ಯೂಬ್‌ ಖಾತೆ ಹ್ಯಾಕ್‌ ಆಗಿತ್ತು.