ಶೀಘ್ರವೇ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತೇವೆ : ವಿಕ್ಕಿ ಕೌಶಲ್

Team Udayavani, Oct 17, 2021, 3:18 PM IST

ಮುಂಬೈ: ತಮ್ಮ ಹಾಗೂ ಕತ್ರಿನಾ ಕೈಫ್ ಅವರ ನಿಶ್ಚಿತಾರ್ಥದ ವದಂತಿಗೆ ನಟ ವಿಕ್ಕಿ ಕೌಶಲ್ ಸ್ಪಷ್ಟನೆ ನೀಡಿದ್ದಾರೆ.

ಮಾಧ್ಯಮವೊಂದಕ್ಕೆ ನೀಡಿರುವ ಸಂದರ್ಶನದ ವೇಳೆ “ನೀವು ಮತ್ತು ಕತ್ರಿನಾ ಕೈಫ್ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಿರುವ ವಿಷಯ ನಿಮ್ಮ ಸ್ನೇಹಿತರಿಂದ ಹೊರ ಬಿದ್ದಿದೆ” ಎನ್ನುವ ಪ್ರಶ್ನೆಗೆ ನಗುಮುಖದಲ್ಲಿಯೇ ಉತ್ತರಿಸಿದ ಅವರು ನಾವು ಶೀಘ್ರದಲ್ಲಿಯೇ ಎಂಗೇಜ್ಮೆಂಟ್ ಮಾಡಿಕೊಳ್ಳುತ್ತೇವೆ..ಸಾಕಾ ? ಎಂದು ಉತ್ತರಿಸಿದ್ದಾರೆ.

ಬಾಲಿವುಡ್ ಕ್ಯಾಟ್ ಕತ್ರಿನಾ ಈ ಹಿಂದೆ ಸಲ್ಮಾನ್ ಖಾನ್ ಜೊತೆಗಿನ ಡೇಟಿಂಗ್ ನಲ್ಲಿದ್ದರು. ಆದಾದ ಬಳಿಕ ರಣಬೀರ್ ಕಪೂರ್ ಜೊತೆ ಸ್ವಲ್ಪ ದಿನ ಸುತ್ತಾಡಿದರು. ರಣಬೀರ್ ಹಾಗೂ ಕತ್ರಿನಾ ಮದುವೆಯಾಗಲಿದ್ದಾರೆ ಎನ್ನುವ ಮಾತು ಕೇಳಿ ಬಂದಿತ್ತು. ಆದರೆ, ಈ ಜೋಡಿ ಬ್ರೇಕಪ್ ಮಾಡಿಕೊಂಡಿತು. ರಣಬೀರ್ ಜೊತೆಗಿನ ಪ್ರೇಮ ಮುರಿದು ಬಿದ್ದ ನಂತರ ‘ಉರಿ’ ಖ್ಯಾತಿಯ ನಟ ವಿಕ್ಕಿ ಕೌಶಲ್ ಜೊತೆ ಕತ್ರಿನಾ ಕೈಫ್ ಹೆಸರು ಕೇಳಿ ಬರತೊಡಗಿದೆ.

ಕತ್ರಿನಾ ಹಾಗೂ ಕೌಶಲ್ ರಹಸ್ಯವಾಗಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದಾರೆ ಎನ್ನುವ ಸುದ್ದಿ ಕೆಲ ದಿನಗಳಿಂದ ಹರಿದಾಡುತ್ತಿದೆ. ಆದರೆ, ಇದನ್ನು ಇಬ್ಬರೂ ಕುಟುಂಬದವರು ತಿರಸ್ಕರಿಸಿದ್ದಾರೆ.

ಇನ್ನು ವಿಕ್ಕಿ ಅವರ ನಟಿಸಿರುವ ಸರ್ದಾರ ಉದ್ದಾಮ್ ಸಿನಿಮಾ ಭಾರಿ ಸದ್ದು ಮಾಡುತ್ತಿದೆ. ಈ ಚಿತ್ರಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆಯ ಮಹಾಪೂರ ಹರಿದು ಬರುತ್ತಿದೆ. ಕೌಶಾಲ್ ಅಭಿಯನಕ್ಕೆ ಫುಲ್ ಮಾರ್ಕ್ಸ್ ಸಿಕ್ಕಿದೆ. ಇದೇ ಖುಷಿಯಲ್ಲಿರುವ ಅವರು ಕತ್ರಿನಾ ಜೊತೆಗೆ ಮದುವೆ ಸಿದ್ಧತೆ ನಡೆಸಿದ್ದಾರೆ ಎನ್ನಲಾಗುತ್ತಿದೆ.