ಅಮೀರ್ ಪುತ್ರಿಗೆ ಇನ್ನೂ ಕಾಡ್ತಿದೆ ಆ ಪೆಡಂಭೂತ … ಇನ್ಸ್ಟಾದಲ್ಲಿ ಇರಾ ಖಾನ್ ಹೇಳಿದ್ದೇನು?

Team Udayavani, Feb 10, 2021, 3:35 PM IST

‘ಡಿಪ್ರೆಷನ್’.. ಡಿಪ್ರೆಷನ್… ಡಿಪ್ರೆಷನ್… ಒಂದಿಲ್ಲೊಂದು ಕಾರಣಕ್ಕೆ ಎಲ್ಲರೂ ಮಾನಸಿಕ ಖಿನ್ನತೆಗೆ ಒಳಾಗಿಯೇ ಇರ್ತಾರೆ. ಈ ಬಲೆಯಿಂದ ಬೇಗನೆ ಹೊರಬಂದ್ರೆ ಉತ್ತಮ ಇಲ್ಲದಿದ್ದರೆ ಇದರ ಪರಿಣಾಮ ಘೋರವಾಗಿರುತ್ತೆ ಎನ್ನುವುದಕ್ಕೆ ಸಾಕಷ್ಟು ಉದಾಹರಣೆಗಳು ನಮ್ಮ ಕಣ್ಮುಂದೆ ಇವೆ.

ಮಾನಸಿಕ ಖಿನ್ನತೆ ಎನ್ನುವ ಪೆಡಂಭೂತ ಚಿತ್ರಂಗವನ್ನೂ ಬಿಟ್ಟಿಲ್ಲ. ಈ ಕಾಯಿಲೆ ಹಲವರ ಪ್ರಾಣ ಬಲಿ ಪಡೆದಿದ್ದು ಕೂಡ ಇದೆ. ಇತ್ತೀಚಿಗಷ್ಟೆ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ ಹಾಗೂ ಕನ್ನಡದ ಬಿಗ್ ಬಾಸ್ ಮಾಜಿ ಸ್ಪರ್ಧಿ ಜಯಶ್ರೀ ರಾಮಯ್ಯ ಅವರ ಆತ್ಮಹತ್ಯೆಯ ಹಿಂದೆ ಇದೇ ‘ಡಿಪ್ರೆಷನ್’ ಕಾರಣ ಎನ್ನುವ ಗುಲ್ಲು ಕೂಡ ಕೇಳಿ ಬಂದಿತ್ತು. ಅದೇನೆ ಇರಲಿ ಸದ್ಯ ಬಿಟೌನ್ ನ ಮತ್ತೊರ್ವಳು ತಾನೂ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ.

ಹೌದು, ಬಾಲಿವುಡ್ ಮಿಸ್ಟರ್ ಫರ್ಪೆಕ್ಟ್ ಅಮೀರ್ ಖಾನ್ ಅವರ ಮೊದಲ ಹೆಂಡತಿ ಪುತ್ರಿ ಇರಾ ಖಾನ್, ತಾನು ‘ಡಿಪ್ರೆಷನ್’ ನಿಂದ ನರಳುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಂನಲ್ಲಿ ವಿಡಿಯೋ ಹಂಚಿಕೊಂಡಿರುವ ಅವರು, ತಾವು ಎದುರಿಸುತ್ತಿರುವ ಸಮಸ್ಯೆಯನ್ನು ಹಂಚಿಕೊಂಡಿದ್ದಾರೆ.

ಕಳೆದ ವರ್ಷ ‘ವಿಶ್ವ ಮಾನಸಿಕ ಆರೋಗ್ಯ ದಿನ’ದಂದು ಇರಾ, ತಾನೂ ನಾಲ್ಕು ವರ್ಷಗಳ ಕಾಲ ಮಾನಸಿಕ ಖಿನ್ನತೆ ಅನುಭವಿಸಿದ್ದೆ ಎಂದು ಹೇಳಿಕೊಂಡಿದ್ದರು. ಇದಾದ ನಂತರ ಅವರು ಅದರಿಂದ ಹೊರ ಬಂದಿರಬಹುದು ಎಂಬುದು ಎಲ್ಲರ ಊಹೆಯಾಗಿತ್ತು. ಆದರೆ, ಅವರು ನಿನ್ನೆಯ ವಿಡಿಯೋ ನೋಡಿದ ಬಳಿಕ, ಇರಾ ಇಂದಿಗೂ ಕೂಡ ‘ಡಿಪ್ರೆಷನ್’ ನಲ್ಲಿದ್ದಾರೆ ಎಂದು ಗೊತ್ತಾಗಿದೆ.

ಇದನ್ನೂ ಓದಿ :

ಇರಾ ಖಾನ್ ಇನ್ನೂ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿಲ್ಲವಾದರೂ, ಸಾಕಷ್ಟು ಅಭಿಮಾನಿ ಬಳಗ ಹೊಂದಿದ್ದಾರೆ. ಹಲವು ಬಾರಿ ತಮ್ಮ ಲವ್ ವಿಚಾರವಾಗಿಯೂ ಸಿಕ್ಕಾಪಟ್ಟೆ ಸುದ್ದಿಯಾಗಿದ್ದರು..