Jawan BIG Update:‌ ʼಜವಾನ್‌ʼನಲ್ಲಿ ಶಾರುಖ್‌ ಜೊತೆ ಕಾಣಿಸಿಕೊಳ್ಳಲಿದ್ದಾರೆ ಈ ಬಿಗ್ ಸ್ಟಾರ್

Team Udayavani, Jul 25, 2023, 1:15 PM IST

ಮುಂಬಯಿ: ಅಟ್ಲಿ – ಶಾರುಖ್‌ ಅವರ ʼಜವಾನ್‌ʼ ಹೈಪ್‌ ಜೋರಾಗಿದೆ. ಪ್ಯಾನ್‌ ಇಂಡಿಯಾ ಸಿನಿಮಾ ವೀಕ್ಷಣೆಗೆ ಫ್ಯಾನ್ಸ್‌ ಗಳು ತುದಿಗಾಲಿನಲ್ಲಿ ನಿಂತಿದ್ದಾರೆ. ರಿಲೀಸ್‌ ಡೇಟ್‌ ಸಮೀಪಕ್ಕೆ ಬರುತ್ತಿದ್ದಂತೆ ಸಿನಿಮಾದ ಬಗ್ಗೆ ಒಂದೊಂದೆ ಬಿಗ್‌ ಅಪ್ಡೇಟ್ ಗಳು ಹೊರಬೀಳುತ್ತಿವೆ.

ಕಳೆದ ತಿಂಗಳು ʼಜವಾನ್ʼ ಪ್ರಿವ್ಯೂ ರಿಲೀಸ್‌ ಆಗಿತ್ತು. ಭರ್ಜರಿ ಆ್ಯಕ್ಷನ್ ಸೀಕ್ವೆನ್ಸ್‌ ನಿಂದ ಶಾರುಖ್‌ ಧಮಾಕ ಮಾಡಿದ್ದಾರೆ. ದೀಪಿಕಾ ಪಡುಕೋಣೆ ಅವರು ಕೂಡ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಆ್ಯಕ್ಷನ್ ಪ್ಯಾಕೇಜ್‌ ʼಜವಾನ್‌ʼ ನಲ್ಲಿ ಕಾಲಿವುಡ್‌ ನ ಬಿಗ್‌ ಸ್ಟಾರ್‌ ದಳಪತಿ ವಿಜಯ್‌ ಅವರು ಇದ್ದಾರೆ ಎನ್ನುವುದರ ಬಗ್ಗೆ ಗುಸು ಗುಸು ಗಾಸಿಪ್‌ ಮೊದಲಿನಿಂದಲೂ ಇತ್ತು. ಇದೀಗ ಇದರ ಬಗೆ ಬಿಗ್‌ ಅಪ್ಡೇಟ್‌ ವೊಂದು ಹೊರಬಿದ್ದಿದೆ.

ಇದನ್ನೂ ಓದಿ: “ನಾನು ಅಲ್ಲು ಅರ್ಜುನ್‌ ಅವರ ದೊಡ್ಡ ಅಭಿಮಾನಿ..” ʼಪುಷ್ಪʼ ಸ್ಟಾರ್ ಬಗ್ಗೆ ಸಾಕ್ಷಿ ಧೋನಿ ಮಾತು

ಸಾಹಸ  ಸಂಯೋಜಕ (Action choreographer) ʼಜವಾನ್‌ʼ ಸಿನಿಮಾದ ಸಾಹಸದ ದೃಶ್ಯವೊಂದರಲ್ಲಿ ಶಾರುಖ್‌ ಜೊತೆಗೆ ದಳಪತಿ ವಿಜಯ್ ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಗುಟ್ಟನ್ನು ಸಂದರ್ಶನವೊಂದರಲ್ಲಿ ರಟ್ಟು ಮಾಡಿದ್ದಾರೆ.

ಶಾರುಖ್‌ ಹಾಗೂ ವಿಜಯ್‌ ಇಬ್ಬರ ಜೊತೆ ಉತ್ತಮ ಬಾಂಧವ್ಯವನ್ನು ಹೊಂದಿರುವ ದಳಪತಿ ವಿಜಯ್‌ ʼಜವಾನ್‌ʼ ನಲ್ಲಿ ವಿಶೇಷ ಪಾತ್ರದಲ್ಲಿ ನಟಿಸಲು ಯಾವುದೇ ಶುಲ್ಕವನ್ನು ಪಡೆದುಕೊಳ್ಳಿಲ್ಲ. ಫ್ರೀಯಾಗಿ ನಟಿಸಿದ್ದಾರೆ ಎಂದು ವರದಿ ತಿಳಿಸಿದೆ.

ಈ ವಿಚಾರ ಇಂಟರ್‌ ನೆಟ್‌ ನಲ್ಲಿ ಭಾರೀ ವೈರಲ್‌ ಆಗಿದೆ. ಒಂದೇ ಸ್ಕ್ರೀನ್‌ ನಲ್ಲಿ ಎರಡು ದೊಡ್ಡ ಸ್ಟಾರ್‌ ಗಳನ್ನು ನೋಡಲು ಫ್ಯಾನ್ಸ್‌ ಗಳು ಎಕ್ಸೈಟ್‌ ಆಗಿದ್ದಾರೆ. ಆದರೆ ಈ ಬಗ್ಗೆ ಚಿತ್ರತಂಡ ಇನ್ನೂ ಅಧಿಕೃತವಾಗಿ ಎಲ್ಲೂ ಅನೌನ್ಸ್‌ ಮಾಡಿಲ್ಲ.

‘ಜವಾನ್‌ʼ ನಲ್ಲಿನ ಪಾತ್ರ ತಯಾರಿಗಾಗಿ ರಜನಿಕಾಂತ್, ದಳಪತಿ ವಿಜಯ್, ಅಲ್ಲು ಅರ್ಜುನ್ ಮತ್ತು ಯಶ್ ಸಿನಿಮಾಗಳನ್ನು ವೀಕ್ಷಿಸಿದ್ದೇನೆ. ಅವರ ಚಲನಚಿತ್ರಗಳು ಭಾಷೆ ಮತ್ತು ಅಭಿವ್ಯಕ್ತಿಗಳನ್ನು ಅರ್ಥಮಾಡಿಕೊಳ್ಳಲು ನನಗೆ ಸಹಾಯ ಮಾಡಿದೆ ಶಾರುಖ್‌ ಖಾನ್‌ ಇತ್ತೀಚೆಗೆ ಹೇಳಿದ್ದರು.

ಚಿತ್ರದಲ್ಲಿ ಶಾರುಖ್‌ ಜೊತೆ ನಯನತಾರಾ, ವಿಜಯ್ ಸೇತುಪತಿ ಸನ್ಯಾ ಮಲ್ಹೋತ್ರಾ ದೀಪಿಕಾ ಪಡುಕೋಣೆ, ಮಣಿ, ಸನ್ಯಾ ಮಲ್ಹೋತ್ರಾ, ಯೋಗಿ ಬಾಬು, ಸುನಿಲ್ ಗ್ರೋವರ್ ಮತ್ತು ಇತರರು ನಟಿಸಿದ್ದಾರೆ. ಅಂದಹಾಗೆ ʼಜವಾನ್ʼ ಸೆಪ್ಟೆಂಬರ್ 7 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ.