ಡೆವಿಲ್‌ ನಂಬಿದ ಕಲ್ಯಾಣ್‌ ರಾಮ್‌

Team Udayavani, Jul 12, 2023, 3:34 PM IST

ಟಾಲಿವುಡ್‌ ನಟ ಕಲ್ಯಾಣ್‌ ರಾಮ್‌ “ಡೆವಿಲ್‌’ ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದು, ಇತ್ತೀಚೆಗೆ ಅವರ ಹುಟ್ಟುಹಬ್ಬ ಪ್ರಯುಕ್ತ ಚಿತ್ರದ ಗ್ಲಿಂಪ್ಸ್‌ ಬಿಡುಗಡೆಯಾಗಿದೆ.

ಡೆವಿಲ್‌ ಸ್ವಾತಂತ್ರ್ಯ ಪೂರ್ವದ ಬ್ರಿಟಿಷ್‌ ಏಜೆಂಟ್‌ ಕಥೆಯನ್ನು ಹೊಂದಿದೆ. ಗೂಢಚಾರಿ ಹೇಗೆ ಇರಬೇಕು ಅನ್ನೋದನ್ನು ವಿವರಿಸುತ್ತಾ ಎಂಟ್ರಿ ಕೊಡುವ ಕಲ್ಯಾಣ್‌ ರಾಮ್‌ ಲುಕ್‌ ಗೆಟಪ್‌ ಗಮನಸೆಳೆಯುತ್ತದೆ.

ಕಲ್ಯಾಣ್‌ ರಾಮ್‌ಗೆ ಜೋಡಿಯಾಗಿ ಸಂಯುಕ್ತ ಮೆನನ್‌ ನಟಿಸಿದ್ದಾರೆ. ಡೆವಿಲ್‌ ಸಿನಿಮಾವನ್ನು , ಅಭಿಷೇಕ್‌ ಪಿಕ್ಚರ್ಸ್‌ ಬ್ಯಾನರ್‌ ಅಡಿಯಲ್ಲಿ ಅಭಿಷೇಕ್‌ ನಾಮಾ ನಿರ್ಮಿಸುತ್ತಿದ್ದಾರೆ. ನವೀನ್‌ ಮೇಡಾರಂ ನಿರ್ದೇಶನದ ಡೆವಿಲ್‌ ಚಿತ್ರಕ್ಕೆ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಶ್ರೀಕಾಂತ್‌ ವಿಸ್ಸಾ ಒದಗಿಸಿದ್ದಾರೆ.

ಹರ್ಷವರ್ಧನ್‌ ರಾಮೇಶ್ವರ್‌ ಚಿತ್ರಕ್ಕೆ ಸಂಗೀತ, ಸೌಂದರರಾಜನ್‌ ಛಾಯಾಗ್ರಹಣ ಮಾಡಲಿದ್ದಾರೆ. ತೆಲುಗು, ಹಿಂದಿ, ತಮಿಳು ಮತ್ತು ಕನ್ನಡ ಭಾಷೆಗಳಲ್ಲಿ ಡೆವಿಲ್‌ ಸಿನಿಮಾ ಮೂಡಿಬರಲಿದೆ.