ನಾಲ್ಕು ದಿನಗಳಲ್ಲಿ ಆಮಿರ್ ಚಿತ್ರ ಲಾಲ್ ಸಿಂಗ್ ಛಡ್ಡಾ ಗಳಿಸಿದ್ದೆಷ್ಟು?

Team Udayavani, Aug 15, 2022, 3:35 PM IST

ಆಮಿರ್ ಖಾನ್ ಮತ್ತು ಕರೀನ್ ಕಪೂರ್ ಖಾನ್ ನಟನೆಯ ಲಾಲ್ ಸಿಂಗ್ ಛಡ್ಡಾ ಚಿತ್ರ ಬಿಡುಗಡೆಯಾಗಿ ನಾಲ್ಕು ದಿನವಾಗಿದೆ. ಸತತ ರಜೆಯ ವೀಕೆಂಡ್ ಇದ್ದರೂ ದೇಶಾದ್ಯಂತ ಆಮಿರ್ ಚಿತ್ರಕ್ಕೆ ಎದುರಾದ ವಿರೋಧದ ಕಾರಣದಿಂದ ಭಾರೀ ಹಿನ್ನಡೆಯಾಗಿದೆ.

ಇಂಗ್ಲೀಷ್ ನ ಫಾರೆಸ್ಟ್ ಗಂಪ್ ಚಿತ್ರದ ರಿಮೇಕ್ ಆಗಿರುವ ಲಾಲ್ ಸಿಂಗ್ ಛಡ್ಡಾ ಚಿತ್ರವನ್ನು ಅದ್ವೈತ್ ಚಂದನ್ ನಿರ್ದೇಶನ ಮಾಡಿದ್ದಾರೆ. ಸುಮಾರು 180 ಕೋಟಿ ರೂ ಬಜೆಟ್ ನಲ್ಲಿ ನಿರ್ಮಿಸಿರುವ ಚಿತ್ರ ಇದುವರೆಗೆ ನಾಲ್ಕು ದಿನಗಳಲ್ಲಿ ಕೇವಲ 37.96 ಕೋಟಿ ರೂ ಮಾತ್ರ ಕಲೆಕ್ಷನ್ ಮಾಡಿದೆ.

ಇದನ್ನೂ ಓದಿ:ʼಸಲಾರ್‌ʼ ರಿಲೀಸ್‌ ಡೇಟ್‌ ಪ್ರಕಟ: ಪ್ರೇಕ್ಷಕರಿಗೆ ಪ್ರಶಾಂತ್‌ ನೀಲ್‌ ಕೊಟ್ರು ಸರ್ಪ್ರೈಸ್‌

ಈ ಬಗ್ಗೆ ಬಾಲಿವುಡ್ ಟ್ರೇಡ್ ಅನಲಿಸ್ಟ್ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದು, ಲಾಲ್ ಸಿಂಗ್ ಚಡ್ಡಾ ಚಿತ್ರವು 4 ನೇ ದಿನವೂ ಯಾವುದೇ ಪ್ರಗತಿಯನ್ನು ಕಾಣಲಿಲ್ಲ. ದಿನಪ್ರತಿಯ ಟ್ರೆಂಡಿಂಗ್ ನೀರಸವಾಗಿದೆ. ರಜೆ ಇದ್ದರೂ ಪ್ರಯೋಜನವಾಗಿಲ್ಲ. ಗುರುವಾರ 11.70 ಕೋಟಿ, ಶುಕ್ರವಾರ 7.26 ಕೋಟಿ, ಶನಿವಾರ 9 ಕೋಟಿ, ಭಾನುವಾರ 10 ಕೋಟಿ. ಒಟ್ಟು: 37.96 ಕೋಟಿ ರೂ ಗಳಿಸಿದೆ ಎಂದು ಮಾಹಿತಿ ನೀಡಿದ್ದಾರೆ.

#LaalSinghChaddha makes no breakthrough on Day 4 [Sun] either… Day-wise trending remains lacklustre… Hasn’t benefitted despite the holidays… Thu 11.70 cr, Fri 7.26 cr, Sat 9 cr, Sun 10 cr. Total: ₹ 37.96 cr. #India biz. pic.twitter.com/c0m1pkwFel

— taran adarsh (@taran_adarsh) August 15, 2022

ಲಾಲ್ ಸಿಂಗ್ ಛಡ್ಡಾ ಚಿತ್ರದಲ್ಲಿ ಆಮಿರ್ ಖಾನ್, ಕರೀನಾ ಕಪೂರ್ ಖಾನ್ ಜೊತೆಗೆ ನಾಗಚೈತನ್ಯ, ಮೋನಾ ಸಿಂಗ್ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.