ರಾಮನ ಪೋಷಾಕು, ಸೀತೆ ಜತೆ ವನವಾಸ….ರಾಮಾಯಣಕ್ಕೆ ಟಾಲಿವುಡ್ ಪ್ರಿನ್ಸ್ ಗೆ ಬಿಗ್ ಆಫರ್  

Team Udayavani, Feb 10, 2021, 1:40 PM IST

ಬಾಲಿವುಡ್ ನಿರ್ಮಾಪಕ ಮಧು ‘ರಾಮಾಯಣ’ ಕಥೆಯನ್ನು ತ್ರೀಡಿ ರೂಪದಲ್ಲಿ ತೆರೆ ಮೇಲೆ ತರಲು ಪ್ಲ್ಯಾನ್ ಮಾಡಿರೋದು ಎಲ್ಲರಿಗೂ ಗೊತ್ತು. ಈಗಾಗಲೇ ಈ ಚಿತ್ರಕ್ಕೆ ಕಲಾವಿದರ ಆಯ್ಕೆ ಕೂಡ ಭರ್ಜರಿಯಾಗೇ ನಡೆದಿದೆ. ಸದ್ಯದ ಇಂಟ್ರೆಸ್ಟಿಂಗ್ ಮ್ಯಾಟರ್ ಏನಂದ್ರೆ, ಈ ಚಿತ್ರದಲ್ಲಿ ರಾಮನ ಪಾತ್ರ ಯಾರು ನಿಭಾಯಿಸುತ್ತಾರೆ ಅನ್ನೋದು.

ಅವತಾರ ಪುರುಷ ರಾಮ ಪಾತ್ರಕ್ಕೆ ಸರಿಹೊಂದುವ ನಟನ ಹಂಟಿಂಗ್ ನಲ್ಲಿರುವ ಮಧು ಅವರ ಕಣ್ಣಿಗೆ ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಬಿದ್ದಿದ್ದಾರೆ. ಬಾಬು ರಾಮನ ಪಾತ್ರಕ್ಕೆ ಹೇಳಿ ಮಾಡಿಸಿದ ನಟ, ಅವರಿಂದಲೇ ಈ ಕ್ಯಾರೆಕ್ಟರ್ ಮಾಡಿಸ್ಬೇಕು ಅನ್ನೋದು ಮಧು ಅವರ ಇಚ್ಛೆ. ಈಗಾಗಲೇ ಈ ಬಗ್ಗೆ ಮಹೇಶ್ ಜತೆ ಮಾತುಕತೆ ಕೂಡ ನಡೆದಿದೆಯಂತೆ. ಕಥೆ ಇಷ್ಟಪಟ್ಟಿರುವ ಪ್ರಿನ್ಸ್ ಇನ್ನೂ ಒಪ್ಪಿಗೆ ನೀಡಿಲ್ಲವಂತೆ.

ಅಂದಹಾಗೆ ಈ ರಾಮಾಯಣ ಚಿತ್ರದಲ್ಲಿ ಸೀತೆಯ ಪಾತ್ರಕ್ಕೆ ಬಾಲಿವುಡ್ ನ ದೀಪಿಕಾ ಪಡುಕೋಣೆ ಫೈನಲ್ ಆಗಿದ್ದಾರೆ. ರಾವಣನ ರೋಲ್ ಗೆ ಹೃತಿಕ್ ರೋಷನ್ ಒಪ್ಪಿಕೊಂಡಿದ್ದಾರೆ. ಇನ್ನು ರಾಮನ ಪಾತ್ರಕ್ಕೆ ಮಾತ್ರ ಹೀರೋ ಸಿಗಬೇಕಿದೆ. ಒಂದು ವೇಳೆ ಮಹೇಶ್ ಬಾಬು ಗ್ರೀನ್ ಸಿಗ್ನಲ್ ನೀಡಿದ್ದೇಯಾದರೆ ಚಿತ್ರೀಕರಣ ಶೀಘ್ರದಲ್ಲೇ ಶುರುವಾಗಲಿದೆ.

ಇದನ್ನೂ ಓದಿ :ಪ್ರೇಮಿಗಳ ದಿನಕ್ಕೆ ಪೊಗರು ಆಡಿಯೋ

ಇನ್ನು ಈಗಾಗಲೇ ರಾಮಾಯಣ ಕಥೆಯಾಧಾರಿತ ಅವತಾರ ಪುರುಷ ಸಿನಿಮಾ ಸೆಟ್ಟೇರಿದೆ. ಈ ಚಿತ್ರದಲ್ಲಿ ರಾಮನ ಪಾತ್ರದಲ್ಲಿ ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಸ್ ಹಾಗೂ ರಾವಣನ ಪಾತ್ರದಲ್ಲಿ ಬಾಲಿವುಡ್ ಛೋಟಾ ನವಾಬ್ ಸೈಫ್ ಅಲಿಖಾನ್ ಹಾಗೂ ಸೀತಾ ಮಾತೆ ಪಾತ್ರದಲ್ಲಿ ಕೃತಿ ಸಾನೂನ್ ನಟಿಸುತ್ತಿದ್ದಾರೆ.