Devil; ಕಲ್ಯಾಣ್ ರಾಮ್ ಚಿತ್ರಕ್ಕೆ ಮಾಳವಿಕಾ ನಾಯರ್ ನಾಯಕಿ

Team Udayavani, Oct 22, 2023, 3:14 PM IST

ನಟ ಕಲ್ಯಾಣ್‌ ರಾಮ್‌ ಸದಾ ಹೊಸ ಬಗೆಯ ಕಥೆಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಅದರ ಮುಂದುವರೆದ ಭಾಗವಾಗಿ ತಯಾರಾಗುತ್ತಿರುವ ಸಿನಿಮಾವೇ ಡೆವಿಲ್. ಈ ಚಿತ್ರದಲ್ಲಿ ನಂದಮೂರಿ ಕಲ್ಯಾಣ್‌ ರಾಮ್‌ ಗೂಢಚಾರಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದೀಗ ಡೆವಿಲ್‌ ಚಿತ್ರತಂಡ ಪವರ್‌ ಫ‌ುಲ್‌ ಪೊಲಿಟಿಕಲ್‌ ಲೇಡಿಯನ್ನು ಪರಿಚಯಿಸಿದೆ.

ಡೆವಿಲ್‌ ಸಿನಿಮಾ ಅಂಗಳಕ್ಕೆ ಮಾಳವಿಕಾ ನಾಯರ್‌ ಎಂಟ್ರಿ ಕೊಟ್ಟಿದ್ದಾರೆ. ಮಣಿಮೇಕಲಾ ಎಂಬ ಪ್ರಬಲ ರಾಜಕಾರಣಿ ಪಾತ್ರದಲ್ಲಿ ಅವರು ನಟಿಸುತ್ತಿದ್ದಾರೆ. ರಾಜಕಾರಣಿಯಂತೆ ಬಿಳಿ ಬಣ್ಣದ ಕಾಟನ್‌ ಸೀರೆ ತೊಟ್ಟು ಭಾಷಣ ಮಾಡುತ್ತಿರುವ ಮಾಳವಿಕಾ ನಾಯರ್‌ ಫ‌ಸ್ಟ್‌ ಲುಕ್‌ ನಲ್ಲಿ ಶಾಂತಿಯ ಸಂಕೇತವಾದ ಪಾರಿವಾಳವೂ ಇದೆ.

ಡೆವಿಲ್‌ ಸಿನಿಮಾವನ್ನು ದೇವಾಂಶ್‌ ನಾಮಾ ಅರ್ಪಿಸುತ್ತಿದ್ದು, ಅಭಿಷೇಕ್‌ ಪಿಕ್ಚರ್ಸ್‌ ಬ್ಯಾನರ್‌ ಅಡಿಯಲ್ಲಿ ಅಭಿಷೇಕ್‌ ನಾಮಾ ನಿರ್ಮಿಸುತ್ತಿದ್ದಾರೆ. ನವೀನ್‌ ಮೇಡಾರಂ ನಿರ್ದೇಶನದ ಡೆವಿಲ್‌ ಚಿತ್ರಕ್ಕೆ ಶ್ರೀಕಾಂತ್‌ ವಿಸ್ಸಾ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆ ಬರೆದಿದ್ದಾರೆ.

#MalvikaNair first look From #Devil – The British secret Agent.#DevilonNov24th pic.twitter.com/xx9LTpNOhm

— Nandamuri Universe 🦁 (@SriNtr9) October 15, 2023

ಹರ್ಷವರ್ಧನ್‌ ರಾಮೇಶ್ವರ್‌ ಈ ಚಿತ್ರಕ್ಕೆ ಸಂಗೀತ, ಸೌಂದರ್ಯ ರಾಜನ್‌ ಛಾಯಾಗ್ರಹಣ ಮಾಡಲಿದ್ದಾರೆ. ತೆಲುಗು, ಹಿಂದಿ, ತಮಿಳು ಮತ್ತು ಕನ್ನಡ ಭಾಷೆಗಳಲ್ಲಿ ಡೆವಿಲ್‌ ಸಿನಿಮಾ ತಯಾರಾಗುತ್ತಿದ್ದು, ನವೆಂಬರ್‌ 24ರಂದು ವಿಶ್ವಾದ್ಯಂತ ತೆರೆ ಕಾಣಲಿದೆ.