ಅವಳಿ ಗಂಡು ಮಕ್ಕಳಿಗೆ ತಂದೆ – ತಾಯಿಯಾದ‌ ನಟಿ ನಯನತಾರಾ – ವಿಘ್ನೇಶ್ ದಂಪತಿ

Team Udayavani, Oct 9, 2022, 7:12 PM IST

ಚೆನ್ನೈ: ಇದೇ ವರ್ಷ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನಟಿ ನಯನತಾರಾ – ವಿಘ್ನೇಶ್‌ ದಂಪತಿ ಅವಳಿ ಮಕ್ಕಳಿಗೆ ತಂದೆ -ತಾಯಿಯಾಗಿದ್ದಾರೆ.

ಬಾಡಿಗೆ ತಾಯ್ತನದಿಂದ ಇಬ್ಬರು ಪೋಷಕರಾಗಿದ್ದು, ಈ ಸಂತಸವನ್ನು ಸ್ವತಃ ವಿಘ್ನೇಶ್‌ ಶಿವನ್‌ ಅವರೇ ಹಂಚಿಕೊಂಡಿದ್ದಾರೆ.

ಈ ವರ್ಷದ ಜೂ.9 ರಂದು ನಟಿ ನಯನತಾರಾ ನಿರ್ದೇಶಕ ವಿಘ್ನೇಶ್‌ ಶಿವನ್‌ ತಮ್ಮ 7 ವರ್ಷದ ಪ್ರೇಮಕ್ಕೆ ಮದುವೆಯ ಮುದ್ರೆ ಒತ್ತಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಮಹಾಬಲಿಪುರಂನ ಐಷಾರಾಮಿ ರೆಸಾರ್ಟ್‌ನ ಗಾಜಿನ ಮಂಟಪದಲ್ಲಿ ಗಣ್ಯರ ಸಮ್ಮುಖದಲ್ಲಿ ಇಬ್ಬರು ಮದುವೆಯಾಗಿದ್ದರು.

ಇತ್ತೀಚಿಗೆ ಬ್ಯಾಂಕಾಕ್ ನಲ್ಲಿ ಜೋಡಿಯ ಹನಿಮೂನ್‌ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿತ್ತು. ಈಗ ಇಬ್ಬರು ತಂದೆ-ತಾಯಿಯಾದ ಖುಷಿಯನ್ನು ಹಂಚಿಕೊಂಡಿದ್ದಾರೆ.

ಈ ಬಗ್ಗೆ ವಿಘ್ನೇಶ್‌ ಶಿವನ್‌ ನಾನು ಮತ್ತು ನಯನ್‌ (ನಯನತಾರಾ)  ಅವಳಿ ಗಂಡು ಮಕ್ಕಳಿಗೆ ಅಪ್ಪ- ಅಮ್ಮ ಆಗಿದ್ದೇವೆ ಎಂದು ಹೇಳಿ ಉಯಿರ್ (ಬದುಕು) , ಉಲಗಂ ( ಜಗತ್ತು) ಎಂದು ನಾಮಕರಣ ಮಾಡಿ, ಪಾದಗಳನ್ನು ಚುಂಬಿಸುವ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ನಯನತಾರಾ ಬಾಲಿವುಡ್‌ ನಲ್ಲಿ ʼಜವಾನ್‌ʼ ಚಿತ್ರದಲ್ಲಿ ಶಾರುಖ್‌ ಜೊತೆ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರ ಮುಂದಿನ ವರ್ಷ ರಿಲೀಸ್‌ ಆಗಲಿದೆ.

Nayan & Me have become Amma & Appa❤️
We are blessed with
twin baby Boys❤️❤️
All Our prayers,our ancestors’ blessings combined wit all the good manifestations made, have come 2gethr in the form Of 2 blessed babies for us❤️?
Need all ur blessings for our
Uyir?❤️& Ulagam?❤️ pic.twitter.com/G3NWvVTwo9

— Vignesh Shivan (@VigneshShivN) October 9, 2022