“ಸಲಾರ್”ನಿಂದ ಬಂದ ರಗಡ್ ʼವರ್ಧರಾಜ ಮನ್ನಾರ್ʼ: ಪೃಥ್ವಿರಾಜ್‌ ಫಸ್ಟ್‌ ಲುಕ್‌ ವೈರಲ್

Team Udayavani, Oct 16, 2022, 11:47 AM IST

ಬೆಂಗಳೂರು: ಪ್ರಶಾಂತ್‌ ನೀಲ್‌ – ಪ್ರಭಾಸ್‌ ಕಾಂಬಿನೇಷನ್‌ ನ ʼಸಲಾರ್‌ʼ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಸೆಟ್ಟೇರಿದ ದಿನದಿಂದಲೇ ಕುತೂಹಲ ಹೆಚ್ಚಿಸಿರುವ ಚಿತ್ರ ಮುಂದಿನ ವರ್ಷ ತೆರೆಗೆ ಬರಲಿದೆ.

ಕೆಜಿಎಫ್‌ -2 ಬಳಿಕ ಪ್ರಶಾಂತ್‌ ನೀಲ್‌ ತಮ್ಮ ಮುಂದಿನ ಸಿನಿಮಾ ʼಸಲಾರ್‌ʼ ಗಾಗಿ ಭರ್ಜರಿ ತಯಾರಿ ನಡೆಸಿಕೊಂಡು, ಕಟ್ಟುನಿಟ್ಟಿನ ನಿಯಮವನ್ನು ಹಾಕಿಕೊಂಡು ಚಿತ್ರೀಕರಣದಲ್ಲಿ ತೊಡಗಿದ್ದಾರೆ. ʼರಾಧೆ ಶ್ಯಾಮ್ʼ ನಂತರ ಡಾರ್ಲಿಂಗ್‌ ಪ್ರಭಾಸ್‌ ಆ್ಯಕ್ಷನ್‌ – ಮಾಸ್‌ ಅವತಾರದಲ್ಲಿ ʼಸಲಾರ್‌ʼ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸತತ ಸೋಲಿನಿಂದ ಕಂಗೆಟ್ಟಿರುವ ಪ್ರಭಾಸ್ ಅವರಿಗೆ ʼಸಲಾರ್‌ʼ ಗೆಲುವು ತಂದುಕೊಡುವ ವಿಶ್ವಾಸವಿದೆ.

ಹೊಂಬಾಳೆ ಫಿಲ್ಮ್ಸ್‌ ನಿರ್ಮಾಣದ ʼಸಲಾರ್ʼ ನಲ್ಲಿ ಬಹುತಾರಂಗಣವಿದೆ. ಮಲಯಾಳಂ ಸ್ಟಾರ್‌ ನಟ ಪೃಥ್ವಿರಾಜ್‌ ಸುಕುಮಾರನ್‌ ಅವರು ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು ಅವರ ಪಾತ್ರದ ಲುಕ್‌ ರಿವೀಲ್‌ ಮಾಡಿ, ಚಿತ್ರ ತಂಡ ನಟನ ಹುಟ್ಟುಹಬ್ಬಕ್ಕೆ ಗಿಫ್ಟ್‌ ಕೊಟ್ಟಿದೆ.

ಪೃಥ್ವಿರಾಜ್‌ ಅವರ ಪಾತ್ರಕ್ಕೆ “ವರ್ಧರಾಜ ಮನ್ನಾರ್” ಹೆಸರಿಡಲಾಗಿದ್ದು, ತಲೆಗೆ ಉದ್ದನಾಮ ಹಾಕಿಕೊಂಡು,ಕುತ್ತಿಗೆಗೆ ಖಡ್ಗ ಹಾಕಿಕೊಂಡು, ಮೈಯಲ್ಲಿ ಧೂಳು ಹಿಡಿದ ಬಟ್ಟೆಯನ್ನು ಹಾಕಿಕೊಂಡು ರಗಡ್‌ ಲುಕ್‌ ನಲ್ಲಿ ಯುದ್ಧ ಭೂಮಿಯಲ್ಲಿ ನಿಂತ ಖಳನಾಯಕನಂತೆ ಪೃಥ್ವಿರಾಜ್‌ ನಿಂತಿರುವ ಫಸ್ಟ್‌ ಲುಕ್‌ ಪೋಸ್ಟರ್‌ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಹೊಂಬಾಳೆ ಫಿಲ್ಮ್ಸ್‌ ಪೃಥ್ವಿರಾಜ್‌ ಅವರ 40 ನೇ ಹುಟ್ಟುಹಬ್ಬಕ್ಕೆ ಈ ಪೋಸ್ಟರ್‌ ರಿಲೀಸ್‌ ಮಾಡಿ ಶುಭಾಶಯವನ್ನು ಕೋರಿದೆ.

ಸಲಾರ್ ಚಿತ್ರದಲ್ಲಿ ಪ್ರಭಾಸ್, ಶ್ರುತಿ ಹಾಸನ್ ಜೊತೆಗೆ ಪೃಥ್ವಿರಾಜ್ ಸುಕುಮಾರನ್ ಮತ್ತು ಜಗಪತಿ ಬಾಬು ಕೂಡಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. “ಸಲಾರ್”‌ 2023 ರ ಸೆ.28 ರಂದು ವಿಶ್ವದೆಲ್ಲೆಡೆ ರಿಲೀಸ್‌ ಆಗಲಿದೆ.

Presenting ‘?????????? ???????’ from #Salaar.

Parallel or mainstream, Arthouse or commercial, he has always made sure to strike a balance n delivered stupendously with an entertaining n engaging act. To the most versatile @PrithviOfficial a very Happy Birthday. pic.twitter.com/LlCBuc6Tkd

— Hombale Films (@hombalefilms) October 16, 2022