Jailer: ಮೊದಲ ದಿನವೇ ದಾಖಲೆ ಬರೆಯುತ್ತಾ ʼಜೈಲರ್‌ʼ?; 1stಡೇ ಎಷ್ಟು ಕೆಲಕ್ಷನ್‌ ಮಾಡಬಹುದು?

Team Udayavani, Aug 10, 2023, 3:20 PM IST

ಚೆನ್ನೈ: ಬಹು ನಿರೀಕ್ಷಿತ ʼಜೈಲರ್‌ʼ ಇಂದು ವಿಶ್ವದೆಲ್ಲೆಡೆ ತೆರೆಕಂಡಿದೆ. ಸಾವಿರಾರು ಸ್ಕ್ರೀನ್‌ ಗಳಲ್ಲಿ ರಜಿನಿಕಾಂತ್‌ ಅವರನ್ನು ನೋಡಿ ಅಭಿಮಾನಿಗಳು ಶಿಳ್ಳೆ, ಚಪ್ಪಾಳೆಯಿಂದ ಜೈಕಾರ ಹಾಕಿದ್ದಾರೆ. ಥಿಯೇಟರ್‌ ಹೊರಗೆ ಪಟಾಕಿಗಳನ್ನು ಸಿಡಿಸಿ ʼತಲೈವಾʼ ಅವರ ʼಜೈಲರ್‌ʼಗೆ ಅದ್ಧೂರಿ ಸ್ವಾಗತ ಕೋರಿದ್ದಾರೆ.

ʼಜೈಲರ್‌ʼ ಫಸ್ಟ್‌ ಡೇ ಫಸ್ಟ್‌ ಶೋನಿಂದಲೇ ಹೌಸ್‌ ಫುಲ್‌ ಪ್ರದರ್ಶನ ಕಾಣುತ್ತಿದೆ. ರಿಲೀಸ್‌ ಗೂ ಮುನ್ನ ಇದ್ದ ಸಿನಿಮಾ ಬಗೆಗಿನ ಹೈಪ್‌ ರಿಲೀಸ್‌ ಬಳಿಕ ಮತ್ತಷ್ಟು ಹೆಚ್ಚಾಗಿದೆ. ಆರಂಭಿಕವಾಗಿ ಸಿನಿಮಾಕ್ಕೆ ಪಾಸಿಟಿವ್‌ ರೆಸ್ಪಾನ್ಸ್‌ ಕೇಳಿ ಬರುತ್ತಿದೆ.

ಫೈಟ್‌ ಸೀನ್ಸ್‌, ರಜಿನಿ ಮಾಸ್‌ ಲುಕ್‌, ಅನಿರುದ್ಧ್‌ ಮ್ಯೂಸಿಕ್‌, ಡಾರ್ಕ್‌ ಕಾಮಿಡಿಯಿಂದ ಸಿನಿಮಾ ಬಾಕ್ಸ್‌ ಆಫೀಸ್‌ ನಲ್ಲಿ ಮೊದಲ ದಿನವೇ ದೊಡ್ಡಮಟ್ಟದ ಕಮಾಯಿ ಮಾಡುವ ಸೂಚನೆಯನ್ನು ನೀಡಿದೆ. ನಾಳೆ (ಆ.11 ರಂದು) ಬಾಲಿವುಡ್‌ ನ ʼಗದರ್‌ -2ʼ, ʼಓ ಮೈ ಗಾಡ್-‌2ʼ ಸಿನಿಮಾಗಳು ತೆರೆಗೆ ಬರಲಿದೆ. ಈ ಎರಡು ಬಿಗ್‌ ಸಿನಿಮಾಗಳು ಉತ್ತರ ಭಾರತದಲ್ಲಿ ದೊಡ್ಡ ಓಪನಿಂಗ್‌ ಪಡೆಯುವ ಸಾಧ್ಯತೆಯಿದೆ. ಇತ್ತ ಸೌತ್‌ ನಲ್ಲಿ ʼಜೈಲರ್‌ʼ ತನ್ನ ನಾಗಾಲೋಟವನ್ನು ಮುಂದುವರೆಸಲಿದೆ.

ಇದನ್ನೂ ಓದಿ: Shruti Haasan: ಪ್ರಿಯಕರನ ಹೂಸು ನನ್ನಗಿಷ್ಟ ಎಂದ ನಟಿ ಶ್ರುತಿ ಹಾಸನ್.!‌

ʼಸ್ಯಾಕ್ನಿಲ್ಕ್ʼ ವರದಿಯ ಪ್ರಕಾರ ʼಜೈಲರ್‌ʼ ಮೊದಲ ದಿನ 50 ಕೋಟಿ ರೂಪಾಯಿಯ ಕಮಾಯಿ ಮಾಡುವ ಮೂಲಕ ಕಾಲಿವುಡ್‌ ನಲ್ಲಿ ಬಿಗೆಸ್ಟ್‌ ಓಪನಿಂಗ್‌ ಪಡೆದುಕೊಳ್ಳುವ ಸಾಧ್ಯತೆಯಿದೆ ಎಂದು ವರದಿ ತಿಳಿಸಿದೆ.

ದಕ್ಷಿಣದ ಪ್ರೇಕ್ಷಕರು ‘ಗದರ್ 2’ ಮತ್ತು ‘ಓ ಮೈ ಗಾಡ್‌ – 2’ ಗಿಂತ ‘ಜೈಲರ್’ ಅನ್ನು ವೀಕ್ಷಿಸಲು ಬಯಸುತ್ತಾರೆ. ಹಿಂದಿಗಿಂತ ತಮಿಳು ಹಾಗೂ ತೆಲುಗಿನಲ್ಲಿ ಸಿನಿಮಾ ಹೆಚ್ಚಾಗಿ ರಿಲೀಸ್‌ ಆಗಿದೆ. ಈ ಕಾರಣದಿಂದ ಬೇರೆ ರಾಜ್ಯಗಳಲ್ಲಿ ವಾಸಿಸುತ್ತಿರುವ ತಮಿಳು – ತೆಲುಗು ಪ್ರೇಕ್ಷಕು ಈ ಸಿನಿಮಾವನ್ನೇ ಹೆಚ್ಚಾಗಿ ನೋಡುತ್ತಾರೆ. ‘ಗದರ್ ‘2 ಮತ್ತು ‘ಓ ಮೈ ಗಾಡ್- 2’ ಚಿತ್ರಗಳ ಗುರಿ ಉತ್ತರ ಭಾರತ, ಮಹಾರಾಷ್ಟ್ರ ಕಡೆಯ ಪ್ರೇಕ್ಷಕರಾಗಿರುತ್ತಾರೆ ಎಂದು ಸಿನಿಮಾ ವ್ಯಾಪಾರ ತಜ್ಞ ರಮೇಶ್ ಬಾಲಾ “ಇಂಡಿಯಾ ಟುಡೇʼಗೆ ಹೇಳಿದ್ದಾರೆ.

ʼಜೈಲರ್‌ʼ ನಲ್ಲಿ ರಜಿನಿಕಾಂತ್‌ ಜೊತೆ ಜಾಕಿ ಶ್ರಾಫ್, ರಮ್ಯಾ ಕೃಷ್ಣನ್, ತಮನ್ನಾ ,ವಿನಾಯಕನ್ ಮುಂತಾದವರು ನಟಿಸಿದ್ದಾರೆ. ಮೋಹನ್‌ಲಾಲ್, ಶಿವ ರಾಜ್‌ಕುಮಾರ್ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ.