Pathaan 2: ಮತ್ತೆ ʼಪಠಾಣ್‌ʼ ಆಗಲಿದ್ದಾರೆ ಕಿಂಗ್‌ ಖಾನ್; ನಿರ್ದೇಶನದಿಂದ ಸಿದ್ದಾರ್ಥ್‌ ಔಟ್

Team Udayavani, Mar 30, 2024, 6:14 PM IST

ಮುಂಬಯಿ: ಶಾರುಖ್‌ ಖಾನ್‌ ಅವರಿಗೆ ಬಾಲಿವುಡ್‌ ನಲ್ಲಿ ಬಿಗ್‌ ಕಂಬ್ಯಾಕ್‌ ಮಾಡಿಕೊಟ್ಟದ್ದು 2023 ರಲ್ಲಿ ʼಪಠಾಣ್‌ʼ ಸಿನಿಮಾವೆಂದರೆ ತಪ್ಪಾಗದು. ಇದಾದ ಬಳಿಕ ಶಾರುಖ್‌ ಖಾನ್‌ ʼಜವಾನ್‌ʼ, ʼಡಂಕಿʼ ಸಿನಿಮಾದಲ್ಲಿ ಕಾಣಸಿಕೊಂಡರು. ಈ ಎರಡು ಸಿನಿಮಾಗಳು ಬಾಕ್ಸ್‌ ಆಫೀಸ್‌ ನಲ್ಲಿ ದೊಡ್ಡಮಟ್ಟದ ಕಮಾಯಿ ಮಾಡಿತು.

ರಾಜ್‌ ಕುಮಾರ್‌ ಹಿರಾನಿ ಅವರ ʼಡಂಕಿʼ ಬಳಿಕ ಶಾರುಖ್‌ ಖಾನ್‌ ಮುಂದೆ ಯಾವ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಕುತೂಹಲ ಅವರ ಅಭಿಮಾನಿಗಳಲ್ಲಿದೆ. ಇದೀಗ ಬಂದಿರುವ ಲೇಟೆಸ್ಟ್‌ ವರದಿಯ ಪ್ರಕಾರ ಶಾರುಖ್‌ ಖಾನ್‌ ʼಪಠಾಣ್‌ʼ ಸಿನಿಮಾದ ಸೀಕ್ವೆಲ್‌ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಶಾರುಖ್ ಖಾನ್ ವರ್ಷಾಂತ್ಯದ ವೇಳೆಗೆ ಪಠಾಣ್ 2 ಚಿತ್ರೀಕರಣವನ್ನು ಪ್ರಾರಂಭಿಸುವ ಸಾಧ್ಯತೆಯಿದೆ. ಆದರೆ ಈ ಸೀಕ್ವೆಲ್‌ ಸಿನಿಮಾವನ್ನು ಸಿದ್ಧಾರ್ಥ್ ಆನಂದ್ ನಿರ್ದೇಶನ ಮಾಡುವುದಿಲ್ಲ. ಬದಲಾಗಿ ಹೊಸ ನಿರ್ದೇಶಕರು ಸಿನಿಮಾವನ್ನು ನಿರ್ದೇಶನ ಮಾಡಲಿದ್ದಾರೆ. ಆನಂದ್ ಬದಲಿಗೆ ಯಾರು ನಿರ್ದೇಶಕರು ಎನ್ನುವುದು ಅಂತಿಮಗೊಂಡಿಲ್ಲ ಎಂದು ʼಪೀಪಿಂಗ್ ಮೂನ್ʼ ವರದಿ ಮಾಡಿದೆ.

“ಆದಿತ್ಯ ಚೋಪ್ರಾ ಅವರ ಯಶ್‌ ರಾಜ್‌ ಫಿಲ್ಮ್ಸ್‌ ಸ್ಪೈ ಯೂನಿವರ್ಸ್ ಸಿನಿಮಾದ ಸೀಕ್ವೆಲ್‌ ಗಳಿಗೆ ಸಾಮಾನ್ಯವಾಗಿ ಬೇರೆ ನಿರ್ದೇಶಕರನ್ನೇ ಆಯ್ಕೆ ಮಾಡುತ್ತದೆ. ʼಟೈಗರ್ʼ ಮತ್ತು ʼವಾರ್ʼ ಸೀಕ್ವೆಲ್‌ಗಳಿಗೂ ಬೇರೆ ನಿರ್ದೇಶಕರನ್ನೇ ಆಯ್ಕೆ ಮಾಡಿದೆ. ಈ ಸಂಪ್ರದಾಯವು ‌ʼಪಠಾಣ್ 2ʼ ಸಿನಿಮಾಕ್ಕೂ ಮುಂದುವರಿಯಲಿದೆ. ಹಾಗಾಗಿ ʼಪಠಾಣ್‌ -2ʼ ಸಿನಿಮಾಕ್ಕೆ ಬೇರೆ ನಿರ್ದೇಶಕರು ಇರಲಿದ್ದಾರೆ. ಹಾಗಾಂತ ಸಿದ್ಧಾರ್ಥ್‌ ಆನಂದ್‌ ಅವರು ಯಶ್‌ ರಾಜ್‌ ಫಿಲ್ಮ್ಸ್‌ ನಿಂದ ಹೊರಬಿದ್ದಿಲ್ಲ. ಅವರು ಮುಂದೆ ʼಟೈಗರ್‌ vs ಪಠಾಣ್‌ʼ ನಿರ್ದೇಶನ ಮಾಡಲಿದ್ದಾರೆ ಎಂದು ವರದಿ ತಿಳಿಸಿದೆ.

2023 ರ ಜನವರಿಯಲ್ಲಿ ತೆರೆಕಂಡ ʼಪಠಾಣ್‌ʼ ಸಿನಿಮಾದಲ್ಲಿ ಶಾರುಖ್‌ ಜೊತೆ ದೀಪಿಕಾ ಪಡುಕೋಣೆ , ಜಾನ್ ಅಬ್ರಹಾಂ ಹಾಗೂ ಇತರೆ ಪ್ರಮುಖರು ನಟಿಸಿದ್ದಾರೆ. ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ 1000 ಕೋಟಿ ರೂಪಾಯಿಗಳನ್ನು ಗಳಿಸಿತ್ತು