India vs New Zealand ಸೆಮಿಫೈನಲ್‌ ಪಂದ್ಯ ವೀಕ್ಷಿಸಲು ಮುಂಬಯಿಗೆ ಬಂದಿಳಿದ ಸೂಪರ್‌ ಸ್ಟಾರ್

Team Udayavani, Nov 15, 2023, 9:00 AM IST

ಮುಂಬಯಿ: ವಿಶ್ವಕಪ್‌ ಕ್ರಿಕೆಟ್‌ ಹಣಾಹಣಿಯ ಮಹತ್ವದ ಮೊದಲ ಸೆಮಿಫೈನಲ್‌ ಗೆ ಮುಂಬಯಿಯ ವಾಂಖೆಡೆ ಸ್ಟೇಡಿಯಂ ಸಜ್ಜಾಗಿದೆ. ಇತ್ತ ಟಿವಿ ಮುಂದೆ ಕೂತು ಲಕ್ಷಾಂತರ ಫ್ಯಾನ್ಸ್‌ ಗಳು ಭಾರತವನ್ನು ಚಿಯರ್‌ ಅಪ್‌ ಮಾಡಲು ರೆಡಿಯಾಗಿದ್ದಾರೆ.

ಭಾರತ – ನ್ಯೂಜಿಲೆಂಡ್‌ ಸೆಮಿಫೈನಲ್‌ ಪಂದ್ಯವನ್ನು ವೀಕ್ಷಿಸಲು ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ತಮ್ಮ ಪತ್ನಿಯೊಂದಿಗೆ ಮುಂಬಯಿ ತಲುಪಿದ್ದಾರೆ. ಅವರು ಕ್ರಿಕೆಟ್‌ ನೋಡಲು ಏರ್ ಪೋರ್ಟ್‌ ಬಂದಿಳಿದ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಸೆಪ್ಟೆಂಬರ್ ನಲ್ಲಿ ವಿಶ್ವಕಪ್‌ ಕ್ರಿಕೆಟ್‌ ವೀಕ್ಷಣೆಗೆ ಬಿಸಿಸಿಐ ಅಧ್ಯಕ್ಷ ಜಯ್ ಶಾ ಅವರು ರಜಿನಿಕಾಂತ್ ಅವರನ್ನು ಭೇಟಿ ಮಾಡಿ ಗೋಲ್ಡನ್ ಟಿಕೆಟ್ ನೀಡಿದ್ದರು. ರಜಿನಿಕಾಂತ್, ಅಮಿತಾಬ್ ಬಚ್ಚನ್ ಮತ್ತು ಸಚಿನ್ ತೆಂಡೂಲ್ಕರ್ ಅವರಿಗೆ ಗೋಲ್ಡನ್ ಟಿಕೆಟ್ ನೀಡಿದ್ದರು.

ಅದರಂತೆ ʼತಲೈವಾʼ ಭಾರತ – ನ್ಯೂಜಿಲೆಂಡ್‌ ನಡುವಿನ ಮೊದಲ ಸೆಮಿಫೈನಲ್‌ ಪಂದ್ಯ‌ ವೀಕ್ಷಣೆಗೆ ತನ್ನ ಪತ್ನಿ ಲತಾ ಅವರೊಂದಿಗೆ ಬುಧವಾರ(ನ.15 ರಂದು) ಮುಂಬಯಿಗೆ ಬಂದು ಇಳಿದಿದ್ದಾರೆ.

ಸೂಪರ್ ಸ್ಟಾರ್‌ ಮುಂಬಯಿಗೆ ಬಂದಿಳಿದ ಫೋಟೋಗಳು ವೈರಲ್‌ ಆಗಿದೆ.

ʼಜೈಲರ್‌ʼ ಬಳಿಕ ಸೂಪರ್‌ ಸ್ಟಾರ್‌ ರಜಿನಿಕಾಂತ್‌  ಟಿಜೆ ಜ್ಞಾನವೇಲ್ ಅವರ ‘ತಲೈವರ್ 170’ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ಫಹಾದ್ ಫಾಸಿಲ್, ಅಮಿತಾಬ್ ಬಚ್ಚನ್, ರಾಣಾ ದಗ್ಗುಬಾಟಿ, ಮಂಜು ವಾರಿಯರ್, ದುಶಾರಾ ವಿಜಯನ್ ಮತ್ತು ರಿತಿಕಾ ಸಿಂಗ್ ಕಾಣಿಸಿಕೊಳ್ಳಲಿದ್ದಾರೆ.

ಮಗಳ ‘ಲಾಲ್ ಸಲಾಂ’ ಸಿನಿಮಾದಲ್ಲಿ ವಿಶೇಷ ಪಾತ್ರದಲ್ಲಿ ಅವರು ನಟಿಸಿದ್ದಾರೆ. ‘ತಲೈವರ್ 170’ ಮುಗಿಸಿದ ನಂತರ ಅವರು ಲೋಕೇಶ್ ಕನಕರಾಜ್ ಅವರ ‘ತಲೈವರ್ 171’ ಚಿತ್ರೀಕರಣವನ್ನು ಪ್ರಾರಂಭಿಸಲಿದ್ದಾರೆ.

#WATCH | Tamil Nadu: Actor Rajinikanth leaves from Chennai airport to witness the World Cup semi-finals scheduled to be played at Wankhede Stadium in Mumbai.

“I am going to see the match..,” says Actor Rajinikanth pic.twitter.com/yWg1WpRHXX

— ANI (@ANI) November 14, 2023