ತಮಿಳಿನ ಖ್ಯಾತ ಹಾಸ್ಯ ನಟ ಮೈಲ್‌ ಸ್ವಾಮಿ ನಿಧನ: ಕಾಲಿವುಡ್‌ ಕಂಬನಿ

Team Udayavani, Feb 19, 2023, 10:54 AM IST

ಚೆನ್ನೈ: ತಮಿಳು ಚಿತ್ರರಂಗದ ಖ್ಯಾತ ಹಾಸ್ಯ ನಟ ಮೈಲ್‌ ಸ್ವಾಮಿ (57) ಭಾನುವಾರ ಮುಂಜಾನೆ ( ಫೆ.19 ರಂದು ) ನಿಧನರಾಗಿದ್ದಾರೆ.

1980 ರ ದಶಕದಲ್ಲಿ ಸಣ್ಣ ಪಾತ್ರಗಳಿಂದ ಬಣ್ಣದ ಲೋಕದ ಯಾನವನ್ನು ಆರಂಭಿಸಿದ ಮೈಲ್‌ ಸ್ವಾಮಿ, ಕಮಲ್‌ ಹಾಸನ್‌ ಅಭಿನಯದ ʼಅಪೂರ್ವ ಸಾಗೋಧರರ್ಗಲ್ʼ, ʼಮೈಕೆಲ್ ಮದನ ಕಾಮ ರಾಜನ್ʼ ಚಿತ್ರಗಳಲ್ಲಿ ನಟಿಸಿ, ಆ ಬಳಿಕ ಹತ್ತಾರು ಹಾಸ್ಯ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದರು. ʼಪೂವೆಲ್ಲಂ ಉನ್ವಾಸಂʼ, ʼಪಾರ್ಥಲೆ ಪರವಾಸಂʼ, ʼವಿಜಿಲ್ʼ ,ʼಗಿಲ್ಲಿʼ ಚಿತ್ರದಲ್ಲಿ ಗಮನ ಸೆಳೆದಿದ್ದರು.

ʼಕಂಗಳಲ್ ಕೈದು ಸೇʼ ಸಿನಿಮಾದಲ್ಲಿನ ಹಾಸ್ಯ ಪಾತ್ರಕ್ಕಾಗಿ ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದರು. ತಮಿಳಿನ ಹಲವು ಟಿವಿ ಕಾರ್ಯಕ್ರಮಗಳಲ್ಲಿ ಜಡ್ಜ್‌ ಆಗಿಯೂ ಮೈಲ್‌ ಸ್ವಾಮಿ ಕಾಣಿಸಿಕೊಂಡಿದ್ದರು.

ಹೃದಯಾಘಾತದಿಂದ ಅವರು ನಿಧನರಾಗಿದ್ದು, ಅನಾರೋಗ್ಯದಿಂದಲೂ ಬಳಲುತ್ತಿದ್ದರು ಎಂದು ವರದಿಯೊಂದು ತಿಳಿಸಿದೆ.

ಹಾಸ್ಯನಟನ ನಿಧನಕ್ಕೆ ಸಿಎಂ ಸ್ಟ್ಯಾಲಿನ್‌, ಕಮಲ್‌ ಹಾಸನ್‌,ನಟ ವಿಕ್ರಮ್‌, ಶರತ್‌ ಕುಮಾರ್‌ ಸೇರಿದಂತೆ ಅನೇಕ ಕಲಾವಿದರು ಸಂತಾಪ ಸೂಚಿಸಿದ್ದಾರೆ.

நகைச்சுவை நடிப்பில் தனக்கென்று ஒரு பாணியை முன்னிறுத்தி வெற்றி கண்டவர் நண்பர் மயில்சாமி. உதவும் சிந்தையால் பலராலும் நினைக்கப்படுவார். அன்பு நண்பருக்கென் அஞ்சலி #Mayilsamy

— Kamal Haasan (@ikamalhaasan) February 19, 2023