Salaar:‌ ಕುಂದಾಪುರದ ಬಸ್ರೂರಿಗೆ ಸ್ಥಳಾಂತರವಾದ ʼಸಲಾರ್‌ʼ ಪೋಸ್ಟ್‌ ಪೊಡಕ್ಷನ್‌ ವರ್ಕ್

Team Udayavani, Aug 19, 2023, 6:26 PM IST

ಹೈದರಾಬಾದ್: ಈ ವರ್ಷದ ಬಿಗೆಸ್ಟ್ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಒಂದಾಗಿರುವ ಪ್ರಭಾಸ್‌ ಅಭಿನಯದ ‘ಸಲಾರ್’ ದಿನ ಕಳೆದಂತೆ ಹೈಪ್ ಹೆಚ್ಚಿಸಿದೆ. ಇತ್ತೀಚೆಗಷ್ಟೇ ಟೀಸರ್ ರಿಲೀಸ್ ಮಾಡಿ ದೊಡ್ಡಮಟ್ಟದಲ್ಲಿ ಸದ್ದು ಮಾಡಿದ ‘ಸಲಾರ್’ ಟ್ರೇಲರ್ ರಿಲೀಸ್ ವರ್ಕ್ ನಲ್ಲಿ ಬ್ಯುಸಿಯಾಗಿದೆ.

ಒಂದು ದೊಡ್ಡ ಸಿನಿಮಾ ರಿಲೀಸ್ ಆಗಬೇಕಿದ್ರೆ ಅದರ ಟೀಸರ್, ಪೋಸ್ಟರ್, ಪ್ರೋಮೋ.. ಇತ್ಯಾದಿಯನ್ನು ಬಹಳ ಜಾಗ್ರತೆಯಿಂದ ರಿಲೀಸ್ ಮಾಡಬೇಕಾಗಿರುತ್ತದೆ. ಯಾಕೆಂದರೆ ಆ ಸಿನಿಮಾದ ದೃಶ್ಯ , ಸ್ಟೋರಿ ಲೈನ್ ಅಥವಾ ಪ್ರೋಮೋ ಟೀಸರ್ ಗಳು ಆನ್ಲೈನ್ ನಲ್ಲಿ ಸೋರಿಕೆ ಆಗುವ ಸಾಧ್ಯತೆಗಳಿರುತ್ತವೆ.

ಪ್ರಶಾಂತ್‌ ನೀಲ್‌  ಮೊದಲಿನಿಂದಲೂ ತಮ್ಮ ಸಿನಿಮಾಗಳ ವಿಚಾರದಲ್ಲಿ ಜಾಗ್ರತೆಯಿಂದ ಕೆಲಸ ಮಾಡುತ್ತಾರೆ. ಶೂಟಿಂಗ್‌ ವೇಳೆ ಶಿಸ್ತಿನಿಂದ ಸೆಟ್‌ ನಲ್ಲಿ ಎಲ್ಲರೂ ನಿಯಮವನ್ನು ಪಾಲಿಸುವಂತೆ ಆದೇಶವನ್ನೀಡಿ ಕೆಲಸದಲ್ಲಿ ನಿರತರಾಗುತ್ತಾರೆ.

ಈ ನಿಟ್ಟಿನಲ್ಲಿ  ʼಸಲಾರ್‌ʼ ಸಿನಿಮಾದ ಪೋಸ್ಟ್‌ ಪ್ರೂಡಕ್ಷನ್ಸ್‌ ಕೆಲಸವನ್ನು ಕರ್ನಾಟದ ಒಂದು ಊರಿಗೆ ಸ್ಥಳಾಂತರಿಸಿದ್ದಾರೆ ಎಂದು ʼಪಿಂಕ್‌ ವಿಲ್ಲಾʼ ವರದಿ ಮಾಡಿದೆ. ಸಿನಿಮಾ ಸಂಬಂಧಿತ ಯಾವ ದೃಶ್ಯಗಳು ಸೋರಿಕೆ ಆಗಬಾರದೆನ್ನುವ ಕಾರಣಕ್ಕಾಗಿ ಪ್ರಶಾಂತ್‌ ನೀಲ್‌ ʼಸಲಾರ್‌ʼ ನ ಎಲ್ಲಾ ಪೋಸ್ಟ್‌ ಪ್ರೂಡಕ್ಷನ್ಸ್‌ ಚಟುವಟಿಕೆಯನ್ನು ಕುಂದಾಪುರದ ಬಸ್ರೂರಿಗೆ ಸ್ಥಳಾಂತರ ಮಾಡಿದ್ದಾರೆ ಎಂದು ವರದಿ ತಿಳಿಸಿದೆ.

ಇದು ಸಂಗೀತ ನಿರ್ದೇಶಕ ರವಿ ಬಸ್ರೂರ್‌ ಅವರ ಊರಾಗಿದ್ದು, ಇಲ್ಲಿ ʼಸಲಾರ್‌ʼ ಸಿನಿಮಾದ ಬಿಜಿಎಂ, ಸಂಗೀತ ಸಂಯೋಜನೆ, ಟ್ರೇಲರ್‌ ಹಾಗೂ ಇತರೆ ಪೋಸ್ಟ್‌ ಪ್ರೊಡಕ್ಷನ್‌ ಸಂಬಂಧಿತ ಕೆಲಸಗಳು ನಡೆಯುತ್ತಿದೆ ಎಂದು ವರದಿ ತಿಳಿಸಿದೆ. ಗೌಪ್ಯತೆಯನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಇಲ್ಲಿ ಪೋಸ್ಟ್‌ ಪ್ರೂಡಕ್ಷನ್‌ ಕೆಲಸವನ್ನು ಮಾಡಲಾಗುದೆಂದು ವರದಿ ತಿಳಿಸಿದೆ.

ಇತ್ತೀಚೆಗೆ ಶಾರುಖ್‌ ಖಾನ್‌ ಅವರ ʼಜವಾನ್‌ʼ ಚಿತ್ರದ ಕ್ಲಿಪಿಂಗ್‌ ಗಳನ್ನು ಲೀಕ್‌ ಮಾಡಿದ್ದಕ್ಕಾಗಿ 5 ಮಂದಿಯ ವಿರುದ್ಧ ರೆಡ್ ಚಿಲ್ಲಿಸ್ ಎಂಟರ್ಟೈನ್ಮೆಂಟ್ ದೂರು ದಾಖಲಿಸಿತ್ತು.

ʼಸಲಾರ್‌ʼ ಟೀಸರ್‌ ಹಿಟ್‌ ಬಳಿಕ ಈಗ ಟ್ರೇಲರ್‌ ರಿಲೀಸ್‌ ಗೆ ಡೇಟ್‌ ನೋಡುತ್ತಿದ್ದು, ಸೆಪ್ಟೆಂಬರ್ ಮೊದಲ ವಾರದಲ್ಲಿ ಟ್ರೇಲರ್‌ ರಿಲೀಸ್‌ ಮಾಡುವ ಯೋಜನೆಯನ್ನು ಚಿತ್ರತಂಡ ಹಾಕಿಕೊಂಡಿದೆ ಎಂದು ವರದಿ ತಿಳಿಸಿದೆ.

ಪ್ಯಾನ್‌ ಇಂಡಯಾ ʼಸಲಾರ್‌ʼ ನಲ್ಲಿ ಪೃಥ್ವಿರಾಜ್ ಸುಕುಮಾರನ್ ಶ್ರುತಿ ಹಾಸನ್, ಜಗಪತಿ ಬಾಬು, ತಿನ್ನು ಆನಂದ್ ಮತ್ತು ಶ್ರೀಯಾ ರೆಡ್ಡಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

“ಸಲಾರ್: ಭಾಗ 1” ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಭಾಷೆಗಳಲ್ಲಿ ಸೆಪ್ಟೆಂಬರ್ 28 ರಂದು ಬಿಡುಗಡೆಯಾಗಲಿದೆ.