ವೀಕ್ಷಿಸಿ… ಪ್ರಥ್ವಿರಾಜ್ ಸುಕುಮಾರನ್ ನಟನೆಯ ಬ್ರಹ್ಮಂ ಸಿನಿಮಾ ಟೀಸರ್ ಬಿಡುಗಡೆ

Team Udayavani, Sep 25, 2021, 4:53 PM IST

ತಿರುವನಂತಪುರಂ: ಸಿನಿ ಪ್ರಿಯರಿಗೆ ಬಹು ನಿರೀಕ್ಷೆ ಹುಟ್ಟಿಸಿರುವ ಪ್ರಥ್ವಿರಾಜ್ ಸುಕುಮಾರನ್ ಅಭಿನಯದ “ಬ್ರಹ್ಮಂ” ಸಿನಿಮಾದ ಟೀಸರ್ ಶನಿವಾರ (ಸೆಪ್ಟೆಂಬರ್ 25) ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿಕೊಳ್ಳುವ ಮೂಲಕ ಅಭಿಮಾನಿಗಳಲ್ಲಿ ಸಂತಸ ಹುಟ್ಟುಹಾಕಿದ್ದಾರೆ.

ಇದು ಹಿಂದಿಯ ಅಂಧಾಧುನ್ ಸಿನಿಮಾದ ರಿಮೇಕ್ ಸಿನಿಮಾವಾಗಿದೆ. ಬ್ರಹ್ಮಂ ಮಲಯಾಳಂ ಸಿನಿಮಾದಲ್ಲಿ ಪ್ರಥ್ವಿರಾಜ್ ನಟಿಸುತ್ತಿದ್ದು, ಅಕ್ಟೋಬರ್ 7ರಂದು ಅಮೆಜಾನ್ ಪ್ರೈಮ್ ನಲ್ಲಿ ನೇರವಾಗಿ ಬಿಡುಗಡೆಯಾಗಲು ಸಿದ್ಧವಾಗಿದೆ.

Do you see everything you hear?
Watch #BhramamOnPrime on 7th Oct, Available only in India.
@PrithviOfficial, @Iamunnimukundan, @mamtamohan, @RaashiiKhanna_, @dop007, @JxBe @primevideoin, @Viacom18studios, @APIfilms pic.twitter.com/0xsBxEJm9m

— Prithviraj Sukumaran (@PrithviOfficial) September 25, 2021

ಬ್ರಹ್ಮಂ ಸಿನಿಮಾದಲ್ಲಿ ಪ್ರಥ್ವಿರಾಜ್ ಸುಕುಮಾರನ್, ರಾಶಿ ಖನ್ನಾ ಹಾಗೂ ಮಮತಾ ಮೋಹನ್ ದಾಸ್ ಸೇರಿದಂತೆ ಇತರರು ಮುಖ್ಯಭೂಮಿಕೆಯಲ್ಲಿದ್ದಾರೆ. ಈ ಸಿನಿಮಾವನ್ನು ರವಿ ಕೆ. ಚಂದ್ರನ್ ನಿರ್ದೇಶಿಸಿದ್ದು, ವಯೋಕಾಮ್ 18 ಸ್ಟುಡಿಯೋಸ್ ಸಿನಿಮಾ ನಿರ್ಮಾಣ ಮಾಡಿದೆ.

ಇತ್ತೀಚೆಗಷ್ಟೇ ಅಂಧಾಧುನ್ ತೆಲುಗು ರಿಮೇಕ್ ಡಿಸ್ನಿ ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಿತ್ತು. ತೆಲುಗು ರಿಮೇಕ್ ನಲ್ಲಿ ನಿತಿನ್, ತಮನ್ನಾ ಮತ್ತು ನಭಾ ನಟೇಶ್ ಅಭಿನಯಿಸಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.