ಕಾರ್ತಿಕ್‌ ಸುಬ್ಬರಾಜ್‌ “Jigarthanda DoubleX” ಸಿನಿಮಾವನ್ನು ಮೆಚ್ಚಿ ಪತ್ರ ಬರೆದ ರಜಿನಿ

Team Udayavani, Nov 15, 2023, 11:09 AM IST

ಚೆನ್ನೈ: ಇತ್ತೀಚೆಗೆ ತೆರೆಕಂಡ ಕಾರ್ತಿಕ್‌ ಸುಬ್ಬರಾಜ್ ಅವರ ʼಜಿಗರ್ತಾಂಡ ಡಬಲ್ ಎಕ್ಸ್ʼ ಸಿನಿಮಾಕ್ಕೆ ಎಲ್ಲೆಡೆ ಪಾಸಿಟಿವ್‌ ರೆಸ್ಪಾನ್ಸ್‌ ವ್ಯಕ್ತವಾಗುತ್ತಿದೆ. ಇದರ ಬೆನ್ನಲ್ಲೇ ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರು ಸಿನಿಮಾವನ್ನು ಶ್ಲಾಘಿಸಿದ್ದಾರೆ.

ರಾಘವ ಲಾರೆನ್ಸ್ ಮತ್ತು ಎಸ್‌ಜೆ ಸೂರ್ಯ ಪ್ರಧಾನ ಪಾತ್ರದಲ್ಲಿರುವ ʼ ಜಿಗರ್ತಾಂಡ ಡಬಲ್ ಎಕ್ಸ್ʼ ಮಾಸ್‌ ಪ್ರೇಕ್ಷಕರಿಗೆ ಇಷ್ಟವಾಗುವ ಕಥೆಯನ್ನೊಳಗೊಂಡಿದೆ. ಚಿತ್ರವನ್ನು ನೋಡಿದ ʼತಲೈವಾʼ ನಿರ್ದೇಶಕ ಕಾರ್ತಿಕ್‌ ಸುಬ್ಬರಾಜ್‌ ಅವರಿಗೆ ಪತ್ರ ಬರೆದು ಅಭಿನಂದಿಸಿದ್ದಾರೆ.

“ಕಾರ್ತಿಕ್ ಸುಬ್ಬರಾಜ್ ಅವರದು ಅದ್ಭುತ ಕೆಲಸ, ವಿಭಿನ್ನ ಕಥೆ ಮತ್ತು ಕಥಾವಸ್ತು. ಈ ಚಿತ್ರದಲ್ಲಿನ ಹೊಸ ರೀತಿಯ ದೃಶ್ಯಗಳನ್ನು ಸಿನಿಮಾ ಅಭಿಮಾನಿಗಳು ಹಿಂದೆಂದೂ ನೋಡಿಲ್ಲ” ಎಂದು ನಿರ್ದೇಕರ ಕೆಲಸವನ್ನು ಶ್ಲಾಘಿಸಿದ್ದಾರೆ.

ಇನ್ನು ನಟನೆ ಬಗ್ಗೆ ಹೇಳಿರುವ ಅವರು,  ರಾಘವ್‌ ಯಾವಾಗಲೂ ಹೀಗೆಯೇ ನಟಿಸುತ್ತಾರೆ. ವಿಲನ್ ಆಗಿರಲಿ, ಕಾಮಿಡಿ ಪಾತ್ರವೇ ಆಗಿರಲಿ, ಯಾವುದೇ ಪಾತ್ರವೇ ಆಗಿರಲಿ ಎಸ್ ಜೆ ಸೂರ್ಯ ಯಾವಾಗಲೂ ಅದನ್ನು ಅದ್ಭುತವಾಗಿ ನಿಭಾಯಿಸುತ್ತಾರೆ” ಎಂದಿದ್ದಾರೆ.

“ಸಂತೋಷ್ ನಾರಾಯಣನ್ ವಿಭಿನ್ನ ಚಿತ್ರಗಳಿಗೆ ವಿಭಿನ್ನ ಸಂಗೀತ ಸಂಯೋಜಿಸಿದ ರಾಜ. ತಮ್ಮ ಸಂಗೀತದಿಂದ ಚಿತ್ರಕ್ಕೆ ಜೀವ ತುಂಬಿರುವ ಅವರು, ಈ ಚಿತ್ರದಲ್ಲಿ ತಾವು ನಿಜವಾಗಿಯೂ ಮಾಸ್ಟರ್ ಸಂಗೀತ ಸಂಯೋಜಕ ಎಂಬುದನ್ನು ಸಾಬೀತುಪಡಿಸಿದ್ದಾರೆ” ಎಂದಿದ್ದಾರೆ.

ಚಿತ್ರದಲ್ಲಿ ಬಳಸಲಾದ ಆನೆ ಬಗ್ಗೆ ಹೇಳಿರುವ ಅವರು, ಆನೆ ನಟರೊಂದಿಗೆ ಪೈಪೋಟಿಯಾಗಿ ನಟಿಸಿದೆ ಎಂದಿದ್ದಾರೆ.

ಕಾರ್ತಿಕ್ ಸುಬ್ಬರಾಜ್ ನಿಮ್ಮ ಬಗ್ಗೆ ನನಗೆ ಹೆಮ್ಮೆ ಇದೆ ಎಂದು ಹೇಳಿ ಅಭಿನಂದನೆ ಸಲ್ಲಿಸಿದ್ದಾರೆ. ಈ ಪತ್ರವನ್ನು ಕಾರ್ತಿಕ್‌ ಸುಬ್ಬರಾಜ್‌  ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ.

When Thalaivar said….

“For my boys” ❤️#JigarthandaDoubleX

Love you Thalaivaaa ❤️❤️ pic.twitter.com/bkNtkedlyU

— karthik subbaraj (@karthiksubbaraj) November 14, 2023