Ram Charan and Upasana: ರಾಮ್‌ ಚರಣ್‌ – ಉಪಾಸನಾ ದಂಪತಿಯ ನವಜಾತ ಶಿಶುವಿನ ಫೋಟೋ ಲೀಕ್? ‌

Team Udayavani, Jun 22, 2023, 4:54 PM IST

ಹೈದರಾಬಾದ್: ಮದುವೆಯಾದ 10 ವರ್ಷದ ಬಳಿಕ ನಟ ರಾಮ್‌ ಚರಣ್‌ – ಉಪಾಸನ ದಂಪತಿ ತಂದೆ ತಾಯಿಯಾಗಿದ್ದಾರೆ. ಮೆಗಾ ಕುಟುಂಬದಲ್ಲಿ ಈ ವಿಚಾರ ಸಂತಸದ ಮನೆ ಮಾಡಿದೆ. ಈ ನಡುವೆ ವೈರಲ್‌ ಸುದ್ದಿಯೊಂದು ಹರಿದಾಡುತ್ತಿದೆ.

ಜೂನ್ 19 ರಂದು ಆಸ್ಪತ್ರೆಗೆ ದಾಖಲಾದ ಉಪಾಸನ, ಜೂ.20 ರಂದು ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಸಂತಸದ ವಿಚಾರ ಮೆಗಾ ಫ್ಯಾಮಿಲಿ ಸಂಭ್ರಮ ತಂದಿದೆ. ನಟರಾದ ಅಲ್ಲು ಅರ್ಜುನ್, ಅಲ್ಲು ಅರವಿಂದ್, ವರುಣ್ ತೇಜ್ ಸೇರಿದಂತೆ ಅನೇಕ ಮೆಗಾ ಫ್ಯಾಮಿಲಿಯ ಸದಸ್ಯರು ಆಸ್ಪತ್ರೆಗೆ ಭೇಟಿ ನೀಡಿ ತಾಯಿ – ಮಗುವನ್ನು ನೋಡಿ ಶುಭ ಹಾರೈಸಿದ್ದರು.

ಇದನ್ನೂ ಓದಿ: ಹೆಚ್ಚುವರಿ ವರದಕ್ಷಿಣೆ ಬೇಡಿಕೆಯಿಟ್ಟು ಕೊನೇ ಕ್ಷಣದಲ್ಲಿ ಮದುವೆಯನ್ನೇ ರದ್ದು ಮಾಡಿದ ವರ.!  

ಅಜ್ಜ ಆದ ಚಿರಂಜೀವಿ ಮೊಮ್ಮಗಳಿಗೆ ʼಲಿಟಲ್ ಮೆಗಾ ಪ್ರಿನ್ಸೆಸ್ʼ ಎಂಬ ಮುದ್ದಾದ ನಾಮಕರಣ ಮಾಡಿ, ಸೋಶಿಯಲ್‌ ಮೀಡಿಯಾದಲ್ಲಿ ಸಂತಸವನ್ನು ಹಂಚಿಕೊಂಡಿದ್ದರು.

ಈ ನಡುವೆ ಸೋಶಿಯಲ್‌ ಮೀಡಿಯಾದಲ್ಲಿ ನವಜಾತ ಮಗುವಿನ ಫೋಟೋವೊಂದು ವೈರಲ್‌ ಆಗಿದ್ದು, ಅದು ರಾಮ್‌ ಚರಣ್‌ ಅವರ ಮಗಳ ಫೋಟೋ ಎಂದು ಅನೇಕ ಮಂದಿ ಹಂಚಿಕೊಂಡಿದ್ದಾರೆ. ಈ ಫೋಟೋ ವೈರಲ್‌ ಆಗುತ್ತಿದ್ದಂತೆ ರಾಮ್ ಚರಣ್ ಮ್ಯಾನೇಜರ್ ಇದಕ್ಕೆ ಸ್ಪಷ್ಟೀಕರಣ ನೀಡಿದ್ದಾರೆ.

ಆಸ್ಪತ್ರೆಯೊಂದರಲ್ಲಿ ತೆಗೆದ ನವಜಾತ ಫೋಟೋವೊಂದು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಈ ಫೋಟೋ ರಾಮ್‌ ಚರಣ್‌ ಅವರ ಮಗಳ ಫೋಟೋವಲ್ಲ ಎಂದು ಹೇಳಿ ವದಂತಿಗಳಿಗೆ ತೆರೆ ಎಳೆದಿದ್ದಾರೆ.