First time ಸಾರ್ವಜನಿಕರಿಗೆ ಪುತ್ರಿಯ ಮುದ್ದು ಮುಖ ತೋರಿದ ರಣಬೀರ್- ಆಲಿಯಾ

Team Udayavani, Dec 25, 2023, 4:43 PM IST

ಮುಂಬಯಿ: ಕ್ರಿಸ್‌ಮಸ್ ಸಂಭ್ರಮದ ವೇಳೆ, ಬಾಲಿವುಡ್ ನ ಕಪೂರ್ ಕುಟುಂಬ ಔತಣ ಕೂಟಕ್ಕೆ ಒಟ್ಟಿಗೆ ಸೇರಿದ್ದು, ಈ ಬಾರಿ ಮಾಧ್ಯಮಗಳ ನೆಟ್ಟಿಗರ ಕುತೂಹಲದ ಕೇಂದ್ರ ಬಿಂದುವಾಗಿದ್ದು ರಾಹಾ. ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅವರ ಮುದ್ದು ಮಗಳಾದ ರಾಹಾಳ ಮುಖದರ್ಶನ ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಆಗಿದ್ದು, ಫೋಟೋ ಕ್ಲಿಕ್ಕಿಸಲು ಪಾಪರಾಜಿಗಳು ಸೇರಿ ಹಲವರು ಮುಗಿಬಿದ್ದರು. ತನ್ನ ಪುಟ್ಟ ನೀಲಿ ಕಂಗಳ ನೋಟದಿಂದ ಎಲ್ಲರ ಸಂಭ್ರಮವನ್ನು ರಾಹಾ ಇನ್ನಷ್ಟು ವಿಶೇಷವಾಗಿಸಿದಳು.

ರಣಬೀರ್ ಅವರ ತಂದೆ ದಿವಂಗತ ರಿಷಿ ಕಪೂರ್ ಅವರಂತೆಯೇ ಕಾಣುವ ರಾಹಾ, ಕೆಂಪು ವೆಲ್ವೆಟ್ ಶೂಗಳೊಂದಿಗೆ ಬಿಳಿ ಮತ್ತು ಗುಲಾಬಿ ಬಣ್ಣದ ಡ್ರೆಸ್‌ನಲ್ಲಿ ಮುದ್ದಾಗಿ ಕಾಣುತ್ತಿದ್ದಳು.

2022, ನವೆಂಬರ್ 6 ರಂದು ಜನಿಸಿದ್ದ ರಾಹಾಳ ಫೋಟೋಗಳನ್ನು ಇಂದಿನವರೆಗೂ ರಣಬೀರ್ ಮತ್ತು ಆಲಿಯಾ ಹಂಚಿಕೊಂಡಿರಲಿಲ್ಲ. ಪಾಪರಾಜಿಗಳು ತಪ್ಪಿಯೂ ಫೋಟೋ ಕ್ಲಿಕ್ ಮಾಡಲು ಅವಕಾಶ ನೀಡಿರಲಿಲ್ಲ.