Ramayana: ಎರಡು ಭಾಗಗಳಾಗಿ ಬರಲಿದೆ‌ ಬಿಗ್‌ ಬಜೆಟ್ ʼರಾಮಾಯಣʼ; ರಿಲೀಸ್‌ ಡೇಟ್‌ ಅನೌನ್ಸ್

Team Udayavani, Nov 6, 2024, 12:30 PM IST

ಮುಂಬಯಿ: ಬಿಗ್ ಬಜೆಟ್ ಪ್ಯಾನ್ ಇಂಡಿಯಾ ‘ರಾಮಾಯಣ’‌ (Ramayana) ಸಿನಿಮಾದ ರಿಲೀಸ್ ಡೇಟ್ ಬುಧವಾರ (ನ.6ರಂದು) ರಿವೀಲ್ ಆಗಿದೆ.

ರಣ್ಬೀರ್ ಕಪೂರ್ (Ranbir Kapoor), ಸಾಯಿಪಲ್ಲವಿ (Sai Pallavi) ಪ್ರಧಾನ ಭೂಮಿಕೆಯ ‘ರಾಮಾಯಣ’ ಸಿನಿಮಾಕ್ಕೆ ಕನ್ನಡದ ಪ್ಯಾನ್‌ ಇಂಡಿಯಾ ಸ್ಟಾರ್‌ ಯಶ್‌ (Actor Yash) ಸಹ ನಿರ್ಮಾಪಕರಾಗಿ ಬಂಡವಾಳ ಹಾಕಲಿದ್ದಾರೆ. ನಮಿತ್ ಮಲ್ಹೋತ್ರಾ (Namit Malhotra) ನಿರ್ಮಾಪಕರಾಗಿ ಬಂಡವಾಳ ಹಾಕಲಿದ್ದಾರೆ.

ಎರಡು ಭಾಗಗಳಲ್ಲಿ ದೊಡ್ಡದಾಗಿಯೇ ನಿತೀಶ್‌ ತಿವಾರಿ (Nitesh Tiwari) ಐತಿಹಾಸಿಕ ʼರಾಮಾಯಣʼದ ಕಥೆಯನ್ನು ತೆರೆಮೇಲೆ ತರಲಿದ್ದಾರೆ. ಸಿನಿಮಾದ ರಿಲೀಸ್‌ ಡೇಟ್‌ ಬಗ್ಗೆ ನಿರ್ಮಾಪಕ ನಮಿತ್ ಮಲ್ಹೋತ್ರಾ ಮಾಹಿತಿ ಹಂಚಿಕೊಂಡಿದ್ದಾರೆ.

ರಿಲೀಸ್‌ ಡೇಟ್‌ ಅನೌನ್ಸ್‌ ಮಾಡಿದ ನಿರ್ಮಾಪಕ:

“ಒಂದು ದಶಕಕ್ಕೂ ಹಿಂದೆ 5000 ವರ್ಷಗಳಿಂದ ಶತಕೋಟಿ ಹೃದಯಗಳನ್ನು ಆಳಿದ ಈ ಮಹಾಕಾವ್ಯವನ್ನು ದೊಡ್ಡ ಪರದೆಯ ಮೇಲೆ ತರಲು ಅನ್ವೇಷಣೆಯನ್ನು ಪ್ರಾರಂಭಿಸಿದೆ. ಇಂದು ನಮ್ಮ ತಂಡಗಳು ಒಂದೇ ಒಂದು ಉದ್ದೇಶವನ್ನಿಟ್ಟುಕೊಂಡು ನಿರಂತರವಾಗಿ ಹಾಕಿದ ಪರಿಶ್ರಮದಿಂದ ಇದು ಅತ್ಯಂತ ಸುಂದರವಾಗಿ ರೂಪುಗೊಳ್ಳುತ್ತಿರುವುದನ್ನು ನೋಡಿ ನಾನು ರೋಮಾಂಚನಗೊಂಡಿದ್ದೇನೆ. ನಮ್ಮ ಇತಿಹಾಸ, ನಮ್ಮ ಸತ್ಯ ಮತ್ತು ನಮ್ಮ ಸಂಸ್ಕೃತಿಯ ಅತ್ಯಂತ ಪವಿತ್ರ ಮತ್ತು ಅದ್ಭುತವಾದ ರೂಪಾಂತರವನ್ನು ನಮ್ಮ “ರಾಮಾಯಣ”ದ ಮೂಲಕ ಪ್ರಪಂಚದಾದ್ಯಂತದ ಜನರಿಗೆ ಪ್ರಸ್ತುತಪಡಿಸಲಿದ್ದೇವೆ. ನಮ್ಮ ಮಹಾನ್ ಮಹಾಕಾವ್ಯವನ್ನು ಹೆಮ್ಮೆ ಮತ್ತು ಗೌರವದಿಂದ ತರಲಿದ್ದೇವೆ. ನಮ್ಮ ಕನಸು ನನಸಾಗಲು ನಮ್ಮೊಂದಿಗೆ ಸೇರಿಕೊಳ್ಳಿ 2026ರ ದೀಪಾವಳಿಗೆ ʼರಾಮಾಯಣ ಭಾಗ 1ʼ, 2027ರ ದೀಪಾವಳಿಗೆ ʼರಾಮಾಯಣ ಭಾಗ 2ʼ ನಿಮ್ಮ ಮುಂದೆ ಬರಲಿದೆ ಎಂದು ನಮಿತ್ ಮಲ್ಹೋತ್ರಾ ಹೇಳಿದ್ದಾರೆ.

ʼರಾಮಾಯಣ: ಭಾಗ -1ʼ ಕ್ಕಾಗಿ ನಿರ್ಮಾಪಕರು ಬರೋಬ್ಬರಿ 835 ಕೋಟಿ ರೂಪಾಯಿಯ ಬಂಡವಾಳವನ್ನು ಹಾಕಲಿದ್ದಾರೆ. ಚಿತ್ರದ ಪೋಸ್ಟ್‌ ಪ್ರೊಡಕ್ಷನ್‌ಗಾಗಿ 600 ದಿನ ಮೀಸಲಿಡಲು ಚಿತ್ರತಂಡ ಮುಂದಾಗಿದೆ ಎಂದು ಈ ಹಿಂದೆ ವರದಿಯಾಗಿತ್ತು.

ಸಿನಿಮಾದದಲ್ಲಿ ರಣ್ಬೀರ್‌ ಕಪೂರ್‌ ʼರಾಮʼನಾಗಿ, ʼಸೀತೆʼಯಾಗಿ ಸಾಯಿಪಲ್ಲವಿ, ʼರಾವಣʼನಾಗಿ ಯಶ್‌ ಕಾಣಿಸಿಕೊಳ್ಳಲಿದ್ದಾರೆ. ಕೈಕೇಯಿʼಯಾಗಿ ಲಾರಾ ದತ್ತಾ ಮತ್ತು ʼದಶರಥʼನಾಗಿ ಅರುಣ್ ಗೋವಿಲ್ ಕಾಣಿಸಿಕೊಳ್ಳಲಿದ್ದಾರೆ.

 

View this post on Instagram

 

A post shared by Namit Malhotra (@iamnamitmalhotra)

ಹನುಮಂತನಾಗಿ ಸನ್ನಿ ಡಿಯೋಲ್, ವಿಭೀಷಣ ಆಗಿ ವಿಜಯ್ ಸೇತುಪತಿ, ಶೂರ್ಪನಕಿಯಾಗಿ ರಕುಲ್ ಪ್ರೀತ್ ಸಿಂಗ್ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರ ಜೊತೆ ಹಲವು ಖ್ಯಾತ ನಟರ ಹೆಸರು ಕೂಡ ಕೇಳಿ ಬರುತ್ತಿದೆ.

ಸದ್ಯ ಯಶ್‌ ʼಟಾಕ್ಸಿಕ್‌ʼ ಸಿನಿಮಾದಲ್ಲಿ ಬ್ಯುಸಿಯಿದ್ದು, ರಣ್ಬೀರ್‌ ಕಪೂರ್‌ ಸಂಜಯ್‌ ಲೀಲಾ ಬನ್ಸಾಲಿ ಅವರ ʼಲವ್‌ & ವಾರ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.