ಮತ್ತೊಮ್ಮೆ ವಿಜಯ್‌ ಶರ್ಟ್‌ ಧರಿಸಿ ಕಾಣಿಸಿಕೊಂಡ ರಶ್ಮಿಕಾ..! ಫ್ಯಾನ್ಸ್‌ ಹೇಳಿದ್ದೇನು..?

Team Udayavani, Jul 26, 2023, 7:56 PM IST

ಬೆಂಗಳೂರು : ನ್ಯಾಷನಲ್‌ ಕ್ರಷ್‌ ರಶ್ಮಿಕಾ ಮಂದಣ್ಣ ಮತ್ತು ತೆಲುಗು ಸ್ಟಾರ್‌ ನಟ ವಿಜಯ್‌ ದೇವರಕೊಂಡ ನಡುವಿನ ಸಂಬಂಧ ಸೌತ್‌ ಸಿನೆಮಾದ ದೊಡ್ಡ ಗಾಸಿಪ್‌ಗಳಲ್ಲಿ ಒಂದು. ಇಬ್ಬರೂ ಬಹಳ ಕಾಲದಿಂದ ಡೇಟಿಂಗ್‌ ಮಾಡುತ್ತಿದ್ದಾರೆ ಎಂದು ಫ್ಯಾನ್ಸ್‌ ಮಾತನಾಡುತ್ತಲೇ ಇರುತ್ತಾರೆ. ಈ ಇಬ್ಬರು ಸೆಲೆಬ್ರಿಟಿಗಳು ರಜೆಯ ವೇಳೆಯಲ್ಲಿ, ಡಿನ್ನರ್‌ ಔಟಿಂಗ್‌ಗಳಲ್ಲಿ ಒಟ್ಟೊಟ್ಟಿಗೆ ಕಾಣಿಸಿಕೊಂಡಿದ್ದು ಸೋಷಿಯಲ್‌ ಮೀಡಿಯಾಗಳಲ್ಲಿ ಸುದ್ದಿಯಾಗಿತ್ತು.

ಆದರೂ ʻಡಿಯರ್‌ ಕಾಮ್ರೆಡ್‌ʼ ಜೋಡಿ ತಮ್ಮ ನಡುವಿನ ಸಂಬಂಧದ ಬಗ್ಗೆ ಕೇಳಿ ಬರುತ್ತಿರುವ ಸುದ್ದಿಗಳನ್ನು ಅಲ್ಲಗಳೆಯುತ್ತಲೇ ಬಂದಿದ್ದಾರೆ.

ವಿಶೇಷವೇನೆಂದರೆ, ಇತ್ತೀಚೆಗೆ ರಶ್ಮಿಕಾ ಧರಿಸಿದ್ದ ಶರ್ಟ್‌ ಈ ಸುದ್ದಿಗೆ ಪುಷ್ಟಿ ನೀಡುವಂತಿದೆ. ರಶ್ಮಿಕಾ ಮಂದಣ್ಣ ವಿಜಯ್‌ ದೇವರಕೊಂಡ ಅವರದ್ದು ಎಂದು ಹೇಳಲಾದ ಶರ್ಟ್‌ ಒಂದನ್ನು ಧರಿಸಿ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿರುವ ಫೋಟೋಗಳು ವೈರಲ್‌ ಆಗಿವೆ. ಈ ಫೋಟೋಗಳನ್ನು ಪಾಪರಾಝಿಗಳು ಕ್ಲಿಕ್ಕಿಸಿದ್ದು ಅದರಲ್ಲಿ ರಶ್ಮಿಕಾ ಧರಿಸಿರುವ ಶರ್ಟ್‌ ದೇವರಕೊಂಡ ಅವರದ್ದು ಎಂದು ಫ್ಯಾನ್ಸ್‌ ಮಾತನಾಡುತ್ತಿದ್ದಾರೆ.

ಕಳೆದ ಕೆಲ ಸಮಯದ ಹಿಂದಷ್ಟೇ ವಿಜಯ್‌ ದೇವರಕೊಂಡ ಅವರು ಇದೇ ರೀತಿಯ ಅಂಗಿಯನ್ನು ಧರಿಸಿ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದರು. ಈಗ ರಶ್ಮಿಕಾ ಅವರು ಧರಿಸಿರುವ ಅಂಗಿ ಅವರ ದೇಹ ಗಾತ್ರಕ್ಕಿಂತ ದೊಡ್ಡದಾಗಿದೆ. ಹಾಗಾಗಿ ಅದು ವಿಜಯ್‌ ದೇವರಕೊಂಡ ಅವರದ್ದೇ ಅಂಗಿ ಎಂಬುದು ಫ್ಯಾನ್ಸ್‌ ಅಭಿಪ್ರಾಯ.

ಸದ್ಯ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್‌ ದೇವರಕೊಂಡ ಅವರ ಒಂದೇ ರೀತಿಯ ಫ್ಯಾಷನ್‌ ಆಯ್ಕೆಗಳು ಇವರಿಬ್ಬರ ಬಗ್ಗೆ ಕೇಳಿಬರುತ್ತಿರುವ ಗಾಸಿಪ್‌ಗೆ ಪುಷ್ಟಿ ನೀಡಿದೆ.

ಇದನ್ನೂ ಓದಿ: Parle G; ಇದು…2ನೇ ಮಹಾಯುದ್ಧದ ಸೈನಿಕರ ಅಚ್ಚುಮೆಚ್ಚಿನ ಪಾರ್ಲೆಜಿಯ ಯಶೋಗಾಥೆ