ನನ್ನ ಪಾತ್ರದ ನಡೆ ನಿಗೂಢ : ಕೆಜಿಎಫ್ 2 ಬಗ್ಗೆ ರವೀನಾ ಮಾತು

Team Udayavani, Jan 6, 2021, 11:53 AM IST

ಬಾಲಿವುಡ್‌ ನಟಿ ರವೀನಾ ಟಂಡನ್‌, ಈ ಬಾರಿ “ಕೆಜಿಎಫ್-2′ ಚಿತ್ರದ ಮೂಲಕ ಮತ್ತೆ ಕನ್ನಡ ಸಿನಿ ಪ್ರಿಯರ ಮುಂದೆ ಬರುವ ಖುಷಿಯಲ್ಲಿದ್ದಾರೆ. ಇದೇ ವೇಳೆ “ಕೆಜಿಎಫ್ -2′ ಚಿತ್ರದ ಬಗ್ಗೆ ಮತ್ತು ಪಾತ್ರದ ಬಗ್ಗೆ ಮಾತನಾಡಿರುವ ರವೀನಾ ಒಂದಷ್ಟು ಅನುಭವಗಳನ್ನು ಹಂಚಿಕೊಂಡಿದ್ದಾರೆ.

“ನನ್ನ ಪಾತ್ರದ ಬಗ್ಗೆ ಈಗಲೇ ಹೆಚ್ಚೇನು ಹೇಳಲಾರೆ. ಏಕೆಂದರೆ, ಇದು ತುಂಬ ಕುತೂಹಲವಿಟ್ಟುಕೊಂಡಿರುವ ಮತ್ತು ಅಷ್ಟೇ ವಿಭಿನ್ನವಾಗಿರುವಂಥ ಪಾತ್ರ. ರಮಿಕಾ ಸೇನ್‌ ಎನ್ನುವಹೆಸರಿನ ಈ ಪಾತ್ರ ತುಂಬ ಸಂಕೀರ್ಣ ಮತ್ತು ಅಷ್ಟೇ ಪವರ್‌ಫ‌ುಲ್‌ ಆಗಿದೆ. ಪಾತ್ರದಲ್ಲೆ ಒಂಥರಾ ಗ್ರೇ ಶೇಡ್‌ ಇರುವುದರಿಂದ, ಯಾರೂ ಕೂಡ ನನ್ನ ಈ ಪಾತ್ರದಮುಂದಿನ ನಡೆಯನ್ನು ನಿರೀಕ್ಷಿಸ ಲಾಗದು’ ಎನ್ನುತ್ತಾರೆ ರವೀನಾ.

ಇದನ್ನೂ ಓದಿ : ಏಪ್ರಿಲ್‌ನಿಂದ ಸ್ಟಾರ್ಸ್ ದರ್ಬಾರ್‌

“ಈ ಸಿನಿಮಾದ ಸ್ಟೋರಿ ಲೈನ್‌ ಕೇಳಿದಾಗಲೇ, ತುಂಬಾ ಇಷ್ಟವಾಯ್ತು. ನಾನು “ಕೆಜಿಎಫ್’ ಮೊದಲ ಭಾಗ ನೋಡುವ ಮೊದಲೇ ನಿರ್ದೇಶಕ ಪ್ರಶಾಂತ್‌ ನೀಲ್‌ ಈ ಕಥೆಯ ಎಳೆಯನ್ನ ವಿವರಿಸಿದ್ದರು. ಆನಂತರ ಸಿನಿಮಾ ನೋಡಿದ ಮೇಲಂತೂ ಅದ್ಭುತ ಎನಿಸಿತು. ಹೊಸತರದ ಸಿನಿಮಾಕ್ಕೆ ತೆರೆದುಕೊಳ್ಳಲು ಬಯಸುತ್ತಿದ್ದ ನನಗೆ ಈ ಥರದ ಪಾತ್ರ ತುಂಬಇಷ್ಟವಾಯ್ತು. ಸ್ಟೋರಿ ಲೈನ್‌ ಮತ್ತು ಅದರ ನಿರೂಪಣೆ ಎರಡೂ ಹೊಸತರವಾಗಿರುವುದುದರಿಂದ, ಪಾತ್ರದ ಮೇಲೆ ಸಾಕಷ್ಟು ಕುತೂಹಲವಿದೆ’ ಎನ್ನುವುದು ರವೀನಾ ಮಾತು.

ಇನ್ನು ನಟ ಯಶ್‌ ಜೊತೆ ನಟಿಸಿರೋದು ಕೂಡಾ ಖುಷಿ ಕೊಟ್ಟಿದೆ ಎಂದಿರುವ ರವೀನಾ, ಯಶ್‌ ತುಂಬಾ ಪ್ರತಿಭಾವಂತ ನಟ. ಅವರೊಂದಿಗೆ ಕೆಲಸ ಮಾಡಿರೋದು ಖುಷಿ ಕೊಟ್ಟಿದೆ ಎಂದಿದ್ದಾರೆ. ­