ಹತ್ತೇ ದಿನದಲ್ಲಿ ರಜನಿಕಾಂತ್ ರ 2.0 ಚಿತ್ರದ ದಾಖಲೆ ಮುರಿದ ‘ಆರ್ ಆರ್ ಆರ್’

Team Udayavani, Apr 4, 2022, 12:41 PM IST

ಸ್ಟಾರ್ ನಿರ್ದೇಶಕ ಎಸ್.ಎಸ್.ರಾಜಮೌಳಿ ಅವರ ನೂತನ ಚಿತ್ರ ‘ಆರ್ ಆರ್ ಆರ್’ ದಿನದಿಂದ ದಿನಕ್ಕೆ ಒಂದೊಂದೇ ದಾಖಲೆಗಳನ್ನು ಮುರಿದು ಮುನ್ನುಗ್ಗುತ್ತಿದೆ. ಜೂ.ಎನ್ ಟಿಆರ್ ಮತ್ತು ರಾಮ್ ಚರಣ್ ಮುಖ್ಯಪಾತ್ರದಲ್ಲಿ ನಟಿಸಿರುವ ‘ಆರ್ ಆರ್ ಆರ್’ ಚಿತ್ರ ಇದೀಗ ರಜನಿಕಾಂತ್ ನಟನೆಯ 2.0 ಚಿತ್ರದ ದಾಖಲೆ ಮುರಿದಿದೆ.

ಗಂಗೂಬಾಯಿ ಕಥಿಯಾವಾಡಿ, ದಿ ಕಾಶ್ಮೀರ್ ಫೈಲ್ಸ್ ಮತ್ತು ಬಾಹುಬಲಿ (ಹಿಂದಿ) ಅನ್ನು ಬಾಕ್ಸ್ ಆಫೀಸ್‌ನಲ್ಲಿ ಹಿಂದಿಕ್ಕಿದ ನಂತರ, ‘ಆರ್ ಆರ್ ಆರ್’ ಈಗ ಸೂಪರ್‌ಸ್ಟಾರ್ ರಜನಿಕಾಂತ್ ಅವರ 2.0 ರ ಒಟ್ಟು ಸಂಗ್ರಹವಾದ 800 ಕೋಟಿ ರೂ ನ್ನು ಬಾಕ್ಸ್ ಆಫೀಸ್‌ ನಲ್ಲಿ ಮೀರಿಸಿದೆ. ಈಗ ‘ಆರ್ ಆರ್ ಆರ್’ ಆರನೇ ಅತಿ ಹೆಚ್ಚು ಗಳಿಕೆಯ ಭಾರತೀಯ ಚಲನಚಿತ್ರವಾಗಿದೆ.

ಇದನ್ನೂ ಓದಿ:ರೇವ್ ಪಾರ್ಟಿಗೆ ಪೊಲೀಸ್ ದಾಳಿ; ಚಿರಂಜೀವಿ ಸೊಸೆ, ಬಿಗ್ ಬಾಸ್ ವಿನ್ನರ್ ಸೇರಿ 142 ಜನರ ಬಂಧನ

ಮಾರ್ಚ್ 25ರಂದು ತೆರೆಕಂಡ ‘ಆರ್ ಆರ್ ಆರ್’ ವಿಶ್ವದಾದ್ಯಂತ ಇದುವರೆಗೆ 800 ಕೋಟಿ ರೂ ಗಳಿಸಿದೆ. ಚಿತ್ರದಲ್ಲಿ ಜೂ.ಎನ್ ಟಿಆರ್, ರಾಮ್ ಚರಣ್, ಆಲಿಯಾ ಭಟ್, ಅಜಯ್ ದೇವಗನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

#RRR with ₹819.06 cr BEATS #2Point0‘s lifetime gross of ₹800 cr to become the 6th HIGHEST grossing Indian movie of all time.

— Manobala Vijayabalan (@ManobalaV) April 3, 2022

‘ಆರ್ ಆರ್ ಆರ್’ ಆರನೇ ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಲನಚಿತ್ರವಾಗಿದೆ. ದಂಗಲ್, ಬಾಹುಬಲಿ: ದಿ ಕನ್‌ಕ್ಲೂಷನ್, ಬಜರಂಗಿ ಭಾಯಿಜಾನ್, ಸೀಕ್ರೆಟ್ ಸೂಪರ್‌ಸ್ಟಾರ್ ಮತ್ತು ಪಿಕೆ ಟಾಪ್ 10 ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಲನಚಿತ್ರಗಳಲ್ಲಿ ಮೊದಲ ಐದು ಸ್ಥಾನಗಳನ್ನು ಪಡೆದುಕೊಂಡಿವೆ.