ಐಟಂ ಡ್ಯಾನ್ಸ್‌ ಮಾಡ್ಬೇಡ… ʼಊ ಅಂಟವಾʼ ಹಾಡಿಗೆ ಸಮಂತಾ ಆಪ್ತರಿಂದಲೇ ವ್ಯಕ್ತವಾಗಿತ್ತು ವಿರೋಧ

Team Udayavani, Mar 30, 2023, 11:02 AM IST

ಮುಂಬಯಿ: ನಟಿ ಸಮಂತಾ ರುತ್ ಪ್ರಭು ʼಶಾಕುಂತಲಂʼ ಸಿನಿಮಾದ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ. ಕಳೆದ ಕೆಲ ಸಮಯದಿಂದ ಸುದ್ದಿಯಲ್ಲಿರುವ ಸಮಂತಾ ಇತ್ತೀಚೆಗಿನ ಸಂದರ್ಶನವೊಂದರಲ್ಲಿ ʼಪುಷ್ಪಾʼ ಸಿನಿಮಾದಲ್ಲಿನ ʼಊ ಅಂಟವಾʼ ಹಾಡಿನ ಬಗ್ಗೆ ಮಾತನಾಡಿದ್ದಾರೆ.

ʼಮಿಸ್ ಮಾಲಿನಿʼ ನಡೆಸಿದ ಸಂದರ್ಶನದಲ್ಲಿ ಭಾಗಿಯಾಗಿ ಮಾತನಾಡಿರುವ ಅವರು, ʼಪುಷ್ಪಾʼ ಸಿನಿಮಾದಲ್ಲಿನ ʼಊ ಅಂಟವಾʼ ಹಾಡಿನ ಹಿಂದೆ ಕೇಳಿ ಬಂದ ಕೆಲ ಸಂಗತಿಗಳ ಬಗ್ಗೆ ಮಾತನಾಡಿದ್ದಾರೆ.

ʼಪುಷ್ಪಾʼ ಸಿನಿಮಾದ ʼಊ ಅಂಟವಾʼ ಹಾಡು ಹಿಟ್‌ ನಂಬರ್. ಹಾಡಿನಲ್ಲಿ ಐಟಂ ಡ್ಯಾನ್ಸ್‌ ಮಾಡಿದ್ದು ನಟಿ ಸಮಂತಾ. ಸಮಂತಾ ಅರೆ ಉಡುಗೆ ತೊಟ್ಟು ಹಾಡಿನ ಬೀಟ್‌ ಗೆ ಹೆಜ್ಜೆ ಹಾಕಿದ್ದು, ಪಡ್ಡೆ ಹುಡುಗರ ಗಮನ ಸೆಳೆದಿತ್ತು. ಈ ಹಾಡು ಸಮಂತಾ ಗಂಡನಿಂದ ದೂರವಾದ ಬಳಿಕ ಕೆಲ ಸಮಯದ ಬಳಿಕವೇ ರಿಲೀಸ್‌ ಆಗಿತ್ತು.

ಇದನ್ನೂ ಓದಿ: “ಜೈ ಶ್ರೀರಾಮ್” ಎಂದು ಹೇಳಿ ರಾಮನವಮಿ ದಿನ ʼಆದಿಪುರುಷ್‌ʼ ಹೊಸ ಪೋಸ್ಟರ್‌ ಹಂಚಿಕೊಂಡ ಪ್ರಭಾಸ್

ʼಊ ಅಂಟವಾʼ ಹಾಡಿಗೆ ಆಫರ್‌ ಬಂದಾಗ ನಾನು ವಿಚ್ಛೇದನದ ವಿಚಾರವನ್ನು ಅನೌನ್ಸ್‌ ಮಾಡುವ ಹಂತದಲ್ಲಿದ್ದೆ. ಆ ವೇಳೆ ನನ್ನ ಕುಟುಂಬ, ಸ್ನೇಹಿತರು, ಆತ್ಮೀಯರು ಸೇರಿದಂತೆ ಹಲವರು ʼನೀನು ಐಟಂ ಡ್ಯಾನ್ಸ್‌  ಆಫರ್‌ ಒಪ್ಪಿಕೊಳ್ಳಬೇಡ, ಮನೆಯಲ್ಲಿರು” ಎಂದಿದ್ದರು. ವಿಚ್ಚೇನದ ಬಳಿಕ ಐಟಂ ಹಾಡಿನಲ್ಲಿ ಕಾಣಿಸಿಕೊಳ್ಳುವುದು ಸರಿಯಲ್ಲ ಎಂದು ಸ್ನೇಹಿತರು ಹೇಳಿದರು ಎಂದಿದ್ದಾರೆ.

ಹಾಡು ರಿಲೀಸ್‌ ಆಗುವ ವೇಳೆ ನಟಿಯ ವಿಚ್ಚೇದನವಾಗಿತ್ತು.ʼ ಸೂಪರ್ ಡಿಲಕ್ಸ್ʼ ಸಿನಿಮಾದಲ್ಲಿ ನಟಿಸಲು ಪ್ರೋತ್ಸಾಹಿಸಿದ ಸ್ನೇಹಿತರು. ಐಟಂ ಹಾಡಿನಲ್ಲಿ ಕಾಣಿಸಿಕೊಳ್ಳಬೇಡ ಎಂದರು. ಎಲ್ಲವನ್ನೂ ಎದುರಿಸಿ ನಾನು ಹಾಡಿನಲ್ಲಿ ಕಾಣಿಸಿಕೊಂಡೆ. ನನ್ನ ಸಂಬಂಧವನ್ನು ಉಳಿಸಲು ಶೇ.100 ರಷ್ಟು ನಾನು ಪ್ರಯತ್ನ ಮಾಡಿದೆ ಆದರೆ ಅದು ಆಗಿಲ್ಲ. ನಾನೇನು ತಪ್ಪು ಮಾಡಿಲ್ಲ ಅಂದರೆ  ನಾನ್ಯಾಕೆ ಮರೆಮಾಚಿ ಇರಬೇಕು ಎಂದು ನಟಿ ಹೇಳಿದ್ದಾರೆ.

ಈ ಹಿಂದೆಯೂ ಸಮಂತಾ ʼಊ ಅಂಟವಾʼ ಹಾಡು ಗಂಡನಿಂದ ದೂರವಾದ ಬಗ್ಗೆ ಕಾಫಿ ವಿತ್‌ ಕರಣ್‌ʼ ಕಾರ್ಯಕ್ರಮದಲ್ಲಿ ಮಾತನಾಡಿದ್ದರು.