ಸೆಲ್ಫಿ ಕ್ಲಿಕ್ಕಿಸಲು ಬಂದ ಅಭಿಮಾನಿಯನ್ನು ತಳ್ಳಿದ ಶಾರುಖ್ ; Viral Video 

Team Udayavani, May 3, 2023, 5:48 PM IST

ಬಾಲಿವುಡ್ ಸೂಪರ್‌ಸ್ಟಾರ್ ಇಲ್ಲಿನ ವಿಮಾನ ನಿಲ್ದಾಣದಿಂದ ಹೊರನಡೆಯುತ್ತಿರುವಾಗ ನಟನೊಂದಿಗೆ ಸೆಲ್ಫಿ ಕ್ಲಿಕ್ಕಿಸಲು ಪ್ರಯತ್ನಿಸಿದಾಗ ಒಳನುಗ್ಗಿದ ಅಭಿಮಾನಿಯ ಕೈಯನ್ನು ದೂರ ತಳ್ಳುತ್ತಿರುವ ವಿಡಿಯೋ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡ ನಂತರ ಶಾರುಖ್ ಖಾನ್ ಬುಧವಾರ ಸುದ್ದಿಯಾಗಿದ್ದಾರೆ.

ಶಾರುಖ್ ಖಾನ್ ಅವರು ತಮ್ಮ ಮ್ಯಾನೇಜರ್ ಪೂಜಾ ದದ್ಲಾನಿ ಮತ್ತು ಅಂಗರಕ್ಷಕರೊಂದಿಗೆ ವಿಮಾನ ನಿಲ್ದಾಣದಿಂದ ಹೊರಡುತ್ತಿದ್ದಾಗ ಅಭಿಮಾನಿಗಳು ಮತ್ತು ನೋಡುಗರು ಅವರನ್ನು ಭೇಟಿಯಾಗಲು ಗುಂಪುಗೂಡಿದರು.

After trying to take a selfie with him, actor Shah Rukh Khan throws his fan’s phone by pushing him!

Arrogance Level At Peak!
You make him a king – You make him a hero – You watch his films and what are the results? pic.twitter.com/3K4xeVo9Qf

— ADV. ASHUTOSH J. DUBEY 🇮🇳 (@AdvAshutoshBJP) May 3, 2023

ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹರಿದಾಡುತ್ತಿರುವ ವಿಡಿಯೋಗಳ ಪ್ರಕಾರ, ಶಾರುಖ್ ಅವರು ವಿಮಾನ ನಿಲ್ದಾಣದಿಂದ ನಿರ್ಗಮಿಸುವಾಗ ಪ್ರೇಕ್ಷಕರಿಗೆ ಫ್ಲೈಯಿಂಗ್ ಕಿಸ್ ನೀಡಿದ್ದಾರೆ.

ಕಪ್ಪು-ಬಿಳುಪು ಉಡುಪನ್ನು ಧರಿಸಿದ ವ್ಯಕ್ತಿಯೊಬ್ಬ ತ್ವರಿತವಾಗಿ ತನ್ನ ಫೋನ್ ತೆಗೆದುಕೊಂಡು ನಟನೊಂದಿಗೆ ಸೆಲ್ಫಿ ಕ್ಲಿಕ್ಕಿಸಲು ಪ್ರಾರಂಭಿಸಿದರು, ಈ ವೇಳೆ ವ್ಯಕ್ತಿಯ ಕೈಯನ್ನು ತಳ್ಳಿ ಸೆಲ್ಫಿ ಕ್ಲಿಕ್ಕಿಸುವುದನ್ನು ತಪ್ಪಿಸಿದ್ದಾರೆ. ಶಾರುಖ್ ಅವರ ಭದ್ರತಾ ತಂಡವು ಆ ವ್ಯಕ್ತಿಯನ್ನು ನಟನ ಹತ್ತಿರ ಬರದಂತೆ ತಡೆಯಿತು.

ಶಾರುಖ್ ಖಾನ್ ಅವರಿಗೆ ಪಠಾಣ್ ಚಿತ್ರದ ಯಶಸ್ಸು ತಲೆಗೆ ಏರಿ ಹೋಗಿದೆ. ಒಂದು ಹಿಟ್ ನ ಅಮಲು ಏರಿದೆ. ಸೆಲ್ಫಿ ತೆಗೆದುಕೊಳ್ಳಲು ಪ್ರಯತ್ನಿಸುತ್ತಿರುವಾಗ ವಿಮಾನ ನಿಲ್ದಾಣದ ಅಧಿಕಾರಿಯನ್ನು ತಳ್ಳಿದ್ದಾರೆ ಇದರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕು. ಸೊಕ್ಕಿನ ತಾರೆ” ಎಂದು ಹಲವು ಟ್ವೀಟ್ ಗಳ ಮೂಲಕ ಆಕ್ರೋಶ ಹೊರ ಹಾಕಿದ್ದಾರೆ.

ಶಾರುಖ್ ಎಲ್ಲಿಂದ ಹಿಂದಿರುಗುತ್ತಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ. ಅವರು ಮುಂಬರುವ ಚಿತ್ರ “ಡಂಕಿ” ಗಾಗಿ ಕಳೆದ ವಾರ ಶ್ರೀನಗರದಲ್ಲಿ ಚಿತ್ರೀಕರಣ ನಡೆಸುತ್ತಿದ್ದರು. ಟ್ವಿಟರ್‌ನಲ್ಲಿ ಅವರ ಅಧಿಕೃತ ಅಭಿಮಾನಿಗಳ ಕ್ಲಬ್ ಹಂಚಿಕೊಂಡ ಚಿತ್ರಗಳ ಪ್ರಕಾರ, ನಟ ದೋಹಾದಿಂದ ಪ್ರಯಾಣ ಬೆಳೆಸಿದಂತೆ ಕಾಣುತ್ತಿದೆ.