ಕನ್ನಡದಲ್ಲಿ ತೆರೆ ಕಾಣಲಿದೆ ಹಾಲಿವುಡ್ ‘ಶಾಂಗ್-ಚಿ’ ಸಿನಿಮಾ

Team Udayavani, Aug 20, 2021, 5:58 PM IST

ಇತ್ತೀಚಿಗೆ ಪರಭಾಷೆ ಸಿನಿಮಾಗಳೂ ಕನ್ನಡಕ್ಕೆ ಡಬ್ ಆಗಿ ಬಿಡುಗಡೆ ಕಾಣುತ್ತಿವೆ. ಇದೀಗ ಮತ್ತೊಂದು ಹಾಲಿವುಡ್ ಸಿನಿಮಾ ಕನ್ನಡ ಭಾಷೆಗೆ ಡಬ್ ಆಗಿ ತೆರೆ ಕಾಣಲು ಸಜ್ಜಾಗಿದೆ.

ಪ್ರಸಿದ್ಧ ಸಿನಿಮಾ ನಿರ್ಮಾಣ ಸಂಸ್ಥೆ ಮಾರ್ವೆಲ್ ಸ್ಟುಡಿಯೋಸ್‌ ನಿರ್ಮಿಸಿರುವ ‘ಶಾಂಗ್-ಚಿ’ ಇದೆ ಸೆಪ್ಟೆಂಬರ್ 3 ಬಿಡುಗಡೆಯಾಗಲಿದೆ. ವಿಶೇಷ ಏನಂದರೆ ಈ ಚಿತ್ರ ಕನ್ನಡ ಸೇರಿದಂತೆ ಇಂಗ್ಲಿಷ್, ಹಿಂದಿ ಮತ್ತು ತೆಲುಗು ಭಾಷೆಗಳಲ್ಲಿ ತೆರೆ ಕಾಣಲಿದೆ.

ಈ ಸಿನಿಮಾದಲ್ಲಿ ಸಿಮು ಲಿಯು, ಆಕ್ವಾಫಿನಾ, ಮೆಂಗೀರ್ ಜಾಂಗ್, ಫಲಾ ಚೆನ್, ಫ್ಲೋರಿಯನ್ ಮುಂಟೇನು, ಬೆನೆಡಿಕ್ಟ್ ವಾಂಗ್, ಯುಯೆನ್ ವಾ, ರೋನಿ ಚಿಯೆಂಗ್, ಝಾಕ್ ಚೆರ್ರಿ, ಡಲ್ಲಾಸ್ ಲಿಯು, ಮಿಕ್  ಯೋಹ್ ಮತ್ತು ಟೋನಿ ಲೆಯುಂಗ್ ಮುಂತಾದವರು ಅಭಿನಯಿಸಿದ್ದಾರೆ.

ಮಾರ್ವೆಲ್ ಸ್ಟುಡಿಯೋಸ್ ನ “ಶಾಂಗ್-ಚಿ ಮತ್ತು ಲೆಂಡ್ ಲೆಜೆಂಡ್ ಆಫ್ ದಿ ಟೆನ್ ರಿಂಗ್ಸ್” ನಲ್ಲಿ ಸಿಮು ಲಿಯು ಶಾಂಗ್-ಚಿ ಆಗಿ ನಟಿಸಿದ್ದಾರೆ, ಅವರು ನಿಗೂಢವಾದ ಟೆನ್ ರಿಂಗ್ಸ್ ಒಳಗಿನ ಜಾಲಕ್ಕೆ ಸಿಲುಕಿದಾಗ ಅವರು ಅನುಭವಿಸಿದ ಘಟನಾವಳಿಗಳೇ ಚಿತ್ರದ ಕಥಾವಸ್ತು.

ಇನ್ನು ಸಾಂಗ್ ಚಿ ಚಿತ್ರವನ್ನು ಡೆಸ್ಟಿನ್ ಡೇನಿಯಲ್ ಕ್ರೆಟನ್ ನಿರ್ದೇಶಿಸಿದ್ದಾರೆ.    ಕೆವಿನ್ ಫೀಗೆ ಮತ್ತು ಜೊನಾಥನ್ ಶ್ವಾರ್ಟ್ಜ್ ನಿರ್ಮಿಸಿದ್ದಾರೆ.