‘Salaar’ ಸಿನಿಮಾದ ಮೊದಲ ಟಿಕೆಟ್‌ ಖರೀದಿಸಿದ ‘ಬಾಹುಬಲಿʼ ನಿರ್ದೇಶಕ ರಾಜಮೌಳಿ

Team Udayavani, Dec 16, 2023, 3:46 PM IST

ಹೈದರಾಬಾದ್: ಬಿಗೆಸ್ಟ್‌ ಪ್ಯಾನ್‌ ಇಂಡಿಯಾ ʼಸಲಾರ್‌ʼ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಅಡ್ವಾನ್ಸ್‌ ಟಿಕೆಟ್‌ ಬುಕಿಂಗ್‌ ಖರೀದಿಗೆ ಜನ ಕಾಯುತ್ತಿದ್ದಾರೆ.

ಪ್ರಭಾಸ್‌ – ಪ್ರಶಾಂತ್‌ ನೀಲ್‌ ಕಾಂಬಿನೇಷನ್‌ ನಲ್ಲಿ ಮೂಡಿಬರುತ್ತಿರುವ ʼಸಲಾರ್‌ʼ ರಿಲೀಸ್‌ ಗೆ ದಿನ ಸಮೀಪವಾಗುತ್ತಿದ್ದಂತೆ ಚಿತ್ರತಂಡ ಭರ್ಜರಿ ಪ್ರಚಾರದಲ್ಲಿನ ನಿರತವಾಗಿದೆ. ಇತ್ತೀಚೆಗೆ ಹೈದರಾಬಾದ್ ನಲ್ಲಿ ಪ್ರಚಾರದ ಅಂಗವಾಗಿ ಕಾರ್ಯಕ್ರಮವನ್ನು ಆಯೋಜಿಸಿತು.

ಈ ಕಾರ್ಯಕ್ರಮದಲ್ಲಿ ನಿರ್ದೇಶಕ ಪ್ರಶಾಂತ್‌ ನೀಲ್‌ , ಪ್ರಭಾಸ್‌, ಪೃಥ್ವಿರಾಜ್‌ ಜೊತೆ ದಕ್ಷಿಣ ಭಾರತದ ಖ್ಯಾತ ನಟ ರಾಜಮೌಳಿ ಅವರು ಭಾಗಿಯಾಗಿದ್ದಾರೆ.

ರಾಜಮೌಳಿ ಅವರು ಕಾರ್ಯಕ್ರಮದಲ್ಲಿ ಭಾಗಿಯಾಗುವುದರ ಜೊತೆ ʼಸಲಾರ್‌ʼ ಸಿನಿಮಾದ ಮೊದಲ ಟಿಕೆಟ್‌ ನ್ನು ಖರೀದಿಸಿದ್ದಾರೆ. ಈ ಫೋಟೋವನ್ನು ಮೈತ್ರಿ ಮೂವೀ ಮೇಕರ್ಸ್ ಟ್ವಿಟರ್‌ ನಲ್ಲಿ ಹಂಚಿಕೊಂಡಿದ್ದಾರೆ.

“ಭಾರತೀಯ ಸಿನಿಮಾದ ಹೆಮ್ಮೆ ರಾಜಮೌಳಿ ಅವರು ತಂಡ ಮತ್ತು ನಿರ್ಮಾಪಕ ನವೀನ್ ಯೆರ್ನೆನ್ ಅವರಿಂದ ನಿಜಾಮ್‌ನಲ್ಲಿ ಭಾರತದ ಅತಿದೊಡ್ಡ ಆ್ಯಕ್ಷನ್ ಫಿಲ್ಮ್ ʼಸಲಾರ್‌ʼನ ಮೊದಲ ಟಿಕೆಟ್ ನ್ನು ಖರೀದಿಸಿದ್ದಾರೆ” ಎಂದು ಬರೆದುಕೊಂಡಿದೆ.

ʼಸಲಾರ್ʼನಲ್ಲಿ ಪ್ರಭಾಸ್, ಪೃಥ್ವಿರಾಜ್, ಜಗಪತಿ ಬಾಬು ಮತ್ತು ಶ್ರುತಿ ಹಾಸನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದೇ ಡಿ.22 ರಂದು ಸಿನಿಮಾ ತೆರೆ ಕಾಣಲಿದೆ.

THE PRIDE OF INDIAN CINEMA @ssrajamouli buys the first ticket of INDIA’S BIGGEST ACTION FILM #Salaar in Nizam from the team and producer #NaveenYerneni ❤️‍🔥

Nizam Release by @MythriOfficial 💥

Bookings open very soon in a grand manner with some Massive Celebrations 😎🔥… pic.twitter.com/d75n500YwS

— Mythri Movie Makers (@MythriOfficial) December 16, 2023