ಅಮೆರಿಕಾದಲ್ಲಿ ದೇವರನ್ನು ಭೇಟಿಯಾದ ರಾಜಮೌಳಿ..! ಮುಂದಿನ ಸಿನಿಮಾಕ್ಕೆ ಇವರ ಕಥೆಯೇ ಸ್ಪೂರ್ತಿ

Team Udayavani, Jan 14, 2023, 10:26 AM IST

ವಾಷಿಂಗ್ಟನ್‌ : ಭಾರತಕ್ಕೆ ಪ್ರತಿಷ್ಠಿತ ಗ್ಲೋಲ್ಡನ್‌ ಗ್ಲೋಬ್‌ ಅವಾರ್ಡ್‌ ತಂದುಕೊಟ್ಟ ʼಆರ್‌ ಆರ್‌ ಆರ್‌ʼ ಚಿತ್ರದ ʼನಾಟು ನಾಟುʼ ಹಾಡು ಇದೀಗ ವಿದೇಶಿ ಮಂದಿಯಲ್ಲೂ ಮೋಡಿ ಮಾಡಿದೆ.

80ನೇ ಗೋಲ್ಡನ್ ಗ್ಲೋಬ್‌ ಅವಾರ್ಡ್ಸ್‌ ನಲ್ಲಿ ಬೆಸ್ಟ್‌ ಒರಿಜಿನಲ್‌ ಸಾಂಗ್‌ ವಿಭಾಗದಲ್ಲಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದು, ಈ ವೇಳೆ ಸಂತಸವನ್ನು ಹಂಚಿಕೊಂಡು ನಿರ್ದೇಶಕ ರಾಜಮೌಳಿ ಅವರು ʼಆರ್‌ ಆರ್‌ ಆರ್‌ʼ ಪಾರ್ಟ್‌ -2 ಮಾಡುವ ಬಗ್ಗೆಯೂ ಮಾತಾನಾಡಿದ್ದರು.

ಬಾಹುಬಲಿ ಸರಣಿಯಂತಹ ಐತಿಹಾಸಿಕ ಸಿನಿಮಾಗಳನ್ನು ಕೊಟ್ಟಿರುವ ರಾಜಮೌಳಿ ತನ್ನ ಮೆಚ್ಚಿನ ನಿರ್ದೇಶಕರನ್ನು ಭೇಟಿಯಾಗಿದ್ದಾರೆ.

ಇದನ್ನೂ ಓದಿ: ಕಾಂಗ್ರೆಸ್ ಭಾರತ್‌ ಜೋಡೋ‌ ಯಾತ್ರೆಯಲ್ಲಿ ಕುಸಿದು ಬಿದ್ದು ಸಂಸದ ಮೃತ್ಯು

ಹಾಲಿವುಡ್‌ ನಲ್ಲಿ ಮಾಸ್ಟರ್ ಆಫ್‌ ಸ್ಟೋರಿ ಟೇಲಿಂಗ್‌ ಎಂದೇ ಖ್ಯಾತರಾಗಿರುವ ನಿರ್ದೇಶಕ ಸ್ಟೀವನ್ ಸ್ಪೀಲ್ಬರ್ಗ್ (Steven Spielberg) ಅವರನ್ನು ರಾಜಮೌಳಿ ಗೋಲ್ಡನ್‌ ಗ್ಲೋಬ್‌ ಅವಾರ್ಡ್‌ ನಲ್ಲಿ ಭೇಟಿಯಾಗಿರುವ ಫೋಟೋವನ್ನು ಹಂಚಿಕೊಂಡು, “ನಾನು ದೇವರನ್ನು ಭೇಟಿಯಾದೆ” ಎಂದು ಬರೆದುಕೊಂಡಿದ್ದಾರೆ.

ಸ್ಟೀವನ್ ಸ್ಪೀಲ್ಬರ್ಗ್ ಹಾಲಿವುಡ್‌ ನಲ್ಲಿ ʼ ಇಂಡಿಯಾನಾ ಜೋನ್ಸ್ʼ ಸರಣಿಯ ಸಿನಿಮಾಗಳಲ್ಲಿ ಖ್ಯಾತನಾಮರಾದವರು. ‘ಜಾವಸ್‌ʼ (Jaws), ʼಜುರಾಸಿಕ್ ಪಾರ್ಕ್ʼ(Jurassic Park) ,ʼ ಕಲರ್ ಪರ್ಪಲ್ʼ(The Color Purple), ʼವೆಸ್ಟ್‌ ಸೈಡ್‌ ಸ್ಟೋರಿʼ, (West Side Story) ಹೀಗೆ ನೂರಕ್ಕೂ ಹೆಚ್ಚಿನ ಸಿನಿಮಾಗಳನ್ನು ಮಾಡಿದ್ದಾರೆ.

2023 ಗೋಲ್ಡನ್‌ ಗ್ಲೋಬ್‌ ನಲ್ಲಿ ʼದಿ ಫ್ಯಾಬೆಲ್‌ಮ್ಯಾನ್ಸ್ʼ ಸಿನಿಮಾಕ್ಕಾಗಿ ಬೆಸ್ಟ್‌ ಡೈರೆಕ್ಟರ್‌ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ.

ಮಹೇಶ್‌ ಬಾಬು ಅವರೊಂದಿಗೆ ರಾಜಮೌಳಿ ಮಾಡುತ್ತಿರುವ ಸಿನಿಮಾಕ್ಕೆ ಖ್ಯಾತರಾಗಿರುವ ಸ್ಟೀವನ್ ಸ್ಪೀಲ್ಬರ್ಗ್ ಅವರ ʼಇಂಡಿಯಾನಾ ಜೋನ್ಸ್ʼ ಸಿನಿಮಾವೇ ಸ್ಫೂರ್ತಿಯಾಗಲಿದೆ ಎಂದು ರಾಜಮೌಳಿ ಅವರು ಈ ಹಿಂದೆ ಹೇಳಿದ್ದರು.