ತಾಪ್ಸಿಯ ‘ಥಪ್ಪಡ್’ ಫರ್ಸ್ಟ್ ಲುಕ್ ರಿಲೀಸ್ ; ಕ್ಯಾಚಿಯಾಗಿದೆ ಪನ್ನು ಎಕ್ಸ್ ಪ್ರೆಶನ್

Team Udayavani, Jan 30, 2020, 4:37 PM IST

ಮುಂಬಯಿ: ಪ್ರತಿಭಾವಂತ ನಟಿ ತಾಪ್ಸಿ ಪನ್ನು ಅವರ ಮುಂಬರುವ ಚಿತ್ರ ‘ಥಪ್ಪಡ್’ನ ಮೊದಲ ಪೋಸ್ಟರ್ ಇಂದು ರಿಲೀಸ್ ಆಗಿದೆ. ಅದರಲ್ಲಿ ತಾಪ್ಸಿ ಅವರ ‘ಎಕ್ಸ್ ಪ್ರೆಶನ್’ ಚಿತ್ರಪ್ರೇಮಿಗಳ ಗಮನ ಸೆಳೆಯುವಂತಿದೆ.

ಈ ಚಿತ್ರವನ್ನು ‘ಆರ್ಟಿಕಲ್ 15’ ಚಿತ್ರವನ್ನು ನಿರ್ದೇಶಿಸಿ ಗಮನ ಸೆಳೆದಿದ್ದ ಅನುಭವ್ ಸಿನ್ಹಾ ಅವರು ನಿರ್ದೇಶಿಸುತ್ತಿದ್ದಾರೆ. ತಾಪ್ಸಿ ಈ ಹಿಂದೆ ಅನುಭವ್ ಜೊತೆ ‘ಮುಲ್ಕ್’ ಚಿತ್ರದಲ್ಲಿ ಕೆಲಸ ಮಾಡಿದ್ದರು.

ತಾಪ್ಸಿ ಪನ್ನು ಅವರ ಕ್ಲೋಸಪ್ ಹೊಂದಿರುವ ಮತ್ತು ಎಡ ಕೆನ್ನೆ ಮೇಲೆ ಕೈ ಏಟಿನ ಗುರುತಿರುವ ಈ ಫರ್ಸ್ಟ್ ಲುಕ್ ‘ಥಪ್ಪಡ್’ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚುವಂತೆ ಮಾಡಿದೆ. ಥಪ್ಪಡ್ ಅಂದರೆ ಕನ್ನಡದಲ್ಲಿ ‘ಪೆಟ್ಟು’, ‘ಏಟು’ ಎಂದರ್ಥ.

ಥಪ್ಪಡ್ ಚಿತ್ರದ ಫರ್ಸ್ಟ್ ಲುಕ್ ಅನ್ನು ಚಿತ್ರ ವಿಮರ್ಶಕ ಮತ್ತು ವ್ಯವಹಾರ ವಿಶ್ಲೇಷಕ ತರಣ್ ಆದರ್ಶ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಥಪ್ಪಡ್ ಚಿತ್ರದ ಟ್ರೈಲರ್ ನಾಳೆ ಬಿಡುಗಡೆಯಾಗಲಿದೆ. ತಾಪ್ಸಿ ಪನ್ನು ಹಾಗೂ ಪವೈಲ್ ಗುಲ್ಹಾಟಿ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಈ ಚಿತ್ರ ಫೆಬ್ರವರಿ 28ಕ್ಕೆ ಈ ಚಿತ್ರ ತೆರೆಕಾಣಲಿದೆ.

ಈ ಚಿತ್ರವನ್ನು ಭೂಶಣ್ ಕುಮಾರ್, ಕೃಶಣ್ ಕುಮಾರ್ ಮತ್ತು ಅನುಭವ್ ಸಿನ್ಹಾ ಅವರು ನಿರ್ಮಿಸಿದ್ದಾರೆ.

Trailer out tomorrow… #TaapseePannu… First look poster of Anubhav Sinha’s new film #Thappad… Produced by Bhushan Kumar, Krishan Kumar and Anubhav Sinha… 28 Feb 2020 release. pic.twitter.com/hYPGedRka6

— taran adarsh (@taran_adarsh) January 30, 2020