Tamannaah Bhatia: ಮದುವೆಗೆ ಪೋಷಕರ ಒತ್ತಡ; ಶೀಘ್ರದಲ್ಲಿ ತಮನ್ನಾ – ವಿಜಯ್‌ ಕಲ್ಯಾಣ?

Team Udayavani, Nov 15, 2023, 2:34 PM IST

ಮುಂಬಯಿ: ಬಿಟೌನ್‌ ನಲ್ಲಿ ಕಳೆದ ಕೆಲ ಸಮಯದಿಂದ ಲವ್‌ ಬರ್ಡ್ಸ್‌ ಆಗಿ ಸುದ್ದಿಯಲ್ಲಿರುವ ತಮನ್ನಾ ಭಾಟಿಯಾ ಮತ್ತು ವಿಜಯ್ ವರ್ಮಾ ಅವರು ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿಯೊಂದು ಸಿನಿವಲಯದಲ್ಲಿ ಹರಿದಾಡಿದೆ.

ತಮ್ಮಿಬ್ಬರ ಸಂಬಂಧ ಬಗ್ಗೆ ಮೀಡಿಯಾ ಮುಂದೆ ತಮನ್ನಾ ಹಾಗೂ ವಿಜಯ್‌ ವರ್ಮಾ ಮಾತನಾಡಿದ್ದರು. ಅಂದಿನಿಂದ  ಇಬ್ಬರು ಅನೇಕ ಕಡೆ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಕೈ, ಕೈ ಹಿಡಿದುಕೊಂಡು ಸಾರ್ವಜನಿಕವಾಗಿ ಪೋಸ್‌ ನೀಡಿದ್ದಾರೆ. ‘ಲಸ್ಟ್ ಸ್ಟೋರೀಸ್ 2’ ನಲ್ಲಿ ಬೋಲ್ಡ್‌ ಆಗಿ ಇಬ್ಬರು ಕಾಣಿಸಿಕೊಂಡಿದ್ದರು.

ಇದೀಗ ಟಾಲಿವುಡ್‌ ವಲಯದಲ್ಲಿ ತಮನ್ನಾ ಅವರ ಮದುವೆ ಸುದ್ದಿ ಹರಿದಾಡುತ್ತಿದೆ. ತಮನ್ನಾ ಅವರ ಮನೆಯಲ್ಲಿ ಪೋಷಕರು ಮದುವೆ ಆಗುವಂತೆ ಹೇಳುತ್ತಿದ್ದಾರೆ. ಮದುವೆ ಆಗು ಎಂದು ಒತ್ತಡ ಹಾಕುತ್ತಿದ್ದಾರೆ. ಇತ್ತ ತಮನ್ನಾ ಹಾಗೂ ವಿಜಯ್‌ ಕೂಡ ಮದುವೆ ಬಗ್ಗೆ ಯೋಚಿಸುತ್ತಿದ್ದಾರೆ ಎಂದು ಟಾಲಿವುಡ್‌ ವೆಬ್‌ ಸೈಟ್‌ ಗಳು ವರದಿ ಮಾಡಿವೆ.

ಶೀಘ್ರದಲ್ಲಿ ಇಬ್ಬರು ಮದುವೆ ಆಗಲಿದ್ದಾರೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ: Viral Video: ಸೆಲ್ಫಿಗಾಗಿ ಬಂದಾತನ ತಲೆಗೆ ಹೊಡೆದ ನಾನಾ ಪಾಟೇಕರ್

ನಟಿ ತಮನ್ನಾ ಇತ್ತೀಚೆಗೆ ಯಾವ ಸಿನಿಮಾವನ್ನು ಕೂಡ ಒಪ್ಪುತ್ತಿಲ್ಲ. ʼಭೋಲಾ ಶಂಕರ್‌ʼ ಬಳಿಕ ʼಜೈಲರ್‌ʼ ಸಿನಿಮಾದ ʼಕಾವಾಲಾʼ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಆ ಬಳಿಕ ಯಾವ ಸಿನಿಮಾವನ್ನು ಒಪ್ಪಿಲ್ಲ. ನಟಿ ಇತ್ತೀಚೆಗೆ ಅಭಿಷೇಕ್ ಬ್ಯಾನರ್ಜಿ ಜೊತೆಗೆ ‘ಆಖ್ರಿ ಸಚ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.

“ನೀವು ಮದುವೆಯಾಗಲು ಬಯಸಿದಾಗ ನೀವು ಮದುವೆಯಾಗಬೇಕು ಎಂದು ನಾನು ಭಾವಿಸುತ್ತೇನೆ. ಮದುವೆ ಒಂದು ದೊಡ್ಡ ಜವಾಬ್ದಾರಿ. ಇದು ಪಾರ್ಟಿಯಲ್ಲ” ಎಂದು ಈ ಹಿಂದೆ ತಮನ್ನಾ ಮದುವೆ ಬಗ್ಗೆ ಹೇಳಿದ್ದರು.