ಬಾಕ್ಸಾಫೀಸಿನಲ್ಲಿ ‘ತಾನಾಜಿ’ಗಿಲ್ಲ ತಡೆ ; ಅಜಯ್ ಚಿತ್ರದ ಗಳಿಕೆ 266 ಕೋಟಿ

Team Udayavani, Feb 10, 2020, 8:20 PM IST

ಮುಂಬಯಿ: ಅಜಯ್ ದೇವಗನ್ ಅವರ ನೂರನೇ ಚಿತ್ರ ‘ತಾನಾಜಿ: ದಿ ಅನ್ ಸಂಗ್ ವಾರಿಯರ್’ ಬಾಕ್ಸಾಫೀಸಿನಲ್ಲಿ ದಾಖಲೆಗಳ ಮೇಲೆ ದಾಖಲೆಗಳನ್ನು ಸೃಷ್ಟಿಸುತ್ತಿದೆ. ಅಜಯ್ ದೇವಗನ್, ಸೈಫ್ ಆಲಿ ಖಾನ್, ಕಾಜಲ್ ಮತ್ತು ಶರದ್ ಖೇಲ್ಕರ್ ಮುಖ್ಯ ಭೂಮಿಕೆಯಲ್ಲಿರುವ ಈ ಐತಿಹಾಸಿಕ ಚಿತ್ರ ತಾನಾಜಿ ಬಿಡುಗಡೆಗೊಂಡ ಐದನೇ ವಾರದ ವೀಕೆಂಡ್ ನಲ್ಲೂ ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಗಳಿಕೆಯಲ್ಲಿ ಅದೇ ವೇಗವನ್ನು ಕಾಯ್ದುಕೊಂಡಿದೆ.

#Tanhaji is a lottery… Solid trending in Weekend 5… Likely to challenge *lifetime biz* of #KabirSingh… Difficult to guesstimate *lifetime biz* of #Tanhaji, since it refuses to slow down… [Week 5] Fri 1.15 cr, Sat 2.76 cr, Sun 3.45 cr. Total: ₹ 266.88 cr. #India biz.

— taran adarsh (@taran_adarsh) February 10, 2020

ಐದನೇ ವಾರದಲ್ಲೂ ವಾರಾಂತ್ಯದ ಮೂರು ದಿನಗಳ ಗಳಿಕೆಯಲ್ಲಿ ಮುನ್ನಡೆ ಸಾಧಿಸಿರುವುದು ತಾನಾಜಿಯ ವಿಶೇಷ. ಶುಕ್ರವಾರ 1.15 ಕೋಟಿ, ಶನಿವಾರ 2.76 ಕೋಟಿ ಮತ್ತು ಆದಿತ್ಯವಾರದಂದು 3.45 ಕೋಟಿ ರೂಪಾಯಿಗಳನ್ನು ಗಳಿಸಿರುವ ಈ ಬ್ಲಾಕ್ ಬಸ್ಟರ್ ಚಿತ್ರ ಇದುವರೆಗೂ ಒಟ್ಟಾರೆಯಾಗಿ 266.88 ಕೋಟಿ ರೂಪಾಯಿಗಳನ್ನು ಬಾಚಿಕೊಂಡಿದೆ.