ಸಲ್ಮಾನ್‌ ಖಾನ್‌ ‘ಟೈಗರ್‌ ಜಿಂದಾ ಹೈ’ ಈಗ 300 ಕೋಟಿಗೆ ನಿಕಟ

Team Udayavani, Jan 6, 2018, 7:25 PM IST

ಹೊಸದಿಲ್ಲಿ : ಬಾಲಿವುಡ್‌ ಸೂಪರ್‌ ಸ್ಟಾರ್‌ ಸಲ್ಮಾನ್‌ ಖಾನ್‌ ಮತ್ತು ಕತ್ರೀನಾ ಕೈಫ್ ನಟನೆಯ ‘ಟೈಗರ್‌ ಜಿಂದಾ ಹೈ’ ಚಿತ್ರ ಇದೀಗ 300 ಕೋಟಿ ರೂ. ಬಾಕ್ಸ್‌ ಆಫೀಸ್‌ ಗಳಿಕೆಗೆ ಅತ್ಯಂತ ನಿಕಟವಾಗಿದೆ. 

‘ಟೈಗರ್‌ ಜಿಂದಾ ಹೈ’ ಚಿತ್ರ ಬಿಡುಗಡೆಗೊಂಡ ಇಂದಿನ 16ನೇ ದಿನ ಇದರ ಬಾಕ್ಸ್‌ ಆಫೀಸ್‌ ಗಳಿಕೆ 295.27 ಕೋಟಿ ರೂ. ಆಗಿದೆ. ಬಹುಷಃ ಇಂದೇ ಅಥವಾ ಇನ್ನೊಂದು ದಿನದ ಒಳಗೆ ಅದು 300 ಕೋಟಿ ದಾಟುವುದು ಬಹುತೇಕ ಖಚಿತವಿದೆ ಎಂದು ಬಾಲಿವುಡ್‌ ಚಿತ್ರರಂಗ ವಿಶ್ಲೇಷಕ ಮತ್ತು ವಿಮರ್ಶಕ ತರಣ್‌ ಆದರ್ಶ್‌ ಹೇಳಿದ್ದಾರೆ. 

ಟೈಗರ್‌ ಜಿಂದಾ ಹೈ ಚಿತ್ರ 100 ಕೋಟಿ ದಾಟಿದ ಸಾಧನೆ ಮಾಡಿರುವ ಸಲ್ಮಾನ್‌ಖಾನ್‌ ಅವರ 12ನೇ ಬಾಲಿವುಡ್‌ ಚಿತ್ರವಾಗಿದೆ. 

ಈಗಿನ ಸ್ಥಿತಿ ನೋಡಿದರೆ ಟೈಗರ್‌ ಜಿಂದಾ ಹೈ ಚಿತ್ರ ಸಲ್ಮಾನ್‌ ಖಾನ್‌ ಅವರ ಈ ಹಿಂದಿನ ಬಜರಂಗಿ ಭಾಯಿಜಾನ್‌ (320.34 ಕೋಟಿ) ಮತ್ತು ಸುಲ್ತಾನ್‌ (300.45 ಕೋಟಿ) ಬಾಕ್ಸ್‌ ಆಫೀಸ್‌ ಗಳಿಕೆಯನ್ನು ಹಿಂದಿಕ್ಕುವ ಎಲ್ಲ ಲಕ್ಷಣಗಳು ಕಂಡು ಬರುತ್ತಿವೆ ಎಂದು ತರಣ್‌ ಆದರ್ಶ್‌ ಅಂದಾಜಿಸಿದ್ದಾರೆ.