Uorfi Javed: ಅವರು ನನ್ನ ನಗ್ನ ಫೋಟೋಗಳನ್ನು ಪೋಸ್ಟ್‌ ಮಾಡಿದ್ದರು.. ಆ ಘಟನೆ ನೆನೆದ ಉರ್ಫಿ

Team Udayavani, Aug 8, 2024, 12:40 PM IST

ಮುಂಬಯಿ:  ನಟಿ ಕಂ ಮಾಡೆಲ್‌ ಉರ್ಫಿ ಜಾವೇದ್ (Uorfi Javed) ಇಂಟರ್‌ ನೆಟ್‌ ಸದಾ ಒಂದಲ್ಲ ಒಂದು ಕಾರಣದಿಂದ ಸುದ್ದಿಯಲ್ಲಿರುತ್ತಾರೆ. ಹೆಚ್ಚಾಗಿ ತನ್ನ ಚಿತ್ರ ವಿಚಿತ್ರ ಕಾಸ್ಟ್ಯೂಮ್‌ ಗಳಿಂದಲೇ ಅವರು ಟ್ರೆಂಡ್‌ನಲ್ಲಿರುತ್ತಾರೆ.

ಕಿರುತೆರೆ, ರಿಯಾಲಿಟಿ ಶೋಗಳಲ್ಲಿ ಆರಂಭಿಕವಾಗಿ ಕಾಣಿಸಿಕೊಂಡ ಉರ್ಫಿ ಇಂದು ಬಿಟೌನ್‌ ಫ್ಯಾಷನ್‌ ಲೋಕದಲ್ಲಿ ಮುಂದುವರೆದಿದ್ದಾರೆ. ಮಾಡೆಲಿಂಗ್‌ ಲೋಕದಲ್ಲಿ  ಕಾಸ್ಟ್ಯೂಮ್‌ ಮೂಲಕವೇ ಸುದ್ದಿಯಾಗುವ ಉರ್ಫಿ, ಅದೇ ಕಾಸ್ಟ್ಯೂಮ್‌ಗಳಿಂದಲೇ ಅನೇಕ ಸಲ ಟ್ರೋಲ್‌ಗಳಿಗೆ ಆಹಾರವಾಗಿದ್ದಾರೆ.

ಟ್ರೋಲ್‌ಗಳಿಗೆ ಕ್ಯಾರೇ ಮಾಡದೇ, ದಿಟ್ಟತನದಿಂದಲೇ  ಅವುಗಳನ್ನು ಎದುರಿಸಿದ್ದಾರೆ. ಸಂದರ್ಶನವೊಂದರಲ್ಲಿ ಉರ್ಫಿ ಹಿಂದಿನ ಕರಾಳ ಘಟನೆಯೊಂದರ ಬಗ್ಗೆ ಮಾತನಾಡಿದ್ದಾರೆ.

ಸಾಕ್ಷಿ ಶಿವದಾಸನಿ ಮತ್ತು ನೈನಾ ಭಾನ್ ಅವರೊಂದಿಗೆ ಸಂದರ್ಶನದಲ್ಲಿ ಮಾತನಾಡಿರುವ ಅವರು, “ನಾನು ಯಾರೊಂದಿಗೂ ಈ ಬಗ್ಗೆ ಹೆಚ್ಚು ಮಾತನಾಡಿಲ್ಲ. ಇದು ಕೋವಿಡ್‌ ಬಳಿಕ ನಡೆದ ಘಟನೆ. ಯಾರೋ ನನ್ನ ಸ್ನ್ಯಾಪ್‌ ಚಾಟ್‌ ಖಾತೆಯನ್ನು ಹ್ಯಾಕ್‌ ಮಾಡಿ, ಮೆಮೋರಿಸ್‌ ನಲ್ಲಿದ್ದ ನನ್ನ ನಗ್ನ ಫೋಟೋಗಳನ್ನು ತೆಗೆದಿದ್ದರು. ಇದು ನನ್ನ ತಪ್ಪು, ನಾನು ಆ ಬಗ್ಗೆ ಹೆಚ್ಚು ಗಮನ ಹರಿಸಲಿಲ್ಲ. ಆ ಫೋಟೋಗಳನ್ನು ಯಾರೋ ಸ್ಟೋರಿಯಲ್ಲಿ ಪೋಸ್ಟ್‌ ಮಾಡಿದ್ದರು. ನಾನು ತಕ್ಷಣ ಅದನ್ನು ಡಿಲೀಟ್‌ ಮಾಡಿದ್ದೆ. ಆದರೆ ಆದಾಗಲೇ ಆ ಫೋಟೋವನ್ನು ಸ್ಕ್ರೀನ್‌ ಶಾಟ್‌ ತೆಗೆದು ವೈರಲ್‌ ಮಾಡಲಾಗಿತ್ತು” ಎಂದು ಉರ್ಫಿ ಹೇಳಿದ್ದಾರೆ.

ಇತ್ತೀಚೆಗೆ ಉರ್ಫಿ ಏಕ್ತಾ ಕಪೂರ್ ಅವರ ʼಲವ್ ಸೆಕ್ಸ್ ಔರ್ ಧೋಖಾ 2ʼ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಇದಲ್ಲದೆ ಎಂಟಿವಿಯ ಸ್ಪ್ಲಿಟ್ಸ್ವಿಲ್ಲಾ X5 (Splitsvilla X5) ನಲ್ಲಿ ‘ಮಿಸ್ಚೀಫ್ ಮೇಕರ್’ ಆಗಿ ಕಾಣಿಸಿಕೊಂಡಿದ್ದರು.