Uorfi Javed: ಕ್ಯಾನ್ಸರ್‌ ರೋಗಿಗಳಿಗೆ ಧನ ಸಹಾಯ ಮಾಡಲು ಹೊಟೇಲ್‌ನಲ್ಲಿ ವೇಟರ್‌ ಆದ ಉರ್ಫಿ

Team Udayavani, Dec 26, 2023, 5:52 PM IST

ಮುಂಬಯಿ: ತನ್ನ ಚಿತ್ರ – ವಿಚಿತ್ರ ಡ್ರೆಸ್ಸಿಂಗ್‌ ಸ್ಟೈಲ್‌ ಗಳಿಂದಲೇ ಸುದ್ದಿಯಾಗುವ ಇಂಟರ್‌ ನೆಟ್‌ ತಾರೆ ಉರ್ಫಿ ಜಾವೇದ್‌ ಮಾನವೀಯ ಗುಣಗಳಿಂದ  ಗಮನ ಸೆಳೆದಿದ್ದಾರೆ.

ಮಾಡೆಲಿಂಗ್‌ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿರುವ ಉರ್ಫಿ ಜಾವೇದ್‌ ಫ್ಯಾಷನ್‌ ಸಂಬಂಧಿತ ವಿಚಾರಗಳಿಂದ ಟ್ರೆಂಡ್ ಅಲ್ಲಿರುತ್ತಾರೆ. ತನ್ನ ತುಂಡುಗೆಯ ಬಟ್ಟೆಗಳಿಂದಲೇ ಗಮನ ಸೆಳೆಯುವ ಉರ್ಫಿ ಜಾವೇದ್‌ ಎಷ್ಟೋ ಸಲಿ ಬಟ್ಟೆಗಳ ವಿಚಾರದಿಂದಲೇ ಟೀಕೆಗೆ ಒಳಗಾಗಿದ್ದಾರೆ. ಆದರೆ ಅದ್ಯಾವುದಕ್ಕೂ ಹಿಂಜರಿಯದೆ ಉರ್ಫಿ ಫ್ಯಾಷನ್‌ ಲೋಕದಲ್ಲಿ ತನ್ನ ಛಾಪನ್ನು ಮುಂದುವರಸಿದ್ದಾರೆ.

ಇಷ್ಟು ದಿನ ಇಂಟರ್ ನೆಟ್ ನಲ್ಲಿ ತನ್ನ ಹಸಿಬಿಸಿ ಫೋಟೋಗಳಿಂದ ಸುದ್ದಿಯಾಗುತ್ತಿದ್ದ ಉರ್ಫಿ ಜಾವೇದ್‌ ಇದೀಗ ಮುಂಬಯಿಯ ರೆಸ್ಟೋರೆಂಟ್‌ ನಲ್ಲಿ ವೇಟರ್‌ ಆಗುವ ಮೂಲಕ ಗಮನ ಸೆಳೆದಿದ್ದಾರೆ. ಉರ್ಫಿ ರೆಸ್ಟೋರೆಂಟ್‌ ನಲ್ಲಿ ವೇಟರ್‌ ಆಗಿ ಗ್ರಾಹಕರ ಆರ್ಡರ್‌ ತೆಗೆದುಕೊಳ್ಳುವಾಗಿನ ವಿಡಿಯೋವನ್ನು ಇನ್ಸ್ಟಾಗ್ರಾಮ್‌ ನಲ್ಲಿ ಹಂಚಿಕೊಂಡಿದ್ದಾರೆ.

“ಕನಸು ನನಸಾಯಿತು! ಯಾವುದೇ ಕೆಲಸ ದೊಡ್ಡದು ಅಥವಾ ಚಿಕ್ಕದಾಗಿದೆನ್ನುವುದು ಅವರವರ ದೃಷ್ಟಿಕೋನಕ್ಕೆ ಸಂಬಂಧಿಸಿದೆ. ಕೆಲ ಗಂಟೆಗಳನ್ನು ವೇಟರ್‌ ಆಗಿ ಕಳೆದ. ಇದರಿಂದ ಬರುವ ಹಣವನ್ನು ಕ್ಯಾನ್ಸರ್ ರೋಗಿಗಳ ಸಹಾಯ ಸಂಘಕ್ಕೆ  ನೀಡಲು ಬಯಸಿದ್ದೇನೆ. ಇಂತಹ ಕಾರ್ಯಗಳನ್ನು ಮುಂದುವರಿಸಲು ಬದ್ಧವಾಗಿದ್ದೇನೆ” ಎಂದು ಉರ್ಫಿ ಬರೆದುಕೊಂಡಿದ್ದಾರೆ.

ಮಾಡೆಲ್‌ ಬಿಟ್ಟು ವೇಟರ್ ಆಗಿದ್ದೇಕೆ ಉರ್ಫಿ? : ಕ್ಯಾನ್ಸರ್ ರೋಗಿಗಳ ಸಹಾಯ ಸಂಘಕ್ಕೆ ಧನ ಸಹಾಯವನ್ನು ನೀಡುವ ನಿಟ್ಟಿನಲ್ಲಿ ಉರ್ಫಿ ವೇಟರ್‌ ಆಗಿ ರೆಸ್ಟೋರೆಂಟ್ ನಲ್ಲಿ ವೇಟರ್‌ ಆಗಿ ಕೆಲ ಗಂಟೆಗಳನ್ನು ಕಳೆದಿದ್ದಾರೆ. ಸಾಮಾನ್ಯ ವೇಟರ್‌ ನಂತೆ ಅವರು, ಗ್ರಾಹಕರ ಆರ್ಡರ್‌ ತೆಗೆದುಕೊಂಡಿದ್ದಾರೆ. ಇದರಿಂದ ಬರುವ ಹಣ ಹಾಗೂ ಟಿಪ್ಸ್‌ ಗಳನ್ನು ಕ್ಯಾನ್ಸರ್‌ ರೋಗಿಗಳ ಸಹಾಯಕ್ಕೆ ನೀಡಲಿದ್ದಾರೆ.

ಅವರ ಈ ವಿಡಿಯೋಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದ್ದು, ಮಾನವೀಯ ಗುಣದ ಉರ್ಫಿಯನ್ನು ಶ್ಲಾಘಿಸಿದ್ದಾರೆ.

 

View this post on Instagram

 

A post shared by Uorfi (@urf7i)