ಹಿರಿಯ ಬಾಲಿವುಡ್‌ ನಟ ಟಾಮ್‌ ಆಲ್ಟರ್‌ಗೆ ಕ್ಯಾನ್ಸರ್‌ ಚಿಕಿತ್ಸೆ

Team Udayavani, Sep 11, 2017, 3:12 PM IST

ಹೊಸದಿಲ್ಲಿ : ಅಮೆರಿಕ ಸಂಜಾತ ಹಿರಿಯ ಬಾಲಿವುಡ್‌ ನಟ ಟಾಮ್‌ ಆಲ್ಟರ್‌ ಕ್ಯಾನ್ಸರ್‌ ಪೀಡಿತರಾಗಿದ್ದು ಅದಕ್ಕಾಗಿ ಚಿಕಿತ್ಸೆ ಪಡೆಯುತ್ತಿರುವುದಾಗಿ ವರದಿಯಾಗಿದೆ. 67ರ ಹರೆಯದ ಟಾಮ್‌ ಆಲ್ಟರ್‌ ಅವರ ಕ್ಯಾನ್ಸರ್‌ ಈಗ ನಾಲ್ಕನೇ ಹಂತದಲ್ಲಿದೆ ಎಂದು ಮೂಲಗಳು ತಿಳಿಸಿವೆ.

ಭಾರತೀಯ ಚಿತ್ರರಂಗದಲ್ಲಿ ಮನೆ ಮಾತಾಗಿರುವ ಟಾಮ್‌ ಆಲ್ಟರ್‌ ಗೆ ಭಾರತ ಸರಕಾರ 2008ರಲ್ಲಿ ಪದ್ಮ ಶ್ರೀ ಪ್ರಶಸ್ತಿಯನ್ನು ನೀಡಿ ಗೌರವಿಸಿತ್ತು. ಅವರು ಅನೇಕ ಸಿನೆಮಾಗಳಲ್ಲಿ ಮತ್ತು ಟಿವಿ ಸರಣಿಗಳಲ್ಲಿ ನಟಿಸಿದ್ದಾರೆ. ಅವರು ಕೊನೇ ಬಾರಿ ಬೆಳ್ಳಿ ಪರದೆಯಲ್ಲಿ ಕಾಣಿಸಿಕೊಂಡದ್ದು 2017ರಲ್ಲಿ ತೆರೆ ಕಂಡಿದ್ದ ಸರ್‌ ಗೋಶಿಯಾಂ ಚಿತ್ರದಲ್ಲಿ . ಇಮ್ರಾನ್‌ ಖಾನ್‌ ಈ ಚಿತ್ರವನ್ನು ನಿರ್ಮಿಸಿ ನಿರ್ದೇಶಿಸಿದ್ದರು. 

ಟಾಮ್‌ ಆಲ್ಟರ್‌ ಅವರ ಪುತ್ರ ಜೆಮೀ ಆಲ್ಟರ್‌ ಅವರು ಮಾಧ್ಯಮದೊಂದಿಗೆ ಮಾತನಾಡುತ್ತಾ, “ತಂದೆಯ ಆರೋಗ್ಯದ ಬಗ್ಗೆ ಮಾತನಾಡಲು ಇದು ತಕ್ಕುದಾದ ಸಮಯವಲ್ಲ; ಸಂಜೆಯ ವೇಳೆ ನಿಮ್ಮನ್ನು ಸಂಪರ್ಕಿಸುತ್ತೇನೆ’ ಎಂದು ಹೇಳಿದರು. ಟಾಮ್‌ ಆಲ್ಟರ್‌ ಅವರ ಆರೋಗ್ಯ ಸ್ಥಿತಿಯ ಬಗ್ಗೆ ಹೆಚ್ಚಿನ ವಿವರಗಳು ಇನ್ನಷ್ಟೇ ತಿಳಿದುಬರಬೇಕಿದೆ.