ಟಾಲಿವುಡ್‌ ರಂಗಕ್ಕೆ ಮತ್ತೊಂದು ಆಘಾತ: 600 ಕ್ಕೂ ಹೆಚ್ಚಿನ ಸಿನಿಮಾದಲ್ಲಿ ನಟಿಸಿದ್ದ ಛಲಪತಿ ರಾವ್ ನಿಧನ

Team Udayavani, Dec 25, 2022, 12:08 PM IST

ಹೈದರಾಬಾದ್: ಟಾಲಿವುಡ್‌ ನ ಹಿರಿಯ ನಟ ಛಲಪತಿ ರಾವ್ (78) ಹೃದಯಾಘಾತದಿಂದ ಶನಿವಾರ ರಾತ್ರಿ ( ಡಿ.24 ರಂದು) ನಿಧನರಾಗಿದ್ದಾರೆ ಎಂದು ವರದಿ ತಿಳಿಸಿದೆ.

ಟಾಲಿವುಡ್‌ ನಲ್ಲಿ ಸುಮಾರು 600 ಕ್ಕೂ ಹೆಚ್ಚಿನ ಸಿನಿಮಾಗಳಲ್ಲಿ ನಟಿಸಿದ್ದ ಛಲಪತಿ ರಾವ್‌ ಹೃದಯಾಘಾತದಿಂದ ನಿಧನರಾಗಿದ್ದಾರೆ.

ಛಲಪತಿ ರಾವ್‌ ಟಾಲಿವುಡ್‌ ನ ಖ್ಯಾತ ನಟ,ನಿರ್ದೇಶಕ ಹಾಗೂ ನಿರ್ಮಾಪಕರ ರವಿ ಬಾಬು ಅವರ ಮಗ. ಟಾಲಿವುಡ್‌ ನಲ್ಲಿ ಹಾಸ್ಯ, ಗಂಭೀರ, ವಿಲನ್‌ ಪಾತ್ರಗಳನ್ನು ಮಾಡಿ ತನ್ನದೇ ಆದ ಛಾಪನ್ನು ಮೂಡಿಸಿದ್ದರು.

1966 ರಲ್ಲಿ ಗೋಡಾಚಾರಿ ʼ116ʼ ಸಿನಿಮಾದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಛಲಪತಿ, ಎನ್‌ ಟಿ ರಾಮರಾವ್‌,ಕೃಷ್ಣ, ಅಕ್ಕಿನೇನಿ ನಾಗಾರ್ಜುನ, ಚಿರಂಜೀವಿ,ವೆಂಕಟೇಶ್‌ ಮುಂತಾದ ಕಲಾವಿದರೊಂದಿಗೆ ಬಣ್ಣ ಹಚ್ಚಿದ್ದರು.

ಯಮಗೋಳ, ಯುಗಪುರುಷುಡು, ಜಸ್ಟೀಸ್ ಚೌಧರಿ, ಬೊಬ್ಬಿಲಿ ಪುಲಿ, ನಿನ್ನೇ ಪೆಲ್ಲದಾಟ, ಮತ್ತು ಅಲ್ಲಾರಿ ಮುಂತಾದ ಸಿನಿಮಾದಲ್ಲಿ ನಟನೆ ಮೂಲಕ ಮಿಂಚಿದ್ದರು.

ನಟ ಪವನ್‌ ಕಲ್ಯಾಣ್‌ ಸೇರಿದಂತೆ ಅನೇಕ ಕಲಾವಿದರು ಛಲಪತಿ ರಾವ್‌ ಅವರ ನಿಧನಕ್ಕೆ ಕಂಬನಿ ಮಿಡಿದಿದ್ದಾರೆ.

ಇತ್ತೀಚೆಗಷ್ಟೇ ಟಾಲಿವುಡ್‌ ನಟ ಕೈಕಳ ಸತ್ಯನಾರಾಯಣ ಅವರು ನಿಧನರಾಗಿದ್ದರು. ಆ ನೋವಿನಲ್ಲಿದ್ದ ಟಾಲಿವುಡ್‌ ರಂಗಕ್ಕೆ ಛಲಪತಿ ಅವರ ನಿಧನ ಆಘಾತ ನೀಡಿದೆ.