Viral video; ದುರ್ಗಾ ಪೂಜೆ ಸ್ಥಳದಲ್ಲೇ ಕಿಡಿ ಕಿಡಿಯಾದ ನಟಿ ಕಾಜೋಲ್!

Team Udayavani, Oct 11, 2024, 9:07 PM IST

ಮುಂಬಯಿ: ನಗರದ ದುರ್ಗಾಪೂಜಾ ಪೆಂಡಾಲ್ ಒಂದರಲ್ಲಿ ಬಾಲಿವುಡ್ ನ ಕೆಲ ಖ್ಯಾತ ಸೆಲೆಬ್ರಿಟಿಗಳು ಶುಕ್ರವಾರ(ಅಕ್ಟೋಬರ್ 11) ಪೂಜೆಯಲ್ಲಿ ಪಾಲ್ಗೊಂಡು ಸಂಭ್ರಮಿಸಿದರು. ಖ್ಯಾತ ನಟಿಯರಾದ ಕಾಜೋಲ್, ಆಲಿಯಾ ಭಟ್, ರಾಣಿ ಮುಖರ್ಜಿ ಮತ್ತು ನಟ ಅಜಯ್ ದೇವಗನ್ ಅವರು ಸಂಭ್ರಮಿಸಿದ ತಾರೆಗಳಲ್ಲಿ ಪ್ರಮುಖರು. ವೈರಲ್ ಆಗುತ್ತಿರುವ ವಿಡಿಯೋ ಒಂದರಲ್ಲಿ ನಟಿ ಕಾಜೋಲ್ ದುರ್ಗಾ ಪೂಜೆ ನಡೆಯುತ್ತಿದ್ದ ಸ್ಥಳದಲ್ಲೇ ತಾಳ್ಮೆ ಕಳೆದುಕೊಂಡು ಕಿಡಿ ಕಾರಿದ್ದನ್ನು ಕಾಣಬಹುದಾಗಿದೆ.

ವಿಡಿಯೋದಲ್ಲಿ, ಸಂಭ್ರಮಾಚರಣೆಯ ಸಮಯದಲ್ಲಿ ದುರ್ಗಾ ದೇವಿಯ ವಿಗ್ರಹದ ಬಳಿ ಪಾದರಕ್ಷೆಗಳನ್ನು ಧರಿಸಿ ಬಂದಿದ್ದವರ ಬಗ್ಗೆ ಕಾಜೋಲ್ ಅವರು ಆಕ್ರೋಶ ಹೊರ ಹಾಕುತ್ತಿರುವುದು ಕಂಡುಬರುತ್ತದೆ. ಜನರ ಗುಂಪನ್ನು ಉದ್ದೇಶಿಸಿ ದೇವರಿಗೆ ಹೆಚ್ಚು ಗೌರವವನ್ನು ತೋರಿಸಲು ಒತ್ತಾಯಿಸಿದ್ದಾರೆ, ‘ಸ್ವಲ್ಪ ಗೌರವವನ್ನು ಹೊಂದಿರಿ, ಇದು ಪೂಜೆ.” ಎಂದು ಕಿಡಿಯಾಗಿದ್ದಾರೆ.

 

View this post on Instagram

 

A post shared by Varinder Chawla (@varindertchawla)

ಕಾಜೋಲ್ ಜತೆಗೆ, ಆಲಿಯಾ ಭಟ್ ಸಹ ಆಕರ್ಷಕವಾಗಿ ಕೆಂಪು ಸೀರೆಯನ್ನು ಧರಿಸಿ, ಪಕ್ಕದಲ್ಲಿ ಸಹೋದರಿ ಶಾಹೀನ್ ಭಟ್ ಜತೆ ಕಾಣಿಸಿಕೊಂಡರು. ಸಹೋದರಿಯರು ಧಾರ್ಮಿಕ ವಿಧಿ ವಿಧಾನಗಳಲ್ಲಿ ಪಾಲ್ಗೊಂಡು ಹಬ್ಬದ ವಾತಾವರಣದ ಸಂಭ್ರಮ ಹೆಚ್ಚಿಸಿದರು. ಅಜಯ್ ದೇವ್ ಗನ್ ಕೂಡ ಪುತ್ರ ಯುಗ್ ಅವರೊಂದಿಗೆ ಪೂಜೆಯಲ್ಲಿ ಭಾಗಿಯಾಗಿದ್ದರು.