SRK: ಶೂಟಿಂಗ್ ವೇಳೆ ಮೂಗಿಗೆ ಪೆಟ್ಟು; ಶಾರುಖ್‌ ಖಾನ್‌ಗೆ ಸರ್ಜರಿ ಆಗಿದ್ದು ನಿಜವೇ?

Team Udayavani, Jul 5, 2023, 10:18 AM IST

ಮುಂಬಯಿ: ಕಿಂಗ್‌ ಖಾನ್‌ ಶಾರುಖ್‌ ಅವರಿಗೆ ಶೂಟಿಂಗ್‌ ವೇಳೆ ಮೂಗಿಗೆ ಪೆಟ್ಟು ಬಿದ್ದು ಸರ್ಜರಿಗೆ ಒಳಗಾಗಿದ್ದಾರೆ ಎಂದು ಫ್ಯಾನ್ಸ್‌ ಗಳು ಚಿಂತೆ ಮಾಡುತ್ತಿರುವಾಗಲೇ ʼಪಠಾಣ್‌ʼ ಸ್ಟಾರ್‌ ತನಗೇನು ಆಗಿಲ್ಲ ಎಂದು ಮೀಡಿಯಾ ಮುಂದೆ ಕಾಣಿಸಿಕೊಂಡಿದ್ದಾರೆ.

ʼಪಠಾಣ್‌ʼ ಸಿನಿಮಾದ ಬಳಿಕ ಅಟ್ಲಿ ನಿರ್ದೇಶನದ ʼಜವಾನ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿರುವ ನಟ ಶಾರುಖ್‌ ಖಾನ್‌ ಇತ್ತೀಚೆಗೆ ಲಾಸ್ ಏಂಜಲೀಸ್‌ನಲ್ಲಿ ಬಹಿರಂಗವಾಗದಿರುವ ಪ್ರಾಜೆಕ್ಟ್‌ ವೊಂದರ ಶೂಟಿಂಗ್‌ ನಲ್ಲಿರುವಾಗ ಅವರ ಮೂಗಿಗೆ ಏಟಾಗಿ ರಕ್ತ ಸುರಿದಿದೆ. ಕೂಡಲೇ ಚಿತ್ರತಂಡ ಅವರನ್ನು ಆಸ್ಪತ್ರೆಗೆ ದಾಖಲಿಸಿ. ಆಸ್ಪತ್ರೆಯಲ್ಲಿ ರಕ್ತ ನಿಲ್ಲಲು ಶಸ್ತ್ರಚಿಕಿತ್ಸೆಯನ್ನು ಮಾಡಲಾಗಿತ್ತು. ಆ ಬಳಿಕ ಅವರ ಮೂಗಿಗೆ ಬ್ಯಾಂಡೇಜ್‌ ಸುತ್ತಲಾಗಿದೆ ಎನ್ನುವ ವರದಿಯೊಂದು ಫ್ಯಾನ್ಸ್‌ ಗಳಿಗೆ ಚಿಂತೆಗೀಡು ಮಾಡಿತ್ತು.

ಇದೀಗ ಘಟನೆಯ ಸತ್ಯಾಂಶ ಹೊರಬಿದ್ದಿದೆ. ವಾಸ್ತವವಾಗಿ ಚಿತ್ರೀಕರಣದ ವೇಳೆ ಅವರ ಮೂಗಿಗೆ ಸಣ್ಣ ಗಾಯವಾಗಿತ್ತು. ಕೂಡಲೇ ಅವರು ಸಮೀಪದ ಕ್ಲಿನಿಕ್‌ಗೆ ಭೇಟಿ ನೀಡಿದ್ದಾರೆ. ಗಂಭೀರ ಸ್ವರೂಪವನ್ನು ಗಾಯವಲ್ಲದ ಕಾರಣ, ಅವರು ಚಿತ್ರೀಕರಣವನ್ನು ಮುಂದುವರೆಸಿದ್ದಾರೆ ಎಂದು ವರದಿ ತಿಳಿಸಿದೆ.

ಶಾರುಖ್‌ ಖಾನ್‌ ತನ್ನ ಪತ್ನಿ ಗೌರಿ ಖಾನ್ ಮತ್ತು ಮಗ ಅಬ್ರಾಮ್ ಅವರೊಂದಿಗೆ ಯುಎಸ್‌ ನಿಂದ ಮುಂಬಯಿಗೆ ಬುಧವಾರ ಮುಂಜಾನೆ (ಜು.5 ರಂದು) ಆಗಮಿಸಿದ್ದಾರೆ. ಈ ವೇಳೆ ಅವರು ಫಿಟ್‌& ಫಿನ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಅವರಿಗೆ ಯಾವುದೇ ಸರ್ಜರಿ ಆಗಿಲ್ಲ ಎಂದು ವರದಿ ತಿಳಿಸಿದೆ.