ಒಂದು ಕೊಲೆಯ ಸುತ್ತ..: ಹುಟ್ಟುಹಬ್ಬದ ಶುಭಾಶಯಗಳು ಚಿತ್ರ ವಿಮರ್ಶೆ

Team Udayavani, Jan 1, 2022, 11:40 AM IST

ಒಂದು ಕೊಲೆ, ಜೊತೆಗೆ ಸಾಗುವ ಆತಂಕ, ಕುತೂಹಲ. ಹಾಗಾದರೆ ಕೊಲೆ ಮಾಡಿದವರು ಯಾರು, ಕೊಲೆಗೆ ಕಾರಣವೇನು? ಇದು ಈ ವಾರ ತೆರೆಕಂಡಿರುವ “ಹುಟ್ಟುಹಬ್ಬದ ಶುಭಾಶಯಗಳು’ ಚಿತ್ರದ ಮೂಲ ಅಂಶ.

ಇಷ್ಟು ಹೇಳಿದ ಮೇಲೆ ಇದೊಂದು ಸಸ್ಪೆ ನ್ಸ್‌-ಥ್ರಿಲ್ಲರ್‌ ಸಿನಿಮಾ ಎಂದು ಪ್ರತ್ಯೇಕವಾಗಿ ಹೇಳುವ ಅಗತ್ಯವಿಲ್ಲ. ಕೊಲೆಯಾದ ಬಳಿಕದ ಟೆನ್ಶನ್‌, ಹೆಣ ಸಾಗಿಸಲು ಪರದಾಟ, ಪೊಲೀಸರ ಭಯ… ಹೀಗೆ ಇಡೀ ಸಿನಿಮಾ ಇಂತಹ ಥ್ರಿಲ್ಲರ್‌ ಅಂಶಗಳೊಂದಿಗೆ ಸಾಗುತ್ತದೆ.

ಸಸ್ಪೆನ್ಸ್‌-ಥ್ರಿಲ್ಲರ್‌ ಸಿನಿಮಾಗಳಿರಬೇಕಾದ ಮೂಲಗುಣವೆಂದರೆ ಕ್ಷಣ ಕ್ಷಣಕ್ಕೂ ಸಿನಿಮಾ ಕುತೂಹಲ ಹೆಚ್ಚಿಸುತ್ತಾ ಸಾಗ ಬೇಕು ಮತ್ತು ತರ್ಕ ಮಿಸ್‌ ಆಗಬಾರದು. ಆ ಮಟ್ಟಿಗೆ ನಿರ್ದೇಶಕರ “ಹುಟ್ಟುಹಬ್ಬದ ಶುಭಾಶಯಗಳು’ ಚಿತ್ರವನ್ನು ತಕ್ಕಮಟ್ಟಿಗೆ ನೀಟಾಗಿ ಕಟ್ಟಿಕೊಡಲು ಪ್ರಯತ್ನಿಸಿದ್ದಾರೆ.

ಆದರೆ, ಒಂದಷ್ಟು ತರ್ಕ ಹಾಗೂ ಸಸ್ಪೆನ್ಸ್‌ ಅಂಶಗಳನ್ನು ಇನ್ನಷ್ಟು ಬಿಗಿಗೊಳಿಸಿಕೊಂಡು ಸಾಗಿದ್ದರೆ ಚಿತ್ರದ ತೂಕ ಇನ್ನೂ ಹೆಚ್ಚುತ್ತಿತ್ತು. ಇಲ್ಲಿ ಮುಖ್ಯವಾಗಿ ಎದ್ದು ಕಾಣೋದು ಕೊಲೆಗಾರನ ಕಳ್ಳಾಟ. ಆ ಅಂಶವನ್ನು ಹೆಚ್ಚು ಹೈಲೈಟ್‌ ಮಾಡಲಾಗಿದೆ. ಚಿತ್ರದಲ್ಲಿ ಅಲ್ಲಲ್ಲಿ ಕಾಮಿಡಿ ಅಂಶಗಳು ಕೂಡಾ ಬಂದು ಹೋಗುತ್ತವೆ. ಥ್ರಿಲ್ಲರ್‌ ಸಿನಿಮಾವನ್ನು ನೀವು ಇಷ್ಟಪಡುವವರಾಗಿದ್ದರೆ ನಿಮಗೆ “ಹುಟ್ಟುಹಬ್ಬದ ಶುಭಾಶಯಗಳು’ ಒಂದಷ್ಟು ಥ್ರಿಲ್‌ ನೀಡಬಹುದು.

ಇದನ್ನೂ ಓದಿ:‘ಅರ್ಜುನ್ ಗೌಡ’ ಚಿತ್ರ ವಿಮರ್ಶೆ: ಪ್ರೀತಿಯ ಬಲೆಯಲ್ಲಿ ಮಾಫಿಯಾ ಅಲೆ!

ಚಿತ್ರದಲ್ಲಿ ದಿಗಂತ್‌ ಎರಡು ಶೇಡ್‌ ಇರುವ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು ಪಾತ್ರದಲ್ಲಿ ಇಷ್ಟವಾಗುತ್ತಾರೆ. ನಾಯಕಿ ಕವಿತಾ ಗೌಡ, ಮಡೆನೂರು ಮನು ಸೇರಿದಂತೆ ಇತರರು ನಟಿಸಿದ್ದಾರೆ. ಪ್ರತಿಯೊಬ್ಬರೂ ಸಿಕ್ಕ ಅವಕಾಶವನ್ನು ಚೆನ್ನಾಗಿಯೇ ಬಳಸಿಕೊಂಡಿದ್ದಾರೆ.

ಆರ್‌ಪಿ