“ಬೆಂಗಳೂರು 69” ವಿಮರ್ಶೆ: ಕಿಡ್ನ್ಯಾಪ್‌ ವೊಂದರ ಜಾಡು ಹಿಡಿದು..

Team Udayavani, Feb 12, 2023, 3:27 PM IST

ಕನ್ನಡದಲ್ಲಿ ಸಾಕಷ್ಟು ಸಸ್ಪೆನ್ಸ್‌-ಥ್ರಿಲ್ಲರ್‌ ಸಿನಿಮಾಗಳು ಬಂದಿವೆ. ಕ್ಷಣ ಕ್ಷಣಕ್ಕೂ ಕುತೂಹಲ ಕೆರಳಿಸುತ್ತಾ, ಪ್ರೇಕ್ಷಕರನ್ನು ಹಿಡಿದಿಡಬೇಕೆಂಬ ಉದ್ದೇಶ ಈ ಜಾನರ್‌ ಸಿನಿಮಾಗಳದ್ದು. ಈಗ ಇದೇ ಸಾಲಿಗೆ ಈ ಸೇರುವ ಚಿತ್ರ “ಬೆಂಗಳೂರು 69′.

ಇದೊಂದು ಸಸ್ಪೆನ್ಸ್‌ ಥ್ರಿಲ್ಲರ್‌ ಸ್ಟೋರಿ. ಜಗತ್ತಲ್ಲಿ ಪ್ರೀತಿ, ನಂಬಿಕೆ, ವ್ಯಾಮೋಹ, ಮೋಸ, ದ್ವೇಷ,ಅಸೂಯೆ, ಅಪರಾಧ ಹೀಗೆ ಎಲ್ಲವೂ ನಡೆಯುತ್ತದೆ. ಇದೇ ಅಂಶವನ್ನಿಟ್ಟುಕೊಂಡು ಇಡೀ ಸಿನಿಮಾವನ್ನು ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕರು. ಚಿತ್ರದಲ್ಲೊಂದು ಕಿಡ್ನಾಪ್‌ ಇದೆ. ಆ ಕಿಡ್ನಾಪ್‌ ಯಾಕಾಗುತ್ತದೆ? ಕಿಡ್ನಾಪ್‌ ಮಾಡೋರು ಯಾರು, ಆಗೋರು ಯಾರು ಎಂಬುದೇ ಸಸ್ಪೆನ್ಸ್‌. ಅಷ್ಟಕ್ಕೂ ಇದನ್ನು ತಿಳಿದುಕೊಳ್ಳುವ ಕುತೂಹಲವಿದ್ದರೆ ನೀವು “ಬೆಂಗಳೂರು 69′ ಸಿನಿಮಾ ನೋಡಬಹುದು.

ಇಡೀ ಸಿನಿಮಾ ಐದು ಪಾತ್ರಗಳ ಸುತ್ತ ಸಾಗುತ್ತದೆ. ಈ ಪಾತ್ರಗಳೇ ಸಿನಿಮಾದ ಹೈಲೈಟ್‌ ಕೂಡಾ. ಇನ್ನು, ಸಿನಿಮಾದಲ್ಲಿ ಒಂದಷ್ಟು ಟ್ವಿಸ್ಟ್‌-ಟರ್ನ್ಗಳಿದ್ದು, ಇದೇ ಸಿನಿಮಾದ ಜೀವಾಳ ಎಂದರೆ ತಪ್ಪಲ್ಲ. ಈ ಚಿತ್ರಕ್ಕೆ ಇಂಟರ್‌ನ್ಯಾಶನಲ್‌ ಕ್ರೈಮ್‌ನ ಟಚ್‌ಕೂಡಾ ನೀಡಲಾಗಿದೆ. ಚಿತ್ರದಲ್ಲಿ ಪವನ್‌ ಶೆಟ್ಟಿ, ಅನಿತಾ ಭಟ್‌ ಸೇರಿದಂತೆ ಇತರರು ನಟಿಸಿದ್ದು, ಪ್ರತಿಯೊಬ್ಬರು ತಮ್ಮ ಪಾತ್ರಗಳಿಗೆ ನ್ಯಾಯ ಒದಗಿಸಿದ್ದಾರೆ. ಅದರಲ್ಲೂ ನಟಿ ಅನಿತಾ ಭಟ್‌ ಸಖತ್‌ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡಿದ್ದಾರೆ