BBK11: ಬಿಗ್‌ಬಾಸ್‌ ಆಟ ನಿಲ್ಲಿಸಿದ ಖ್ಯಾತ ಸ್ಪರ್ಧಿ.. ಈ ವಾರ ಆಚೆ ಬರುವುದು ಇವರೇ

Team Udayavani, Nov 3, 2024, 5:29 PM IST

ಬೆಂಗಳೂರು: ಬಿಗ್ ಬಾಸ್ ಕನ್ನಡ- 11 (Bigg Boss Kannada-11) 5ನೇ ವಾರದಲ್ಲಿ ಹೊರಬರಲು 12 ಮಂದಿ ನಾಮಿನೇಟ್ ಆಗಿದ್ದಾರೆ.

ಈ ಪೈಕಿ ಮೋಕ್ಷಿತಾ, ಐಶ್ವರ್ಯಾ ಮೊದಲು ಬಚಾವ್ ಆಗಿದ್ದಾರೆ. ಇನ್ನುಳಿದ 10 ಮಂದಿಯಲ್ಲಿ ಒಬ್ಬ ಸ್ಪರ್ಧಿ ದೊಡ್ಮನೆಯಿಂದ ಇವತ್ತು (ನ.3ರಂದು) ಆಚೆ  ಬರಲಿದ್ದಾರೆ.

ಕಾರ್ಯಕ್ರಮ ಸಾಗುತ್ತಿದ್ದಂತೆ ದೊಡ್ಮನೆಯಲ್ಲಿ ಸ್ಪರ್ಧಿಗಳು ತಮ್ಮ ರಿಯಲ್ ಗೇಮ್ ಶುರು ಮಾಡಿದ್ದಾರೆ. ಕೆಲವರು ಗುಂಪು ಕಟ್ಟಿಕೊಂಡಿದ್ದರೂ ವೈಯಕ್ತಿಕವಾಗಿ ಬಿಗ್ ಬಾಸ್ ಟ್ರೋಪಿ ಗೆಲಲ್ಲು ತೆರೆಮರೆಯಲ್ಲಿ ತಂತ್ರಗಳನ್ನು ರೂಪಿಸುತ್ತಿದ್ದಾರೆ.

ಐದು ವಾರಗಳ ಆಟವನ್ನು ನೋಡಿರುವ ವೀಕ್ಷಕರು ಪ್ರತಿ ವಾರದಂತೆ ಈ ವಾರವೂ ನಾಮಿನೇಟ್‌ ಆಗಿರುವ ಸ್ಪರ್ಧಿಗಳನ್ನು ಉಳಿಸಲು ವೋಟ್‌ ಮಾಡಿದ್ದಾರೆ. ಯಾವ ಸ್ಪರ್ಧಿಗಳ ಆಟದಲ್ಲಿ ಎಡವಿದ್ದಾರೆ ಎನ್ನುವುದನ್ನು ನೋಡಿಕೊಂಡು ವೋಟ್‌ ಮಾಡಿದ್ದಾರೆ. ಅತ್ಯಂತ ಕಡಿಮೆ ಮತ ಪಡೆದ ಸ್ಪರ್ಧಿ ಆಚೆ ಬರಲಿದ್ದಾರೆ.

ಮೂಲಗಳ ಪ್ರಕಾರ ಬಿಗ್ ಬಾಸ್ ಮನೆಯಿಂದ ಈ ವಾರ ಘಟಾನುಘಟಿಗಗಳ ಪೈಕಿ ಮಾನಸ ಅವರು ಆಚೆ ಬರಲಿದ್ದಾರೆ ಎನ್ನಲಾಗುತ್ತಿದೆ.ಕಳೆದ ವಾರವೂ ಮಾನಸ ಆಚೆ ಬರುತ್ತಾರೆ ಎನ್ನುವ ಸುದ್ದಿ ಹರಿದಾಡಿತ್ತು. ಎಲಿಮಿನೇಷನ್ ಹಂತದಲ್ಲಿ ಕೊನೆಯ ಕ್ಷಣದಲ್ಲಿ ಅವರು ಪಾರಾಗಿದ್ದರು.

ಸೀಸನ್‌ -10ರ ಸ್ಪರ್ಧಿ ತುಕಾಲಿ ಸಂತು ಅವರ ಪತ್ನಿಯಾಗಿರುವ ಮಾನಸ ಕಳೆದ ಸೀಸನ್‌ನಲ್ಲಿ ದೊಡ್ಮನೆಗೆ ಅತಿಥಿಯಾಗಿ ಬಂದಿದ್ದರು. ಈ ಬಾರಿ ಸ್ಪರ್ಧಿಯಾಗಿ ಬಂದಿರುವ ಅವರು ಆಟದ ವಿಚಾರಕ್ಕಿಂತ ವಾಗ್ವಾದದ ವಿಚಾರದಲ್ಲೇ ಹೆಚ್ಚು ಸದ್ದು ಮಾಡಿದ್ದಾರೆ.