BBK11; ನೀನೇನು ದೊಡ್ಡ ಡಾನ್ ಆ..!!;ಕ್ಯಾಪ್ಟನ್ ಹಂಸಾಗೆ ತಲೆನೋವಾದ ಜಗದೀಶ್

Team Udayavani, Oct 7, 2024, 7:31 PM IST

ಬೆಂಗಳೂರು: ಬಿಗ್ ಬಾಸ್ (Bigg Boss) ಮನೆಯಲ್ಲಿ ಜಗದೀಶ್ ಮತ್ತೆ ಗುಡುಗಿದ್ದಾರೆ. ಈ ಬಾರಿ ಕ್ಯಾಪ್ಟನ್ ಅವರ ಮೇಲೆ ರೇಗಾಡಿದ್ದಾರೆ.

ಕಳೆದ ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳೊಂದಿಗೆ ವಾಗ್ವಾದ ನಡೆಸಿ, ಬಿಗ್ ಬಾಸ್ ಗೆ ಆವಾಜ್ ಹಾಕಿದ್ದ ಜಗದೀಶ್ ಈ ವಾರ ಮನೆಯ ಹೊಸ ಕ್ಯಾಪ್ಟನ್ ಹಿಂದೆ ಬಿದ್ದು ತಲೆ ತಿನ್ನಲು ಶುರು ಮಾಡಿದ್ದಾರೆ.

ಕ್ಯಾ ಹಂಸಾ ಅವರಿಗೆ ಧಿಕ್ಕಾರ ಕೂಗಿ, ಅವರ ಬಳಿ ತನ್ನ ಶ್ಯಾಂಪೂ ತರಿಸಿಕೊಂಡಿದ್ದಾರೆ. ಇದಾದ ಬಳಿಕ ತಮಗೆ ತಲೆ ನೋವಾಗುತ್ತಿದೆ ಮಾತ್ರೆ ಬೇಕೆಂದು ಕ್ಯಾಪ್ಟನ್ ಹಿಂದೆಯೇ ಬಿದ್ದಿದ್ದಾರೆ.

ನಿಮ್ ಆಟ ನೀವು ಶುರು ಮಾಡಿ ಎಂದು ಸುರೇಶ್, ಜಗದೀಶ್ ಅವರಿಗೆ ಹೇಳಿದ್ದಾರೆ. ಇದಕ್ಕೆ ಜಗದೀಶ್ ಅವರು ಹಂಸಾ ಅವರೇ ನನಗೆ ತಲೆ ನೋವಾಗುತ್ತಿದೆ ಮಾತ್ರೆ ಬೇಕೆಂದು ಹೇಳಿದ್ದಾರೆ. ಮೆಡಿಸಿನ್ ಬ್ಯಾಗ್ ಬಾಸ್ ಹತ್ರ ಕೇಳಿ.. ಎಂದು ಹಂಸಾ ರಿಪ್ಲೈ ಮಾಡಿದ್ದಾರೆ. ಹಾಗಾದ್ರೆ ಕ್ಯಾಪ್ಟನ್ ಆಗಿರೋದು ಯಾಕೆ ಎಂದು ಜಗದೀಶ್ ಮರು ಪ್ರಶ್ನೆ ಹಾಕಿದ್ದಾರೆ.

ನೀನೇನು ಡಾನ್ ಅಲ್ಲ. ನಾನು ಬೇಜಾನ್ ಡಾನ್ ಗಳನ್ನು ನೋಡಿದ್ದೇನೆ ಎಂದು ಜಗದೀಶ್ ಏರು ಧ್ವನಿಯಲ್ಲೇ ಹೇಳಿ ಹಾಗಾದಿದ್ರೆ ಮನೆಗೆ ಹೋಗು ಎಂದಿದ್ದಾರೆ. ನೀವು ಸಹ ಡಾನ್ ಅಲ್ಲ ಎಂದು ಹಂಸಾ ರಿಪ್ಲೈ ಕೊಟ್ಟಿದ್ದಾರೆ.

ಇಲ್ಲಿ ನಾನಿರುವುದು ಮೆಂಟೇನ್ ಮಾಡೋಕೆ, ಕೇಳಿದ್ದನ್ನು ತರಿಸಿಕೊಡೋಕೆ ಅಲ್ಲ. ನೀನ್ಯಾರು ನನ್ನನ್ನು ಮನೆಗೆ ಹೋಗು ಎನ್ನೋಕೆ ಎಂದು ಹಂಸಾ ಖಡಕ್ ಆಗಿಯೇ ರಿಯಾಕ್ಟ್ ಮಾಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಸ್ವರ್ಗ ವಾಸಿಯಾಗಿದ್ದ ಜಗದೀಶ್ ಅವರನ್ನು ಕ್ಯಾಪ್ಟನ್ ಹಂಸಾ ತಮ್ಮ ವಿಶೇಷ ಅಧಿಕಾರ ಬಳಸಿ ನರಕಕ್ಕೆ ಕಳುಹಿಸಿದ್ದಾರೆ. ನರಕದಿಂದ ರಂಜಿತ್ ಅವರನ್ನು ಸ್ವರ್ಗಕ್ಕೆ ಕರೆ ತಂದಿದ್ದಾರೆ. ಇಂದಿನ ಸಂಚಿಕೆಯಲ್ಲಿ ಈ ದೃಶ್ಯಗಳು ಪ್ರಸಾರವಾಗಲಿದೆ.