BBK11: ಹನುಮಂತು ಮುಗ್ದನಾ? ನಾಟಕನಾ?.. ಸ್ಪರ್ಧಿಗಳಿಗೆ ಕಿಚ್ಚನ ಪ್ರಶ್ನೆ

Team Udayavani, Nov 9, 2024, 5:41 PM IST

ಬೆಂಗಳೂರು: ಬಿಗ್‌ಬಾಸ್‌ ಮನೆಯಲ್ಲಿಂದು (Bigg Boss Kannada-11) ಕಿಚ್ಚನ (Kiccha Sudeep) ಪಂಚಾಯ್ತಿ ನಡೆಯಲಿದೆ. ಅನೇಕ ವಿಚಾರಗಳ ಸುದೀಪ್‌ ಮಾತನಾಡಲಿದ್ದಾರೆ.

ಈ ವಾರ ಸ್ಪರ್ಧಿಗಳು ಟಾಸ್ಕ್‌ ವಿಚಾರದಲ್ಲಿ ಕಿತ್ತಾಡಿಕೊಂಡಿದ್ದರು. ಸ್ನೇಹದ ನಡುವೆ ಬಿರುಕು, ನಂಬಿಕೆಗೆ ಹಾನಿ, ಕ್ಯಾಪ್ಟನ್‌ ಮೇಲೆ ಅಸಮಾಧಾನ ಹೀಗೆ ಅನೇಕ ಸಂಗತಿಗಳ ಬಗ್ಗೆ ಕಿಚ್ಚ ಈ ವಾರ ಮಾತನಾಡಲಿದ್ದಾರೆ.

ವಿಶೇಷ ಅಧಿಕಾರವನ್ನು ಗೆಲ್ಲುವ ಅವಕಾಶವನ್ನು ಹೊಂದಿದ್ದ ಟಾಸ್ಕ್‌ ಈ ವಾರ ನೀಡಲಾಗಿತ್ತು. ಇದರಲ್ಲಿ ಕೆಲವರು ಫೇರ್‌ ಗೇಮ್‌ ಆಡಿದ್ದಾರ. ಇನ್ನು ಕೆಲವರು ಒಪ್ಪಂದವನ್ನು ಮಾಡಿಕೊಂಡು ಆಡಿದ್ದಾರೆ.

ಈ ಬಗ್ಗೆ ಕಿಚ್ಚ ಮಾತನಾಡಿದ್ದಾರೆ. ವಿಶೇಷ ಅಧಿಕಾರಿಗಳನ್ನು ಗೆಲ್ಲುವಂತಹ ಉದ್ದೇಶವನ್ನಿಟ್ಟುಕೊಂಡಿತು ಈ ಮನೆ. ಈ ಯುದ್ಧದಲ್ಲಿ ಗೆದ್ದವರು ಯಾರು, ಬಿದ್ದವರು ಯಾರು? ತನ್ನತನವನ್ನು ಕಳೆದುಕೊಂಡವರು ಯಾರು ಎನ್ನುವುದನ್ನು ಕಿಚ್ಚ ವಾರದಲ್ಲಿ ನಡೆದ ಟಾಸ್ಕ್‌ ವಿಚಾರದ ಬಗ್ಗೆ ಮಾತನಾಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಹನುಮಂತ ಮುಗ್ದಾನಾ?

ವಾರದ ಕತೆ ಕಿಚ್ಚನ ಜೊತೆ | ಇಂದು ರಾತ್ರಿ 9#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa #BBKPromo pic.twitter.com/gnaLaY7czu

— Colors Kannada (@ColorsKannada) November 9, 2024

ಇನ್ನೊಂದು ಪ್ರೋಮೊದಲ್ಲಿ, ಸುರೇಶ್‌ ಅವರು ಯಾರೇ ನಾಮಿನೇಟ್‌ ಮಾಡಿದರು ಜಗಳ ಆಡುತ್ತೀರಾ. ಹನುಮಂತು ಅವರು ಅವರಿಗೆ ಒಂದು ಮಾತು ಹೇಳಲ್ಲ ಎಂದು ಕಿಚ್ಚ ಸುರೇಶ್‌ ಅವರ ಕಾಲು ಎಳೆದಿದ್ದಾರೆ.

ಹನುಮಂತ ಮುಗ್ದಾನಾ? ಎನ್ನುವ ಪ್ರಶ್ನೆಗೆ ಸ್ಪರ್ಧಿಗಳು ಉತ್ತರಿಸಿದ್ದಾರೆ. “ಹನುಮಂತ ಮುಗ್ಧರಾಗೆ ಕಾಣಿಸುತ್ತಾರೆ ಆದ್ರೆ ಅವರು ಹಾಗೆ ಇಲ್ಲ. ಅವರಿಗೆ ಮೈಂಡ್‌ ಗೇಮ್‌ ಹೇಗೆ ಆಡೋದು ಅಂಥ ಚೆನ್ನಾಗಿ ಗೊತ್ತಿದೆ ಎಂದು ಮೋಕ್ಷಿತಾ ಹೇಳಿದ್ದಾರೆ. ಅವನ ಮುಖ ಮಾತ್ರ ಮುಗ್ಧನಂತೆ ಕಾಣುತ್ತದೆ ಆದರೆ ಅವನು ವೆರಿ ಕ್ಲೇವರ್‌ ಎಂದು ತ್ರಿವಿಕ್ರಮ್‌ ಹೇಳಿದ್ದಾರೆ.

ಇನ್ನೊಂದೆಡೆ ಹನುಮಂತು ಹೊರಗಡೆ ಕಾಣಿಸುವಷ್ಟು ಮುಗ್ಧನಲ್ಲ ಎಂದಯ ಚೈತ್ರಾ ಹೇಳಿದ್ದಾರೆ.

ಎಲ್ಲವನ್ನು ಕೇಳಿದ ಹನುಂತು ಬಂದವರೆಲ್ಲರೂ ಇನೋಸೆಂಟ್.‌ ಯಾರು ಗೊತ್ತಿಲ್ಲದಾಗೆ ನಾಟಕ ಮಾಡುತ್ತಾರೆ. ನನ್ನನ್ನು ಇಟ್ಟುಕೊಂಡಿದ್ದಾರೆ ನಾನು ಕೂಡ ಹಾಗೆಯೇ ಎಂದು ಹನುಮಂತು ಹೇಳಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಈ ಸಂಚಿಕೆ ಶನಿವಾರ (ನ.9ರಂದು) ರಾತ್ರಿ 9:30ಕ್ಕೆ ಪ್ರಸಾರವಾಗಲಿದೆ.