BBK11: ಬಿಗ್‌ ಬಾಸ್‌ ಕನ್ನಡ-11ರ ಮೊದಲ ಅಧಿಕೃತ ಸ್ಪರ್ಧಿ ಇವರೇ ನೋಡಿ..

Team Udayavani, Sep 28, 2024, 6:19 PM IST

ಬೆಂಗಳೂರು: ಕಿಚ್ಚ ಸುದೀಪ್ (‌Kiccha Sudeep)  ಬಿಗ್‌ ಬಾಸ್‌ ಕನ್ನಡ -11 (Bigg Boss Kannada-11) ಸ್ಪರ್ಧಿಗಳು ಯಾರು ಎನ್ನುವುದರ ಕುತೂಹಲಕ್ಕೆ ತೆರೆ ಬಿದ್ದಿದೆ. ʼರಾಜಾ ರಾಣಿʼ ಗ್ರ್ಯಾಂಡ್‌ ಪಿನಾಲೆ ವೇಳೆ ಬಿಗ್‌ ಬಾಸ್‌ ಮನೆಗೆ ಈ ಬಾರಿ ಯಾರೆಲ್ಲಾ ಹೋಗಲಿದ್ದಾರೆ ಎನ್ನುವವರ ಪಟ್ಟಿಯನ್ನು ರಿವೀಲ್‌ ಮಾಡಲಾಗಿದೆ.

ಭಾನುವಾರ(ಸೆ.29ರಂದು) ಬಿಗ್‌ ಬಾಸ್‌ ಗ್ರ್ಯಾಂಡ್‌ ಪ್ರಿಮಿಯರ್‌ ಶುರುವಾಗಲಿದೆ. ಈ ಬಾರಿ ಸ್ವರ್ಗ- ನರಕ ಎನ್ನುವ ಕಾನ್ಸೆಪ್ಟ್‌ ನೊಂದಿಗೆ ಬಿಗ್‌ ಬಾಸ್‌ ಬರಲಿದೆ. ಆ ನಿಟ್ಟಿನಲ್ಲಿ ಕೆಲ ಸ್ಪರ್ಧಿಗಳ ಹೆಸರನ್ನು ಮೊದಲೇ ರಿವೀಲ್‌ ಮಾಡಿ ಅವರನ್ನು ಸ್ವರ್ಗಕ್ಕೆ ಅಥವಾ ನರಕಕ್ಕೆ ಕಳುಹಿಸಬೇಕೇ ಎನ್ನುವ ನಿರ್ಧಾರವನ್ನು ಪ್ರೇಕ್ಷಕರಿಗೆ ಬಿಡಲಾಗಿದೆ.

ಮೊದಲ ಸ್ಪರ್ಧಿ ಗೌತಮಿ ಜಾಧವ್: ಸ್ಟೈಲಿಸ್ಟ್‌ ಆಗಿ ಬೈಕ್‌ ನಿಂದ ಇಳಿದು ಫೀಲ್ಡ್‌ ನನ್ನದೇ, ಶೀಲ್ಡ್‌  ನನ್ನದೇ ಎಂದು ಬಿಗ್‌ ಬಾಸ್‌ ಸ್ಪರ್ಧಿ ʼಸತ್ಯʼ ಧಾರಾವಾಹಿ ಖ್ಯಾತಿ ಗೌತಮಿ ಅವರನ್ನು ಪರಿಚಯಿಸಲಾಗಿದೆ.

ಯಾರು ಈ ಗೌತಮಿ..  ‘ಸತ್ಯ’ ಧಾರಾವಾಹಿಯಲ್ಲಿ ಡೇರ್ ಡೆವಿಲ್ ಆಗಿ ಕಾಣಿಸಿಕೊಂಡಿದ್ದ ಗೌತಮಿ ಜಾಧವ್ ‘ಬಿಗ್ ಬಾಸ್’ ಸ್ಪರ್ಧಿಯಾಗಿದ್ದಾರೆ. ಅವರನ್ನು ಸ್ವರ್ಗಕ್ಕೆ ಅಥವಾ ನರಕಕ್ಕೆ ಕಳುಹಿಸಬೇಕೇ ಎನ್ನುವುದನ್ನು ʼಜಿಯೋʼ ಸಿನಿಮಾ ಮೂಲಕ ವೋಟ್‌ ಮಾಡಿ ಆಯ್ಕೆ ಮಾಡಬಹುದು.

ʼಸತ್ಯʼ ಧಾರಾವಾಹಿ ಇದೇ ವರ್ಷದ ಆಗಸ್ಟ್‌ 10ರಂದುಮುಕ್ತಾಯ ಕಂಡಿತು.  ‘ನಾಗಪಂಚಮಿ’ ಎಂಬ ಧಾರಾವಾಹಿ  ಮೂಲಕ ಅವರು ಕಿರುತೆರೆಗೆ ಎಂಟ್ರಿ ಆಗಿದ್ದರು.

ಸಂಭಾವ್ಯರ ಪಟ್ಟಿಯಲ್ಲಿ ಗೌತಮಿ ಅವರ ಹೆಸರು ಕೇಳಿಬಂದಿತ್ತು.