Elvish Yadav: ವ್ಯಕ್ತಿಯ ಕಪಾಳಕ್ಕೆ ಬಾರಿಸಿ ಬಿಗ್‌ ಬಾಸ್‌ ವಿಜೇತನ ರಾದ್ಧಾಂತ;ವಿಡಿಯೋ ವೈರಲ್

Team Udayavani, Feb 12, 2024, 9:57 AM IST

ಮುಂಬಯಿ: ಬಿಗ್‌ ಬಾಸ್‌ ಓಟಿಟಿ -2 ವಿಜೇತ ಹಾಗೂ ಖ್ಯಾತ ಯೂಟ್ಯೂಬರ್‌ ಎಲ್ವಿಶ್ ಯಾದವ್ ಅವರು ರೆಸ್ಟೋರೆಂಟ್‌ ವೊಂದರಲ್ಲಿ ವ್ಯಕ್ತಿಯೊಬ್ಬನಿಗೆ ಕಪಾಳಕ್ಕೆ ಬಾರಿಸಿರುವ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಖ್ಯಾತ ಯೂಟ್ಯೂಬರ್‌ ಆಗಿರುವ ಎಲ್ವಿಶ್ ಯಾದವ್ ಹಿಂದಿಯ ಬಿಗ್‌ ಬಾಸ್‌ ಓಟಿಟಿ -2 ವಿಜೇತರಾಗಿ ಮತ್ತಷ್ಟು ಜನಪ್ರಿಯತೆಯನ್ನು ಪಡೆದುಕೊಂಡಿದ್ದಾರೆ. ಇತ್ತೀಚೆಗೆ ಅವರು ಕೆಲ ವಿವಾದಗಳಿಂದ ಸುದ್ದಿಯಾಗಿದ್ದಾರೆ. ಇದೀಗ ಎಲ್ವಿಶ್ ಯಾದವ್ ಆಕ್ರೋಶಗೊಂಡು, ವ್ಯಕ್ತಿಯೊಬ್ಬನಿಗೆ ಕಪಾಳಮೋಕ್ಷ ಮಾಡಿರುವ ವಿಡಿಯೋ ವೈರಲ್‌ ಆಗಿದೆ.

ಭಾನುವಾರ (ಫೆಬ್ರವರಿ 11) ಜೈಪುರದ ರೆಸ್ಟೋರೆಂಟ್‌ನಲ್ಲಿ ಈ ಘಟನೆ ನಡೆದಿದೆ ಎನ್ನಲಾಗಿದೆ. ಎಲ್ವಿಶ್ ಯಾದವ್  ರೆಸ್ಟೋರೆಂಟ್‌ ನಲ್ಲಿನ ಇತರೆ ಅತಿಥಿಗಳೊಂದಿಗೆ ವಾಗ್ವಾದ ನಡೆಸಿದ್ದು, ಪರಿಣಾಮ ವ್ಯಕ್ತಿಗೆ ಕಪಾಳಕ್ಕ ಬಾರಿಸಿದ್ದಾರೆ. ವ್ಯಕ್ತಿ ಮತ್ತೆ ಎಲ್ವಿಶ್‌ ಅವರೊಂದಿಗೆ ವಾಗ್ವಾದಕ್ಕೆ ಬಂದಿದ್ದು, ಎಲ್ವಿಶ್ ಅವರನ್ನು ಅವರ ಸ್ನೇಹಿತರು ಹೊರಗೆ ಕರೆದುಕೊಂಡು ಹೋಗಿದ್ದಾರೆ.

ಇದನ್ನೂ ಓದಿ: BBK10 : ವರ್ತೂರು ಸಂತೋಷ್ ಜೊತೆ ಮದುವೆ ವಿಚಾರ: “ಮದುವೆಯಾದ ಮೇಲೂ..” ಮೌನ ಮುರಿದ ತನಿಷಾ

ಈ ಬಗ್ಗೆ ಸ್ವತಃ ಎಲ್ವಿಶ್‌ ಅವರೇ ಯಾಕೆ ಕಪಾಳಮೋಕ್ಷ ಮಾಡಿದೆ ಎನ್ನುವುದನ್ನು ವಿಡಿಯೋ ಮೂಲಕ ಹೇಳಿದ್ದಾರೆ. “ನನಗೆ ಜಗಳವಾಡಲು ಇಷ್ಟವಿಲ್ಲ. ನಾನು ಏನಿದ್ದರೂ ನನ್ನಷ್ಟಕ್ಕೆ ಇರುತ್ತೇನೆ. ನಾನು ಯಾರು ಫೋಟೋ ತೆಗೆಯಲು ಹೇಳುತ್ತಾರೋ, ಅವರೊಂದಿಗೆ ಆರಾಮದಲ್ಲಿ ಫೋಟೋಗೆ ಪೋಸ್‌ ನೀಡುತ್ತೇನೆ. ಆದರೆ ಯಾರು ಹಿಂದಿನಿಂದ ಕಮೆಂಟ್‌ ಮಾಡುತ್ತಾರೋ, ಅವರನ್ನು ಬಿಡಲ್ಲ”‌ ಎಂದಿದ್ದಾರೆ.

ನಮ್ಮೊಂದಿಗೆ ಪೊಲೀಸರು ಮತ್ತು ಕಮಾಂಡೋಗಳಿದ್ದರು. ನಾವು ತಪ್ಪು ಮಾಡಿದ್ದೇವೆ ಎಂದಲ್ಲ. ಇದು ವೈಯಕ್ತಿಕವಾಗಿತ್ತು. ಅವರು ನನ್ನನ್ನು ವೈಯಕ್ತಿಕವಾಗಿ ಕೆಣಕಿದರು, ನಾನು ಖುದ್ದಾಗಿ ಹೋಗಿ ಅವನಿಗೆ ಕಪಾಳಮೋಕ್ಷ ಮಾಡಿದೆ. ನನಗೆ ಯಾವುದೇ ವಿಷಾದವಿಲ್ಲ. ನಾನು ಇರೋದೇ ಹೀಗೆ” ಎಂದಿದ್ದಾರೆ.

ವ್ಯಕ್ತಿ ಎಲ್ವಿಶ್‌ ಅವರ ಪೋಷಕರಿಗೆ ನಿಂದಿಸಿ ಮಾತನಾಡಿದ್ದಕ್ಕೆ ಅವರು ಕಪಾಳಮೋಕ್ಷ ಮಾಡಿದ್ದಾರೆ ಎನ್ನಲಾಗಿದೆ.

ಆದರೆ ನೆಟ್ಟಿಗರು ಎಲ್ವಿಶ್‌ ಅವರ ಈ ವರ್ತನೆಗೆ ನೆಟ್ಟಿಗರು ಗರಂ ಆಗಿದ್ದಾರೆ. “ಇವನೊಬ್ಬ ಸ್ತ್ರೀದ್ವೇಷಿ ಗೂಂಡಾ. ಇದು ಅವರ ವಿಡಿಯೋಗಳಿಂದ ಸಾಬೀತಾಗಿದೆ. ಇದರಲ್ಲಿ ಯಾವುದೇ ಆಶ್ಚರ್ಯವಿಲ್ಲ” ಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ.

Kalesh b/w You tuber Elvish yadav and a Guy over that guy Passed some bad comments over him In Jaipur
pic.twitter.com/MTdgPdXBIG

— Ghar Ke Kalesh (@gharkekalesh) February 11, 2024