Bigg Boss OTT 3:‌ ಬಿಗ್‌ ಬಾಸ್‌ ಮನೆಯೊಳಗೆ ಹಾವು ಪ್ರತ್ಯಕ್ಷ; ವಿಡಿಯೋ ವೈರಲ್

Team Udayavani, Jul 9, 2024, 1:33 PM IST

ಮುಂಬಯಿ: ಬಿಗ್‌ ಬಾಸ್‌ ಓಟಿಟಿ ಸೀಸನ್‌ -3  ಆರಂಭದಿಂದ ಒಂದಲ್ಲ ಒಂದು  ವಿಚಾರದಿಂದ ಸುದ್ದಿಯಾಗುತ್ತಿದೆ.

ಇಷ್ಟು ದಿನ ಸ್ಪರ್ಧಿಗಳ ನಡುವಿನ ಕಿತ್ತಾಟದಿಂದ ಸುದ್ದಿಯಾಗುತ್ತಿದ್ದ ದೊಡ್ಮನೆ ಇದೀಗ ಮತ್ತೊಂದು ವಿಚಾರದಿಂದ ಸದ್ದು ಮಾಡಿದೆ. ಹಾವೊಂದು ಮನೆಯೊಳಗೆ ಕಾಣಿಸಿಕೊಂಡಿರುವ ವಿಡಿಯೋವೊಂದು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಮನೆಯ ಗಾರ್ಡನ್‌ ಏರಿಯಾದಲ್ಲಿ ವಿಶಾಲ್‌ ಪಾಂಡೆ ಹಾಗೂ ಲವಕೇಶ್ ಕಟಾರಿಯಾ ಪ್ರತಿನಿತ್ಯದ ಟಾಸ್ಕ್‌ ನಲ್ಲಿ ಭಾಗಿಯಾಗಿರುವ ವೇಳೆ ಅವರ ಹಿಂದೆ ಹಾವೊಂದು ಸಾಗಿದೆ. ಇದರ ವಿಡಿಯೋವೊಂದನ್ನು ವೀಕ್ಷಕರೊಬ್ಬರು ಹಂಚಿಕೊಂಡು ಸ್ಪರ್ಧಿಗಳ ಸುರಕ್ಷತೆ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ.

ಸದ್ಯ ಈ ವಿಡಿಯೋ ನೋಡಿ ನೆಟ್ಟಿಗರು ಆಯೋಜಕರ ವಿರುದ್ಧ ಕಿಡಿಕಾಡಿದ್ದಾರೆ. “ಹಾವು ಮನೆಯೊಳಗೆ ಹೇಗೆ ಬರಬಹುದು? ಇದು ಗಂಭೀರವಾದ ಸುರಕ್ಷತೆಯ ಲೋಪವಾಗಿದೆ.” ಎಂದು ಪ್ರಶ್ನಿಸಿದ್ದಾರೆ.

ವಿಡಿಯೋ ವೈರಲ್‌ ಆದ ಬೆನ್ನಲ್ಲೇ ಜಿಯೋ ಸಿನಿಮಾ ಸ್ಪಷ್ಟನೆ ನೀಡಿದ್ದು, “ಇದೊಂದು ಎಡಿಟ್‌ ಮಾಡಿರುವ ವಿಡಿಯೋ,ಮನೆಯಲ್ಲಿ ಯಾವುದೇ ಹಾವು ಕಂಡಿಬಂದಿಲ್ಲ” ಎಂದು ಹೇಳಿದೆ.

ಬಿಗ್‌ ಬಾಸ್‌ ಮನೆಯಲ್ಲಿ ಸಾಯಿ ಕೇತನ್ ರಾವ್, ಚಂದ್ರಿಕಾ ದೀಕ್ಷಿತ್, ನೇಜಿ, ಸನಾ ಸುಲ್ತಾನ್, ಲವೇಶ್ ಕಟಾರಿಯಾ, ವಿಶಾಲ್ ಪಾಂಡೆ, ರಣವೀರ್ ಶೋರೆ, ಅರ್ಮಾನ್ ಮಲಿಕ್, ಸನಾ ಮಕ್ಬುಲ್, ದೀಪಕ್ ಚೌರಾಸಿಯಾ, ಕೃತಿಕಾ ಮಲಿಕ್, ಶಿವಾನಿ ಸ್ಪರ್ಧಿಯಗಳಾಗಿ ಮನೆಯಲ್ಲಿ ಇದ್ದಾರೆ.

ಪಾಯಲ್ ಮಲಿಕ್, ಕುಸ್ತಿಪಟು ನೀರಜ್, ಮುನಿಶಾ ಖೇತ್ವಾನಿ ಮತ್ತು ಪೌಲೋಮಿ ದಾಸ್ ಬಿಗ್‌ ಮನೆಯಿಂದ ಎಲಿಮಿನೇಟ್‌ ಆಗಿದ್ದಾರೆ.