ದಳಪತಿ 50ನೇ ಹುಟ್ಟುಹಬ್ಬಕ್ಕೆ ʼGOAT’ ಆ್ಯಕ್ಷನ್ ಟೀಸರ್‌ ರಿಲೀಸ್; ಫ್ಯಾನ್ಸ್‌ ಥ್ರಿಲ್

Team Udayavani, Jun 22, 2024, 11:11 AM IST

ಚೆನ್ನೈ: ದಳಪತಿ ವಿಜಯ್‌ ಅವರಿಗಿಂದು 50ನೇ ಹುಟ್ಟುಹಬ್ಬದ ಸಂಭ್ರಮ. ಫ್ಯಾನ್ಸ್‌ಗಳು ತನ್ನ ನೆಚ್ಚಿನ ಸೂಪರ್‌ ಸ್ಟಾರ್‌ ಬರ್ತ್‌ ಡೇಯನ್ನು ಜೋರಾಗಿಯೇ ಸೆಲೆಬ್ರೆಟ್‌ ಮಾಡಿಕೊಳ್ಳುತ್ತಿದ್ದಾರೆ. ಇತ್ತ ಫ್ಯಾನ್ಸ್‌ ಗಳಿಗಾಗಿ ವಿಜಯ್‌ ತನ್ನ ಮುಂದಿನ ಸಿನಿಮಾದ ಟೀಸರ್‌ ಬಿಟ್ಟು ಖುಷಿಪಡಿಸಿದ್ದಾರೆ.

ರಾಜಕೀಯ ಅಖಾಡದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿರುವ ಕಾರಣದಿಂದ ವಿಜಯ್‌ ಅವರ ಮುಂದಿನ ಸಿನಿಮಾಗಳ ಮೇಲೆ ಕುತೂಹಲ ಹೆಚ್ಚಾಗಿದೆ. ವಿಜಯ್‌ ವೆಂಕಟ್‌ ಪ್ರಭು ನಿರ್ದೇಶನದ ʼ ಗೋಟ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಹಾಡುಗಳಿಂದ ಸಖತ್‌ ಕ್ರೇಜ್‌ ಹುಟ್ಟಿಸಿರುವ ಈ ಸಿನಿಮಾದ ಟೀಸರ್‌ ವಿಜಯ್‌ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳಿಗಾಗಿ ರಿಲೀಸ್‌ ಆಗಿದೆ.

ಇದೊಂದು ಸೈನ್ಸ್‌ ಫೀಕ್ಷನ್‌ ಚಿತ್ರವಾಗಿದ್ದು, ದಳಪತಿ ವಿಜಯ್‌ ʼಗೋಟ್‌ʼ ನಲ್ಲಿ ಡಬಲ್‌ ರೋಲ್‌ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಬೈಕ್‌ ನಲ್ಲಿ ಚೇಸಿಂಗ್‌ ಮಾಡುವ ಆ್ಯಕ್ಷನ್ ದೃಶ್ಯದ ಟೀಸರ್‌ ನ್ನು ರಿಲೀಸ್‌ ಮಾಡಲಾಗಿದೆ. ವಿಜಯ್‌ ಎರಡು ಶೇಡ್‌ ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಬೈಕ್‌ ನಲ್ಲಿ ಸಾಗುತ್ತಾ, ಚೇಸಿಂಗ್‌ ನಲ್ಲಿ ಗನ್‌ ಫೈಯರ್‌ ಮಾಡುವುದನ್ನು ಟೀಸರ್‌ ನಲ್ಲಿ ತೋರಿಸಲಾಗಿದೆ. ಟೀಸರ್‌ ನೋಡುಗರ ಗಮನ ಸೆಳೆದಿದ್ದು, ಫ್ಯಾನ್ಸ್‌ ಗಳು ಸಖತ್‌ ಥ್ರಿಲ್‌ ಆಗಿದ್ದಾರೆ.

ಸಿನಿಮಾದಲ್ಲಿ ವಿಜಯ್‌ ಜೊತೆ ಮೀನಾಕ್ಷಿ ಚೌಧರಿ, ಯೋಗಿ ಬಾಬು, ಜಯರಾಮ್, ಪ್ರಭುದೇವ, ಲೈಲಾ ಮುಂತಾದವರು ಕಾಣಿಸಿಕೊಳ್ಳಲಿದ್ದಾರೆ. ಬಹುನಿರೀಕ್ಷಿತ ʼಗ್ರೇಟೆಸ್ಟ್‌ ಆಫ್‌ ಆಲ್‌ ಟೈಮ್‌ʼ ಚಿತ್ರ ಸೆ.5 ರಂದು ವರ್ಲ್ಡ್‌ ವೈಡ್‌ ತೆರೆ ಕಾಣಲಿದೆ.