Thalapathy 69: ಮೊದಲ ಬಾರಿ ದಳಪತಿ ವಿಜಯ್‌ಯೊಂದಿಗೆ ಕಾರ್ತಿಕ್‌ ಸುಬ್ಬರಾಜ್‌ ಸಿನಿಮಾ?

Team Udayavani, Jan 25, 2024, 4:48 PM IST

ಚೆನ್ನೈ: ದಳಪತಿ ವಿಜಯ್‌ ʼಲಿಯೋʼ ಹಿಟ್‌ ಬಳಿಕ ವೆಂಕಟ್‌ ಪ್ರಭು ಅವರೊಂದಿಗೆ ಸಿನಿಮಾ ಮಾಡುತ್ತಿರುವ ವಿಚಾರ ಗೊತ್ತೇ ಇದೆ. ಈ ಸಿನಿಮಾಕ್ಕೆ ಗ್ರೇಟಿಸ್ಟ್‌ ಆಫ್‌ ಆಲ್‌ ಟೈಮ್‌ (GOAT) ಎಂದು ಟೈಟಲ್‌ ಇಡಲಾಗಿದೆ.

ವಿಜಯ್‌ ಅವರು ʼ ಗ್ರೇಟಿಸ್ಟ್‌ ಆಫ್‌ ಆಲ್‌ ಟೈಮ್‌ʼ ಸಿನಿಮಾದ ನಾನಾ ಪೋಸ್ಟರ್‌ ಗಳನ್ನು ಚಿತ್ರತಂಡ ರಿವೀಲ್‌ ಮಾಡಿದೆ. ವಿಜಯ್‌ ಈ ಸಿನಿಮಾದಲ್ಲಿ ಎರಡು ಶೇಡ್‌ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ನಡುವೆ ದಳಪತಿ ಅವರ ಮುಂದಿನ ಸಿನಿಮಾದ ಬಗ್ಗೆಯೂ ಕಾಲಿವುಡ್‌ ವಲಯದಲ್ಲಿ ಚರ್ಚೆಗಳು ಆರಂಭವಾಗಿದೆ.

“ದಳಪತಿ 69” ಸಿನಿಮಾಕ್ಕಾಗಿ ಮೊದಲ ಬಾರಿ ವಿಜಯ್‌ ಹಾಗೂ ಖ್ಯಾತ ನಿರ್ದೇಶಕ ಕಾರ್ತಿಕ್‌ ಸುಬ್ಬರಾಜ್‌ ಅವರು ಕೈಜೋಡಿಸಲಿದ್ದಾರೆ ಎನ್ನುವ ಮಾತುಗಳು ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಈ ಚಿತ್ರವನ್ನು ವೆಲ್ಸ್ ಫಿಲ್ಮ್ ಇಂಟರ್‌ನ್ಯಾಶನಲ್ ನಿರ್ಮಾಣ ಮಾಡಲಿದೆ ಎನ್ನುವ ಮಾತುಗಳೂ ಕಾಲಿವುಡ್‌ ವಲಯದಲ್ಲಿ ಹರಿದಾಡುತ್ತಿದೆ. ಆದರೆ ಈ ಬಗ್ಗೆ ಇನ್ನು ಕೂಡ ಅಧಿಕೃತವಾಗಿ ಎಲ್ಲೂ ಕೂಡ ಮಾಹಿತಿ ಹೊರಬಿದ್ದಿಲ್ಲ.

ಕಾರ್ತಿಕ್ ಸುಬ್ಬರಾಜ್ ಅವರು ಕೊನೆಯ ಬಾರಿಗೆ ʼಜಿಗರ್ತಂಡ ಡಬಲ್ಎಕ್ಸ್ʼ ಸಿನಿಮಾವನ್ನು ಮಾಡಿ ಮಿಂಚಿದ್ದಾರೆ.